Control របស់ Ranger អនុញ្ញាត​ឲ្យ​អ្នក​បើក​​បរ​ភ្ជាប់ជាមួយ​ទូរ​ស័ព្ទដៃ ប្រព័ន្ធ​សោត​ទស្សន៍​ ប្រព័ន្ធ​បញ្ជាសេត​ថលឡៃ (ផ្កាយ​រណប) និង​គ្រប់​គ្រង​សីតុណ្ហ​ភាព​តាម​​រយៈ​នៃការ​ប្រើ​សំឡេង​បញ្ជា ។
-ការបង្កើនសមត្ថភាព​នៃប្រព័ន្ធ​ចែក​ចាយ​អគ្គិស​នីក្នុង​រថយន្ដ ក្រុម​វិស្វករអាច​ប្រើគ្រឿង​បន្លាស់ម៉ាស៊ីនថ្មីៗសម្រាប់ប្រើជា​មួយ​តួរថយន្ដ Ford ។
-Ranger ផ្ដល់ផាសុកភាព ហើយ​អ្នក​បើក​បរ​ធ្លាប់តែឃើញ​វានៅ​ក្នុង​រថយន្ដ​ដឹក​អ្នក​ដំណើរ​ប្រណីតៗប៉ុណ្ណោះ ។​គ្រាន់តែបញ្ចេញ​សំឡេង និង​បំណង​របស់​លោក​អ្នក វានឹងក្លាយជាការបញ្ជាលើ Ford Ranger ស៊េរីថ្មីទាំងអស់ភ្លាម ។ សូមជ្រើស​រើស​ម៉ូដែល​បំពាក់ប្រព័ន្ធ Bluetooth® Voice Control អាចឲ្យអ្នកបើកបរភ្ជាប់ជាមួយទូរ​ស័ព្ទ​ដៃ ប្រព័ន្ធសោតទស្សន៍ ប្រព័ន្ធ​បញ្ជា​សេត​ថល​ឡៃ (ផ្កាយរណប) និងគ្រប់គ្រងសីតុណ្ហភាព​តាម​រយៈ​នៃការប្រើសំឡេងបញ្ជា ដែល​សុទ្ធ​តែ​អត់​ប្រើខ្សែ។

លោកអ្នកអាចបញ្ជាដោយសំឡេង​លើទូរសព្ទ័ដៃ វិទ្យុ និងស៊ីឌី ខណៈពេល​ដែល​ដៃ​ទាំង​ពីរ​បស់​អ្នកកំពុងកាន់ចង្កូត​​បើក​បរ​ ភែ្នក​សម្លឹង​មើល​ទៅមុខ ។ អ្នកបើកបរអាចទទួល ឬហៅ​ទូរ​​ស័ព្ទ​ចេញ ព្រមទាំងអានសារផ្សេងៗ និងឆែក​រាល់​ការ​ហៅ​ចេញ​ចូល​បាន​យ៉ាង​ងាយ​ស្រួល។ ប្រព័ន្ធ​នេះ ក៏អាចថត​សំឡេង​សម្រាប់​លេ​ខ​ទូរស័ព្ទ​របស់​អ្នកជា​ទីស្រឡាញ់​ផងដែរ។ ម្យ៉ាង​វិញ​ទៀត អ្នក​បើកបរមិនចាំបាច់លំបាកទៅប្រើវិទ្យុ ឧបករណ៍​ចាក់ស៊ីឌី, iPod និងឧបករណ៍ភ្ជាប់ USB ទៀតទេ ។ វាអាចភ្ជាប់​ប្រព័ន្ធសោត​ទស្សន៍​​ជាមួយទូរស័ព្ទដៃផងដែរ ។

ការភ្ជាប់ប្រព័ន្ធសោតទស្សន៍របស់ Ranger មាន​មុខងារគ្រប់​យ៉ាង និងតែមួយ​គត់​ដែល​ស្ថិត​នៅច​ំកណ្ដាលតាបឡូ ដើម្បី​បង្ការចោរលួច ។ រូប​ភាព​មុខ​មនុស្ស​និយាយ (Human Machine Interface) នៅលើបន្ទះបញ្ជាកណ្ដាល ត្រូវបាន​បំពាក់​ដោយ​ឧបករណ៍ទាក់ទង​ចុងក្រោយបំផុត ដែល​មាន​ប្រដាប់​បញ្ជាមួយ និងបន្ទះ​លេខ​ទន់ៗ​សម្រាប់វាយលេខទូរស័ព្ទ ។ សូមជ្រើស​រើស​ម៉ូដែល​ទាំងនេះ ដែលមាន SMS ប្រព័ន្ធ​កែ​សម្រួល​វេយ្យាករណ៍ ។

