រាជធានីភ្នំពេញ ៖ ព្រឹកថ្ងៃទី១ តុលា ២០១២ នេះ សាលាដំបូងរាជធានីភ្នំពេញ នឹងប្រកាសសាលក្រមផ្តន្ទាទោសលើសំណុំរឿងលោកម៉ម សូណង់ដូ ប្រធានវិទ្យុសំបុកឃ្មុំ អេហ្វអឹម ១០៥ មេហ្គាហឺត និងជាប្រធានសមាគមអ្នកប្រជាធិបតេយ្យ ព្រមទាំងក្រុមពាក់ព័ន្ធទាំងអស់ចំនួន១៣នាក់ទៀតដែលថា ជាបក្សពួកបង្កើតតំបន់អបគមន៍នៅខេត្តក្រចេះ ។
រាជធានីភ្នំពេញ ៖ ព្រឹកថ្ងៃទី១ តុលា ២០១២ នេះ សាលាដំបូងរាជធានីភ្នំពេញ នឹងប្រកាសសាលក្រមផ្តន្ទាទោសលើសំណុំរឿងលោកម៉ម សូណង់ដូ ប្រធានវិទ្យុសំបុកឃ្មុំ អេហ្វអឹម ១០៥ មេហ្គាហឺត និងជាប្រធានសមាគមអ្នកប្រជាធិបតេយ្យ ព្រមទាំងក្រុមពាក់ព័ន្ធទាំងអស់ចំនួន១៣នាក់ទៀតដែលថា ជាបក្សពួកបង្កើតតំបន់អបគមន៍នៅខេត្តក្រចេះ ។
គួរបញ្ជាក់ថា សំណុំរឿងនេះមានជនត្រូវចោទទាំងអស់ចំនួន១៣នាក់ នៅក្នុងឃុំ៤នាក់ នៅក្រៅឃុំ៦នាក់ និងគេចខ្លួន៣នាក់ ។ ជនជាប់ចោទទាំងនោះ ១-ឈ្មោះម៉ម សូណង់ដូ ភេទប្រុស អាយុ៧១ឆ្នាំ ២-ឈ្មោះកាន់ សុវណ្ណ ភេទប្រុស អាយុ៥៤ឆ្នាំ ៣-ឈ្មោះទូច រៀប ភេទប្រុស អាយុ៣៣ឆ្នាំ និង៤-ឈ្មោះភន ស្រឿន ភេទប្រុស អាយុ៣២ឆ្នាំ ។ ចំណែកជនជាប់ចោទ៦នាក់ទៀតនៅក្រៅឃុំ ១-ឈ្មោះហង្ស ផល ភេទប្រុស អាយុ៤៨ឆ្នាំ ២-ឈ្មោះហេង គឿន ភេទប្រុស អាយុ៣១ឆ្នាំ ៣-ឈ្មោះម៉ៅ វាសនា ភេទប្រុស អាយុ៣២ឆ្នាំ ៤-ឈ្មោះផាត់ សារឿន ភេទប្រុស អាយុ៥៧ឆ្នាំ ៥-ឈ្មោះម៉ា ឆាង ភេទប្រុស អាយុ៤៧ឆ្នាំ និង៦-ឈ្មោះគង់ វណ្ណៈ ភេទប្រុស អាយុ៥៣ឆ្នាំ ។
ដោយឡែកជនដែលគេចខ្លួន៣នាក់ ១-ឈ្មោះប៊ុន រដ្ឋា ២-ឈ្មោះប៊ុន ឆន និង៣-ឈ្មោះសុខ តុង ។ ក្នុងចំណោម១៣នាក់ មាន៩នាក់ ជាប់ចោទពីបទប្រឆាំងនឹងអ្នករាជការសាធារណៈមានស្ថានទម្ងន់ទោសកុបកម្ម ជ្រៀតជ្រែកដោយខុសច្បាប់ នៅក្នុងការបំពេញមុខងារសាធារណៈកាន់កាប់ ឬដឹកជញ្ជូនអាវុធដោយគ្មានការអនុញ្ញាតប្រើប្រាស់លិខិត ឬឯកសារដែលបង្កើតឱ្យមានការភ័ន្តច្រឡំ និងញុះញង់ឱ្យប្រជាពលរដ្ឋកាន់កាប់អាវុធប្រឆាំងនឹងអាជ្ញាធរស្របច្បាប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