រាជធានីភ្នំពេញ ៖ រថយន្តកុងតឺន័រមួយគ្រឿងបានបើកទៅបុកគូទរថយន្តឡិចស៊ីស RX300 ឆ្លងផ្លូវជិតផុត បណ្តាលឱ្យរថយន្តឡិចស៊ិស RX300 វេរទៅកិនម៉ូតូ SL ដែលចាប់ហ្វ្រាំងដួលខ្លួនឯងរលាត់ដៃជើងបន្តិចបន្តួច ។ ហេតុការណ៍នេះបានកើតឡើងកាលពីវេលាម៉ោង៩និង១៥នាទីយប់ថ្ងៃទី៧ តុលា ២០១២ តាមបណ្តោយផ្លូវលេខ២៧១ កែងផ្លូវលេខ៤៣២ ក្នុងសង្កាត់ទំនប់ទឹក ជាប់ព្រំប្រទល់សង្កាត់ទួលទំពូងទី២ ខណ្ឌចំការមន ។
រាជធានីភ្នំពេញ ៖ រថយន្តកុងតឺន័រមួយគ្រឿងបានបើកទៅបុកគូទរថយន្តឡិចស៊ីស RX300 ឆ្លងផ្លូវជិតផុត បណ្តាលឱ្យរថយន្តឡិចស៊ិស RX300 វេរទៅកិនម៉ូតូ SL ដែលចាប់ហ្វ្រាំងដួលខ្លួនឯងរលាត់ដៃជើងបន្តិចបន្តួច ។ ហេតុការណ៍នេះបានកើតឡើងកាលពីវេលាម៉ោង៩និង១៥នាទីយប់ថ្ងៃទី៧ តុលា ២០១២ តាមបណ្តោយផ្លូវលេខ២៧១ កែងផ្លូវលេខ៤៣២ ក្នុងសង្កាត់ទំនប់ទឹក ជាប់ព្រំប្រទល់សង្កាត់ទួលទំពូងទី២ ខណ្ឌចំការមន ។
ប្រភពព័ត៌មានពីប៉ូលិសបានឱ្យដឹងថា រថយន្តកុងតឺន័របើកតាមផ្លូវលេខ២៧១ ពីជើងទៅត្បូង ស្របទិសគ្នាជាមួយម៉ូតូ SL ពណ៌ស ចំណែករថយន្តឡិចស៊ីស RX300 ពណ៌ស្ករ ជិះគ្នា២នាក់ ស្រីម្នាក់ ប្រុសម្នាក់ បើកតាមផ្លូវលេខ៤៣២ ពីកើតទៅលិច ឆ្លងផ្លូវជិតផុតស្រាប់តែរថយន្តកុងតឺន័របើកទៅបុកគូទពីក្រោយធ្វើឱ្យក្រពឹតចំហៀងខាងស្តាំ និងបែកកញ្ចក់ចំហៀងខាងស្តាំរួចវេរទទឹងផ្លូវទៅកិនម៉ូតូ SL ដែលឃើញហេតុការណ៍នោះចាប់ហ្វ្រាំងប្រថុចញ៉ុចធ្វើឱ្យដួលត្រូវរថយន្តឡិចស៊ីសវេរមកកិនពីលើរងរបួសស្រាល ។
ក្រោយពេលកើតហេតុរថយន្តកុងតឺន័រឈប់ប្រុងជិះម៉ូតូឌុបរត់គេចខ្លួន តែដោយសារឃើញម្ចាស់រថយន្តឡិចស៊ីស និងម្ចាស់ម៉ូតូ SL រវល់តែប្រកែកគ្នាតឹងសរសៃ.កធ្វើឱ្យអ្នកបើកបររថយន្តកុងតឺន័រលបបើករថយន្តរត់គេចទៅបាត់នៅសល់តែរថយន្តឡិចស៊ីស និងម៉ូតូរងគ្រោះដោះស្រាយគ្នាមិនត្រូវ ទើបសមត្ថកិច្ចយកទៅធ្វើការដោះស្រាយនៅខណ្ឌចំការមន បន្តទៀត ៕
ចែករំលែកព័តមាននេះ