ការដាក់បញ្ជូលប្រព័ន្ធសោតទស្សន៍ ប្រព័ន្ធ​បញ្ជាលើតាបឡូ រួមមានកម្មវិធីសោតទស្សន៍ និង​ចក្ខុទស្សន៍​លើ​អេក្រង់ព​ណ៌​ធម្ម​ជាតិ​៥អីុ​ង អាច​បង្ហាញពីទីតាំង​ដែល​កំពុង​ស្ថិតនៅ និង​បរិវេណ​ជុំវិញ ។ ផែនទី ត្រូវបានដំឡើង​ និង​ធ្វើ​ឲ្យ​ប្រសើរឡើងតាមរយៈ​កាត SD ។ដើម្បីបង្កើន​ផាសុកភាព​ចំពោះ​បរិ​វេណ​ផ្ទៃ​ខាង​ក្នុង ប្រព័ន្ធគ្រប់​គ្រង​សីតុណ្ហ​ភាព២​បែប​របស់ Ranger ថ្មីនេះ អនុញ្ញាត​ឲ្យតៃ​កុង និងអ្នក​រួម​ដំណើ​រអាច​ដាក់សីតុណ្ហភាពផ្សេងៗគ្នា ។

លោក Con Papadomanolakis ជានាយក ផ្នែក Electrical Integration របស់ Ford ប្រចាំនៅអាស៊ីបាស៊ីហ្វិក និងអាហ្វ្រីក បាន​ថ្លែង​ថា៖ «ប្រព័ន្ធបញ្ជាសំឡេងប៊ូធូស (The Bluetooth® Voice Control) បានធ្វើឲ្យ Ranger មានលក្ខណៈ​ពិសេស​ខុស​ពីគូ​ប្រជែង​ដទៃ ពីព្រោះអ្នកបើក​បរ​នៅតែអាច​ទាក់​ទងជា​មួយអតិថិជន និងធ្វើសកម្ម​ភាព​ផ្សេងៗ​លើ​រថ​យន្ដ​ដែល​កំពុងតែរត់​លើដង​ផ្លូវ​ប្រកប​ដោយ​សុវត្ថិ​ភាព ខណៈ​ពេល​រីក​រាយ​ជា​មួយ​នឹង​ឧប​ករណ៍ iPod® និង​ប្រព័ន្ធ​​គ្រប់គ្រង​សីតុណ្ហ​ភាព​ស្វ័យប្រវត្ដិ ដែល​សុទ្ធ​តែ​​បញ្ជា​ដោយ​សំឡេង»។

ការផ្ដល់នូវផាសុកភាព និងងាយ​ស្រួល​ដ៏ពិសេសRanger ដ៏ថ្មីសន្លាង បាន​ប្រើ​ប្រព័ន្ធចែក​ចាយអគ្គិសនីក្នុងរថយន្ដដែល​ត្រូវ​បាន​ចែ​ករំលែកដោយ Ford Focus និង Ford Mondeo នាពេលបច្ចុប្បន្ន ។ នេះបញ្ជាក់ថា ក្រុម​វិស្វករអាច​ប្រើគ្រឿង​បន្លាស់​ម៉ាស៊ីន​អភិ​វឌ្ឍ​ថ្មី​សម្រាប់តួរថយន្ដ Ranger ស៊េរី​ថ្មីៗ​ទាំង​អស់​យ៉ាងទូលំទូលាយ ដែលបន្ថែមលក្ខណៈពិសេស និងបច្ចេកវិទ្យាថ្មីៗជាច្រើន​ទៀត​សម្រាប់ធ្វើឲ្យប្រសើរនាពេលអនាគត ។

