ខេត្តកំពង់ស្ពឺ ៖ យុវជនម្នាក់បានត្រូវរន្ទះបា.ញ់ស្លា.ប់ កាលពីវេលាម៉ោង១១និង៣០នាទីព្រឹកថ្ងៃទី២៤ កញ្ញា ខណៈកំពុងឃ្វាលគោនៅព្រៃរបោះក្រោយភូមិអូរស្នួល ឃុំទ័ពមាន ស្រុកថ្ពង ហើយមានភ្លៀងបង្អុរចុះយ៉ាងខ្លាំង ។ យុវជនដែលស្លា.ប់នេះ ឈ្មោះហាន ង៉ោ អាយុ២១ឆ្នាំ មានទីលំនៅក្នុងភូមិអូរស្នួល ។
ខេត្តកំពង់ស្ពឺ ៖ យុវជនម្នាក់បានត្រូវរន្ទះបាញ់ស្លាប់ កាលពីវេលាម៉ោង១១និង៣០នាទីព្រឹកថ្ងៃទី២៤ កញ្ញា ខណៈកំពុងឃ្វាលគោនៅព្រៃរបោះក្រោយភូមិអូរស្នួល ឃុំទ័ពមាន ស្រុកថ្ពង ហើយមានភ្លៀងបង្អុរចុះយ៉ាងខ្លាំង ។ យុវជនដែលស្លាប់នេះ ឈ្មោះហាន ង៉ោ អាយុ២១ឆ្នាំ មានទីលំនៅក្នុងភូមិអូរស្នួល ។
អ្នកភូមិនិយាយថា នៅពេលមេឃធ្លាក់ភ្លៀងនោះ យុវជនហោ ង៉ោ កំពុងឃ្វាលគោនៅខាងក្រោយភូមិ ហើយរន្ទះក៏បានប្រល័យជីវភាពយុវជនរូបនេះនៅក្នុងព្រៃរបោះនោះតែម្តង ។ក្រោយកើតហេតុ អ្នកឃ្វាលគោជាមួយគ្នាភិតភ័យក៏រត់ចូលភូមិប្រាប់ឪពុកម្តាយឱ្យទៅមើលក្រែងអាចជួយសង្គ្រោះបាន តែយុវជនរូបនេះបានស្លាប់បាត់ទៅហើយ ពុំអាចសង្គ្រោះបានឡើយ ។
មន្ត្រីប៉ូលិសមូលដ្ឋានបានធ្វើការត្រួតពិនិត្យ និងអះអាងថា យុវជនរូបនេះ ពិតជាស្លាប់ដោយរន្ទះបាញ់មែន ។ សពត្រូវបានក្រុមគ្រួសារនាំយកទៅធ្វើបុណ្យតាមប្រពៃណី ដោយក្តីសោកសង្រេងក្រៃលែង ៕
ចែករំលែកព័តមាននេះ