រាជធានីភ្នំពេញ ៖ ស្ថាប័ននីតិប្បញ្ញត្តិកម្ពុជា និងថៃបានឯកភាពគ្នាបន្តពង្រឹងពង្រីកនិងកិច្ចសហប្រតិបត្តិការផ្នែកនីតិប្បញ្ញត្តិឲ្យកាន់តែស៊ីជម្រៅ និងស្អិតរមួត ។ ការឯកភាពគ្នានេះ បានធ្វើឡើងនៅក្នុងជំនួបរវាងសម្តេចប្រធានរដ្ឋសភា ហេង សំរិន ជាមួយសមាជិកព្រឹទ្ធសភាថៃ និងជាប្រធានក្រុមមិត្តភាពសភាកម្ពុជា-ថៃ លោកផាយ៉ាត ថងជឿន នៅវិមានរដ្ឋសភា ក្នុងរាជធានីភ្នំពេញ កាល
រាជធានីភ្នំពេញ ៖ ស្ថាប័ននីតិប្បញ្ញត្តិកម្ពុជា និងថៃបានឯកភាពគ្នាបន្តពង្រឹងពង្រីកនិងកិច្ចសហប្រតិបត្តិការផ្នែកនីតិប្បញ្ញត្តិឲ្យកាន់តែស៊ីជម្រៅ និងស្អិតរមួត ។ ការឯកភាពគ្នានេះ បានធ្វើឡើងនៅក្នុងជំនួបរវាងសម្តេចប្រធានរដ្ឋសភា ហេង សំរិន ជាមួយសមាជិកព្រឹទ្ធសភាថៃ និងជាប្រធានក្រុមមិត្តភាពសភាកម្ពុជា-ថៃ លោកផាយ៉ាត ថងជឿន នៅវិមានរដ្ឋសភា ក្នុងរាជធានីភ្នំពេញ កាលពីវេលាម៉ោង៩ព្រឹកថ្ងៃទី២៨ កញ្ញា ២០១២នេះ ។
ក្រៅពីការបន្តរឹតចំណងសាមគ្គីភាព មិត្តភាពនិងកិច្ចសហប្រតិបត្តិការវាងស្ថាប័ននីតិប្បញ្ញត្តិនៃប្រទេសទំាង២ លោកសមាជិកព្រឹទ្ធសភាថៃ ក៏បានស្នើឲ្យមានកិច្ចសហប្រតិបត្តិការដូចគ្នានេះនៅតាមព្រំដែន ជាពិសេសប្រជាពលរដ្ឋដែលរស់នៅក្បែរភូមិផងរបងជាមួយតាមបន្ទាត់ព្រំដែន នោះថែមទៀត ។
ក្នុងឱកាសនោះដែរ លោក ផាយ៉ាត ថងជឿន សមាជិកព្រឹទ្ឋសភាថៃ និងជាប្រធានក្រុមមិត្តភាពសភាកម្ពុជា-ថៃ ក៏បានស្នើអញ្ជើញសម្តេចប្រធាន ហេង សំរិន ទៅបំពេញទស្សនកិច្ចនៅព្រះរាជាណាចក្រថៃ ក្នុងពេលវេលាសមស្របណាមួយ ។
គួរបញ្ជាក់ថា មុននឹងបិទបញ្ចប់ដំណើរទស្សនកិច្ចរយៈពេល៣ថ្ងៃនៅកម្ពុជាដោយចាប់ផ្តើមពីថ្ងៃទី២៦ កញ្ញា ២០១២នោះមក នៅថ្ងៃទី២៩ កញ្ញាស្អែកនេះ លោកសមាជិកព្រឹទ្ធសភាថៃ និងជាប្រធានក្រុមមិត្តភាពសភាកម្ពុជា-ថៃ និងគណៈប្រតិភូ៦រូបផ្សេងទៀត នឹងអញ្ជើញទៅទស្សនាប្រាសាទអង្គរវត្តនៅក្នុងខេត្តសៀមរាបផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