ខេត្តកណ្ដាល ៖ បុរសម្នាក់បានចង.កសំលាប់ខ្លួននៅក្នុងផ្ទះកាលពីវេលាម៉ោង៩និង២០នាទីយប់ ថ្ងៃទី២៦ ខែតុលា ឆ្នាំ២០១៧ នៅភូមិឈើទាល ឃុំព្រែកអញ្ចាញ ស្រុកមុខកំពូល ដោយសារតូចចិត្តមានទំនាស់ពាក្យសំដី ជាមួយប្រពន្ធ ហើយប្រពន្ធវាយមួយដំបងបែកក្បាល ។ មន្ត្រីនគរបាលស្រុកមុខកំពូលបានឱ្យដឹងថា ជនរងគ្រោះឈ្មោះ សួន លឿម ភេទប្រុស អាយុ៣៣ឆ្នាំ នៅភូមិឈើទាល ឃុំព្រែកអញ្ចាញ ស្រុកមុខកំពូល មុខរបកសិករ ។
នគរបាលបានឱ្យដឹងបន្ថែមថា មុនពេលជនរងគ្រោះចង.កសំលាប់ខ្លួននៅនៅវេលាម៉ោង៧យប់ ថ្ងៃទី២៥ ខែតុលា ឆ្នាំ២០១៧ ជនរងគ្រោះមានទំនាស់ជាមួយប្រពន្ឋឈ្មោះ ដាណេ ពីរឿងប្រពន្ធឱ្យលុយយកម៉ូតូទៅធ្វើនៅសល់លុយ១ម៉ឺនរៀលយកមកផ្ញើម្ដាយរបស់ខ្លួនឈ្មោះ ពេជ្រ សាមាក់ ហើយប្រពន្ធជនរងគ្រោះយកឈើជ្រុងវាយជនរងគ្រោះបណ្ដាលឱ្យបែកក្បាលចំហៀងខាងឆ្វេងហូរឈាម ។ នៅពេលនោះម្ដាយជនរងគ្រោះបានយកជនរងគ្រោះទៅព្យាបាលរបួសនៅមន្ទីរពេទ្យស្រុករួចក៏យកជនរងគ្រោះត្រឡប់មកផ្ទះវិញ បាននិយាយប្រាប់អ្នកជិតខាងថា តូចចិត្តនឹងខ្មាស់គេណាស់ ដោយសារត្រូវប្រពន្ធវ៉ៃបែកក្បាល និងមើលងាយខ្លួនជាប្ដី ។
លុះដល់វេលាម៉ោង៩យប់ ថ្ងៃទី២៦ ខែតុលា ឆ្នាំ២០១៧ ឈ្មោះ ស៊ន ស្រី បានមកប្រាប់ម្ដាយជនរងគ្រោះថា ខ្ញុំឃើញពូលឿមឈរអង្កុញជើងនៅលើផ្ទះបិទទ្វារជាប់ ឮដូច្នេះម្ដាយជនរងគ្រោះក៏បានហៅអ្នកជិតខាងឪ្យគាស់ទ្វារផ្ទះជនរងគ្រោះស្រាប់តែឃើញជនរងគ្រោះចង.កសម្លាប់ខ្លួននឹងក្រមាជាប់នឹងធ្នឹមផ្ទះស្លាប់បាត់ទៅហើយ ។
ករណីនេះនគរបាលប៉ុស្តិ៍បាន និងកម្លាំងជំនាញស្រុកបានចុះសហការជាមួយអាជ្ញាធរមូលដ្ឋាន និងពេទ្យឃុំធ្វើការពិនិត្យសាកសពជនរងគ្រោះឃើញថា ជនរងគ្រោះពិតជាស្លាប់ដោយចង.កសំលាប់ខ្លួន រួចក៏បានប្រគល់សពឱ្យក្រុមគ្រួសាធ្វើបុណ្យតាមប្រពៃណី ៕
ចែករំលែកព័តមាននេះ