រាជធានីភ្នំពេញ ៖ នាយនគរបាលមានឋានន្តរស័ក្តិថ្នាក់អនុសេនីយ៍ត្រីម្នាក់ ដែលខ្លាំងខាងបាញ់រះកណ្តាលរាត្រី កាលពីរសៀលថ្ងៃទី២៦ តុលា ត្រូវបានចៅក្រមស៊ើបសួរ សម្រេចឃុំខ្លួនដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទកាន់ «កាប់អាវុធដោយគ្មានការអនុញ្ញាត»…
រាជធានីភ្នំពេញ ៖ នាយនគរបាលមានឋានន្តរស័ក្តិថ្នាក់អនុសេនីយ៍ត្រីម្នាក់ ដែលខ្លាំងខាងបាញ់រះកណ្តាលរាត្រី កាលពីរសៀលថ្ងៃទី២៦ តុលា ត្រូវបានចៅក្រមស៊ើបសួរ
សម្រេចឃុំខ្លួនដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទកាន់
«កាប់អាវុធដោយគ្មានការអនុញ្ញាត» តាមមាត្រា៤៩០ នៃច្បាប់ស្តីពីបទល្មើសក្នុងវិស័យគ្រប់គ្រងអាវុធគ្រឿងផ្ទុះ និងគ្រាប់រំសេវ ។ ច្បាប់នេះតម្រូវផ្តន្ទាទោសលើជនជាប់ចោទដាក់ពន្ធនាគារពី៦ខែទៅ៣ឆ្នាំ និងពិន័យជាប្រាក់ចូលថវិការដ្ឋពី១លានទៅ៦លានរៀល។
បុរសខ្លាំងរូបនេះមានឈ្មោះ ឡេង ធារ៉ា អាយុជាង២០ឆ្នាំ បម្រើការងារនៅក្នុងក្របខណ្ឌនគរបាលជាតិ មានឋានន្តរសក្តិថ្នាក់អនុសេនីយ៍ត្រី(សក្តិមួយ) ។ បុរសខ្លាំងរូបនេះត្រូវបានកម្លាំងអាវុធហត្ថចាប់វាយខ្នោះ ភ្លាមៗ ក្រោយពីរូបគេជិះរថយន្តស៊េរីទំនើបម៉ាកឡិចស៊ីសមួយគ្រឿង មិនដឹងជាមកពីណាមកឈប់នៅមុខសណ្ឋាគារហូលីដេ រួចហើយដកកាភ្លើងខ្លីម៉ាកឡុកមួយដើមពីចង្កេះ បាញ់រះទៅលើរថយន្តរបស់ខ្លួនចំនួន៤គ្រាប់ បង្កឱ្យមានការភ្ញាក់ផ្អើលយ៉ាងខ្លាំង ។
ហេតុការណ៍នេះដែរ បានបង្កឱ្យមានការភ្ញាក់ផ្អើលកើតឡើង កាលពីវេលាម៉ោង១នឹង២០នាទីយប់រំលងអធ្រាត្រ ឈានចូលថ្ងៃទី២៤ តុលា ស្ថិតនៅចំណុចផ្លូវលេខ៧៥កែងនឹងផ្លូវ៨៤ (ទល់មុខសណ្ឋាគារហូលីដេ) ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីមន្ត្រីអាវុធហត្ថម្នាក់បានប្រាប់ឱ្យដឹងថា ខ្មាន់កាំភ្លើងរូបនេះ សព្វថ្ងៃបម្រើការងារនៅក្នុងក្របខណ្ឌនគរបាល ។ មុនពេលកើតហេតុ គេបានឃើញបុរសម្នាក់ខាងលើ បានជិះរថយន្តស៊េរីទំនើបម៉ាកឡិចស៊ីស LS450 ពណ៌ខ្មៅ ពាក់ស្លាកលេខ ភ្នំពេញ ២N-៣៥៧៩ មួយគ្រឿង ដោយមិនដឹងថាទើបមកពីទីណាឡើយ ហើយមកដល់កន្លែងកើតហេតុខាងលើ ក៏បានឈប់រថយន្តនិងដកកាំភ្លើងខ្លីម៉ាកឡុកមួយដើមពីចង្កេះបាញ់រះទៅលើរថយន្ត បណ្តាលឱ្យត្រូវកញ្ចក់បែកចំនួន៤គ្រាប់តែម្តង ។
ក្រោយពីមានស្នូរផ្ទុះអាវុធជាច្រើនគ្រាប់កក្រើកទាំងអធ្រាត្រនោះ ក៏ធ្វើឱ្យមានការភ្ញាក់ផ្អើលយ៉ាងខ្លាំងទៅដល់កម្លាំងកងអាវុធហត្ថខណ្ឌដូនពេញជាច្រើននាក់ចុះមកដល់ ក៏ចាប់ឃាត់ខ្លួនភ្លាមៗតែម្ដង ។ ពេលដែលធ្វើការចាប់ឃាត់ខ្លួនបុរសជាខ្មាន់កាំភ្លើងរូបនោះ កម្លាំងរបស់លោកក៏បានដកហូតអាវុធខ្លីម៉ាកឡុកចំនួន១ដើម និងបង់ចំនួន២ ព្រមទាំងគ្រាប់ជាច្រើនគ្រាប់ ។
មូលហេតុដែលបណ្តាលឱ្យគាត់មានការបាញ់រះសេរីបែបនេះ កើតឡើងដោយសារតែគាត់មានជម្លោះជាមួយនឹងប្រពន្ធរបស់ខ្លួន ដែលកំពុងតែធ្វើការងារនៅក្នុងសណ្ឋាគារ ហូលីដេ នោះ តែមិនដឹងពីជម្លោះបែបណានោះទេ ។ អ្នកប្រើកាំភ្លើងដាក់តាមខ្លួន គួរតែមានចិត្តធ្ងន់ណាស់ បើចិត្តឆេវឆាវវិញ មិនយួរទេអ្នកបន្លែងលេងនឹងកាំភ្លើងបែបនេះ ច្រើនតែក្លាយជាអ្នកទោសដោយសារតែកាំភ្លើងខ្លួនឯង ៕
ចែករំលែកព័តមាននេះ