ខេត្តព្រះសីហនុ៖ មន្ទីរអង្គភាពរដ្ឋចំនួន៧ក្នុងខេត្តបាននាំយកអំណោយជាថវិកា និងម្ហូបអាហារឧបត្ថម្ភដល់ក្រុមយុវជនស្ម័គ្រចិត្តសម្ដេតេជោ កាលពីព្រឹកថ្ងៃទី២៥ កញ្ញា ដែលមានមន្ទីរឧស្សាហម្មរ៉ែ និងថាមពល មន្ទីរពាណិជ្ជកម្ម មន្ទីរកសិកម្ម អង្គភាពអគ្គិសនី អង្គភាពរដ្ឋាករទឹក អង្គភាពរដ្ឋបាលព្រៃឈើ និងអង្គភាពរដ្ឋបាលជលផល ។
ខេត្តព្រះសីហនុ៖ មន្ទីរអង្គភាពរដ្ឋចំនួន៧ក្នុងខេត្តបាននាំយកអំណោយជាថវិកា និងម្ហូបអាហារឧបត្ថម្ភដល់ក្រុមយុវជនស្ម័គ្រចិត្តសម្ដេតេជោ កាលពីព្រឹកថ្ងៃទី២៥ កញ្ញា ដែលមានមន្ទីរឧស្សាហម្មរ៉ែ និងថាមពល មន្ទីរពាណិជ្ជកម្ម មន្ទីរកសិកម្ម អង្គភាពអគ្គិសនី អង្គភាពរដ្ឋាករទឹក អង្គភាពរដ្ឋបាលព្រៃឈើ និងអង្គភាពរដ្ឋបាលជលផល ។
ការផ្ដល់ថវិកា និងម្ហូបអាហារដល់ក្រុមយុវជនស្ម័គ្រចិត្តសម្ដេចតេជោលើកនេះក៏ដូចជាមុនៗដែរ គឺធ្វើឡើងតាមគោលការណ៍របស់អាជ្ញាធរខេត្តដែលរៀបចំឱ្យមន្ទីរអង្គភាពរដ្ឋក្នុងខេត្តចាត់មន្រ្តីចុះសួរសុខទុកក្រុមយុវជនស្ម័គ្រចិត្ត និងក្រុមមន្រ្តីសុរិយោដីខេត្ត ដែលកំពុងវាស់វែងដីធ្លីជូនប្រជាពលរដ្ឋនៅតាមបណ្ដាស្រុកនានាក្នុងខេត្ត ក្នុងនោះកម្មវិធីចុះសួរសុខទុក្ខ និងផ្ដល់ជំនួយម្ហូបអាហារ សម្ភារប្រើប្រាស់ គឺធ្វើឡើងជារៀងរាល់ពីរសប្ដាហ៍ម្ដង ហើយផ្លាស់ប្ដូរមន្ទីរអង្គភាពរដ្ឋរហូតដល់ចប់បេសកកម្ម ។
លោកប្រាក់ ស៊ីហារ៉ា អភិបាលរងខេត្តដែលដឹកនាំតំណាងមន្ទីរអង្គភាពទាំង៧មានប្រសាសន៍ថា អំណោយដែលឧបត្ថម្ភលើកនេះរួមមានយុវជនចំនួន៤ក្រុម និងក្រុមមន្រ្តីជំនាញសុរិយោដី៤ក្រុមដូចគ្នាដោយក្នុងមួយក្រុមៗទទួលបានថវិកា៥០ម៉ឺនរៀល អង្ករ១បាវ ទឹកបរិសុទ្ធ១០យួរព្រមទាំងម្ហូបអាហារចម្រុះជាច្រើនមុខទៀត ។ លោកប្រាក់ ស៊ីហារ៉ា មានប្រសាសន៍ទៀតថា គិតត្រឹមពាក់កណ្ដាលខែកញ្ញាកន្លងទៅនេះ ក្រុមយុវជនស្ម័គ្រចិត្តសម្ដេចតេជោ និងក្រុមមន្រ្តីសុរិយោដីខេត្តទាំង៤ក្រុម ក្នុងនោះ៣ក្រុមបំពេញការងារនៅស្រុកព្រៃនប់ និង១ក្រុមទៀតនៅស្រុកកំពង់សិលា សម្រេចវាស់វែងដីធ្លីជូនបងប្អូនប្រជាពលរដ្ឋបានមួយចំនួន៦.១៨៣ហិកតា និងបំពេញឯកសារក្បាលដីបានចំនួន៣.៩៤៣ក្បាលដី ។
ជាមួយគ្នានេះ ទាំងក្រុមមន្រ្តីជំនាញ និងក្រុមយុវជនស្ម័គ្រចិត្តសម្ដេចតេជោ បានអះអាងដូចគ្នាថា នៅក្នុងខែកញ្ញានេះដោយសារតែអាកាសធាតុ និងភូមិសាស្រ្តក្នុងស្រុកកំពង់សិលា និងស្រុកព្រៃនប់សម្បូរភ្លៀងធ្លាក់ច្រើន សកម្មភាពវាស់វែងដីធ្លីនៅទីវាលកំពុងជួបការលំបាក និងយឺតយ៉ាវអូសបន្លាយពេលវេលា ព្រោះប៉ះពាល់ដល់ឧបករណ៍បច្ចេកទេស ប៉ុន្តែទោះជាយ៉ាងណាក្ដី ការបំពេញឯកសារជូនប្រជាពលរដ្ឋពុំមានការរាំងស្ទះឡើយ ៕
ចែករំលែកព័តមាននេះ