នាំមកជូនដោយ Forte Insurance រាជធានីភ្នំពេញ ៖ បច្ចុប្បន្ននេះបច្ចេកវិទ្យាក្នុងវិស័យសុខាភិបាលមានការវិវត្តន៍ជឿនលឿនច្រើននៅប្រទេសកម្ពុជា មិនចាញ់បរទេសនោះទេ សម្រាប់ការពិនិត្យ និងព្យាបាលជំងឺមហារីក ។…
នាំមកជូនដោយ Forte Insurance
រាជធានីភ្នំពេញ ៖ បច្ចុប្បន្ននេះបច្ចេកវិទ្យាក្នុងវិស័យសុខាភិបាលមានការវិវត្តន៍ជឿនលឿនច្រើននៅប្រទេសកម្ពុជា មិនចាញ់បរទេសនោះទេ សម្រាប់ការពិនិត្យ និងព្យាបាលជំងឺមហារីក ។ ប៉ុន្តែអ្វីដែលជាបញ្ហាប្រឈមដ៏ធ្ងន់ធ្ងរសម្រាប់ប្រជាជនខ្មែរ គឺការធ្វេសប្រហែល និងកង្វះការតាមដានរកជំងឺមហារីក ។
សាស្ត្រាចារ្យ អ៊ាវ សុខា ប្រធានផ្នែកជំងឺមហារីកនៃមន្ទីរពេទ្យកាល់ម៉ែតបានថ្លែងឲ្យដឹងថា ការតាមដានរកជំងឺមហារីករបស់យើងនៅមានកម្រិត ទាល់តែសភាពជំងឺធ្ងន់ធ្ងររួចទៅហើយ ទើបប្រជាពលរដ្ឋស្វះស្វែងរកការព្យាបាល ហេតុដូច្នេះការព្យាបាលខ្លះ គឺមិនអាចជាសះស្បើយបានឡើយ ។
ថ្លែងក្នុងកម្មវិធីមួយជាមួយសមាគមនាវាយុវជនអាស៊ីអាគ្នេយ៍កម្ពុជា កាលពីថ្ងៃទី ១៥ តុលា ឆ្នាំ២០១៧ នៃវេទិកាសុខភាពស្តីពី «ការបង្ការជំងឺមហារីក» លោកសាស្ត្រាចារ្យ អ៊ាវ សុខា មានប្រសាសន៍ថា ឃាតករមួយដែលសម្លាប់ប្រជាពលរដ្ឋខ្មែរច្រើនជាងគេបំផុត គឺ «ជំងឺមហារីក» ។
សាស្ត្រាចារ្យ អ៊ាវ សុខា បន្តថា វារឿងចាំបាច់ណាស់ដែលប្រជាពលរដ្ឋខ្មែរ ជាពិសេសស្ត្រីភេទតែម្តង ត្រូវតែយកចិត្តទុកដាក់ថែទាំសុខភាពខ្លួនឯងឲ្យបានខ្ពស់ មិនត្រូវបណ្តែតបណ្តោយទេ ព្រោះមានតែការការពារ និងព្យាបាលទាន់ពេលវេលាប៉ុណ្ណោះ ទើបគ្មានហានិភ័យដល់អាយុជីវិត ៕
ចែករំលែកព័តមាននេះ