ខេត្តកំពង់ស្ពឺ ៖ លទ្ធផលការងាររបស់ការិយាល័យច្រកចេញចូលតែមួយរបស់សាលាក្រុងច្បារមនចាប់ពីខែកញ្ញា ឆ្នាំ២០១១ ដល់ខែសីហា ឆ្នាំ២០១២ ត្រូវបានធ្វើការបូកសរុបនូវទិន្នន័យការងារជាផ្លូវការកាលពីព្រឹកថ្ងៃទី២១ កញ្ញា កន្លងមកនេះ ក្រោមអធិបតីភាពលោក សឿ សុខណាល់ នាយករដ្ឋបាលសាលាខេត្តជាតំណាងលោកអភិបាលខេត្ត តំណាងគម្រោងថ្នាក់ជាតិ លោកហ៊ុយ
ខេត្តកំពង់ស្ពឺ ៖ លទ្ធផលការងាររបស់ការិយាល័យច្រកចេញចូលតែមួយរបស់សាលាក្រុងច្បារមនចាប់ពីខែកញ្ញា ឆ្នាំ២០១១ ដល់ខែសីហា ឆ្នាំ២០១២ ត្រូវបានធ្វើការបូកសរុបនូវទិន្នន័យការងារជាផ្លូវការកាលពីព្រឹកថ្ងៃទី២១ កញ្ញា កន្លងមកនេះ ក្រោមអធិបតីភាពលោក សឿ សុខណាល់ នាយករដ្ឋបាលសាលាខេត្តជាតំណាងលោកអភិបាលខេត្ត តំណាងគម្រោងថ្នាក់ជាតិ លោកហ៊ុយ ស៊ីធឿន អភិបាលក្រុង និងជាប្រធានគ្រប់គ្រងគម្រោងថ្នាក់ក្រុង រួមទាំងមន្ត្រីរាជការជុំវិញក្រុង អាជីវករ និងសិស្សានុសិស្សចូលរួមសរុបជិត ៣០០នាក់ ។
លោក ហ៊ុយ ស៊ីធឿន អភិបាលក្រុងនិងជាប្រធានគ្រប់គ្រងគម្រោងថ្នាក់ក្រុង បានរាយការណ៍ពីលទ្ធផលដែលសម្រេចបានក្នុងឆ្នាំ២០១១(គិតចាប់ពីខែកញ្ញា ដល់ ខែធ្នូ ឆ្នាំ ២០១១ ) កន្លងទៅនេះរួមមានវិស័យសាធា រណការនិងដឹកជញ្ជូន ទទួលបានចំណូលសរុបចំនួន៥០១.៦០០រៀល និង២៨៤,៨៥ដុល្លារ,វិស័យពាណិជ្ជកម្ម១៥០.០០០រៀល, វិស័យទេសចរណ៍៦៣៨.០០០រៀល, វិស័យនីត្យានុកូលកម្ម២.២៤៩.១០០រៀល រីឯវិស័យផ្សេងៗពុំទាន់មានអ្នកស្នើសុំនៅឡើយទេ ។
លោក ហ៊ុយ ស៊ីធឿន បានរាយការណ៍បន្តថា ជារួមក្នុងឆ្នាំ២០១២នេះ ការិយាល័យច្រកចេញចូលតែមួយក្រុងច្បារមនសម្រេចផ្តល់សេវាជូនប្រជាពលរដ្ឋបានចំនួន៥៨៧នាក់ ក្នុងនោះស្រី២១២នាក់ ទទួលបានចំណូលសរុបចំនួន៣.៥៣៨. ៧០០រៀល និង២៨៤,៨៥ដុល្លារអាមេរិក ។ ដោយឡែកក្នុងឆ្នាំ២០១២គិតចាប់ពីខែមករា ដល់ខែមិថុនា សម្រេចផ្តល់សេវាជូនប្រជាពលរដ្ឋមានវិស័យសាធារណការនិងដឹកជញ្ជូនបានចំណូលសរុប៦.២៥៦.៨០០រៀល និង៣.៥៣៦,៧៣ដុល្លារអាមេរិក , វិស័យពាណិជ្ជកម្ម៦.៤៧៥.០០០រៀល, វិស័យទេសចរណ៍៣.៨១៨ .០០០រៀល, វិស័យវប្បធម៌ ១.៧០៥.០០០រៀល, វិស័យឧស្សាហកម្ម២៥៣.០០០រៀល, វិស័យសំណង់៥.៤៩ ០.០០០រៀល, វិស័យនីត្យានុកូលកម្ម១.៦១៧.៨០០រៀល,វិស័យកសិកម្ម១០២.០០០រៀល ។ ជារួមនៅក្នុងឆ្នាំ២០១២ ចាប់ពីខែមករា ដល់ខែសីហា ការិយាល័យច្រកចេញចូលតែមួយក្រុងច្បារមនសម្រេចផ្តល់សេវាជូនប្រជាពលរដ្ឋបានចំនួន១.១៥៦នាក់ ស្រី៣០៧នាក់ ប្រាក់ចំណូលសរុបចំនួន២៥.៧១៧ .៦០០រៀល និង៣.៥ ៣៩,៧៣ដុល្លារ។
លោក សឿ សុខណាល់ តំណាងប្រធានគ្រប់គ្រងគម្រោងថ្នាក់ជាតិបានលើកឡើងនូវការរីកចម្រើនជាបឋមដែលការិយាល័យច្រកចេញចូលតែមួយក្រុងសម្រេចបាន ទោះបីជាតិចតួចបើគួបផ្សំបន្ថែមលើការផ្សព្វផ្សាយជាបន្តទៀត អាចឆ្នាំក្រោយៗនឹងមានសេវាល្អជាងនេះ ហើយអំពើពុករលួយត្រូវបានកាត់បន្ថយ ។ ជាងនេះត្រូវផ្សព្វផ្សាយបន្តទៀតដល់ស្រទាប់មហាជនអតិថិជន ភ្ញៀវជាតិ អន្តរជាតិ ដែលធ្វើការលើវិស័យទេសចរណ៍ ឧស្សាហកម្ម ពាណិជ្ជកម្ម ការសាងសង់ អប់រំ កសិកម្ម ។ល។ ត្រូវតែបញ្ជូនចូលឱ្យដល់ច្រកចេញចូលតែមួយកុំឱ្យចាកផុតពីមុខព្រួញសេវាកម្មនេះ ។
លោកក៏បានសង្កត់ធ្ងន់ថា ត្រូវចៀសវាងការប្រព្រឹត្តអំពើពុករលួយលើសេវាកម្មតាមច្រកចេញចូលតែមួយរបស់មន្ត្រីរាជការ ។ នៅព្រឹកថ្ងៃដដែលនេះក៏មានការដង្ហែក្បួនឃោសនាផ្សព្វផ្សាយតាមរថយន្តតាមម៉ូតូជាច្រើនគ្រឿងផងដែរ នៅជុំវិញក្រុងច្បារមន ៕
ចែករំលែកព័តមាននេះ