សូមជ្រើសរើសម៉ូដែល Ranger នាពេល​ឥឡូវ​នេះ ដើម្បីទទួល​បាន​ប្រព័ន្ធ​គ្រប់​គ្រង​ល្បឿន ប្រព័ន្ធគ្រប់គ្រងពន្លឺ ប្រព័ន្ធ​ចាក់​សោទ្វារ​ស្វ័យប្រវត្ដិ ប្រព័ន្ធបញ្ជាជូត​កញ្ចក់​ស្វ័យ​ប្រវត្ដិ ប្រព័ន្ធ​បញ្ជាជូន​កញ្ចក់​ស្វ័យ​ប្រវត្ដិ​នៅ​ពេល​ចត ម៉ាស៊ីនរំលាយព្រិលទឹកកកស្វ័យប្រវត្ដិ កញ្ចក់​អគ្គិស​នីសម្រាប់មើលក្រោយ ដែលអាច​ទម្លាក់​ចុះដោយស្វ័យ​ប្រវត្ដិដើម្បី​កុំឱ្យ​ចាំង​ភ្លើង​រថ​យន្ដ​ពី​ក្រោយ និងប្រព័ន្ធសំឡេង​រោទ៍ Thatcham ជាមួយនឹងសញ្ញាណនៃចលនា​នៅបរិវេណ​ខាង​ក្នុងឧបករណ៍​បញ្ចេញសំឡេង​រោទ៍​នៅ​ពេល​បណ្ដាញ​អគ្គិសនីត្រូវ​បាន​កាត់​ផ្ដាច់ និង​ប្រព័ន្ធ​បញ្ឈប់​ស្វ័យ​ប្រវត្ដិខណៈពេលមានអ្វីរាំងស្ទះផ្លូវ។

លក្ខណៈពិសេសបន្ដរបស់ Ranger គឺភ្លើង​ចង្កៀង​មុខស្វ័យ​ប្រវត្ដិ​ដែល​អាច​បន្ទាបចុះ ហើយ​ភ្លើង​ក្រោម​តួរ​ថយន្ដ នឹង​ជះ​ពន្លឺ​ឡើង​នៅ​ពេល​ដែលបើកសោទ្វាររបស់វា ។ ពន្លឺភ្លើង​សុវត្ថិ​ភាព (Follow-Me-Home) នៅតែឆេះ​ជាប់​ជានិច្ច​ក្នុងរយៈពេល១​នាទី​ក្រោយ​ពី​លោក​អ្នក​ពន្លត់​ម៉ាស៊ីន​ហើយ​ប្រព័ន្ធ​ភ្លើង​ស៊ីញ៉ូនឹង​បញ្ចេញ​ពន្លឺ​ដើម្បី​​ក្រើន​រំឭកដល់​អ្នក​បើក​បរខាង​ក្រោយ​ប្រសិន​​បើលោក​អ្នក​ជាន់​ហ្វ្រាំង​ប្រថុច​ញ៉ុចភ្លាមៗ ។

នៅពេលបណ្ដាញអគ្គិសនីត្រូវបាន​តភ្ជាប់​វិញ ប្រព័ន្ធកាមេរ៉ាមើល​ក្រោយ​ដែល​ច្នៃប្រឌិត​ថ្មីរបស់ Ranger នឹងបង្ហាញរូបភាព​វីដេអូ​នៅ​ផ្នែក​កញ្ចក់​ខាងក្រោយ រួមជាមួយខ្សែអ័ក្ស​​បញ្ជាក់​ពី​ប្រវែង​ទទឹងរថយន្ដ និងចម្ងាយទៅ​កាន់​វត្ថុ​ណា​មួយ​ដែលនៅជិតបំផុត ។ អាស្រ័យ​លើ​ប្រព័ន្ធចូល​ចត ​រយ៉ែក្រោយដោយប្រើរលកសំឡេង វិទ្យុ​នឹង​បន្លឺ​សំឡេង​ឡើង​ដែល​បង្ហាញ​ពីសមា​មាត្រ​ចន្លោះ​ចម្ងាយពី Ranger ទៅវត្ថុនោះ ។ ម្យ៉ាង​វិញ​ទៀត អេក្រង់ទូរទស្សន៍ខាងក្នុងរថយន្ដ​ ក៏នឹង​បង្ហាញ​រូប​ភាព​ដែល​បង្ក​ឲ្យ​បន្លឺ​សំឡេង​រោទ៍​នោះ​ផងដែរ។ នៅពេ​ល​ដែល​វត្ថុ​មួយ​ត្រូវ​បាន​រក​ឃើញ រូប​ភាព​នៅខាង​ក្រោយ​រថ​យន្ដនឹង​ត្រូវ​បង្ហាញ​ឡើង​ដើម្បី​បញ្ជាក់ពីវត្ថុក្បែរ​នោះ​តាំងនៅ ។

ចំណែក​ឯនៅ​បរិ​វេណខាងក្នុង ការរចនា​ម៉ូដ​កុង​ទ័រ បាន​បង្ហាញ​ព័ត៌​មាន​ដ៏ស​ម្បូរ​បែប​តាម​លំដាប់លំដោយ។ លើស​ពី​ប្រព័ន្ធ​នាឡិការ​ថយន្ដ​ទូទៅ អេក្រង់ LCD ចំ​កណ្ដាល​ផ្ដល់មុខងារ Trip Computer ជា​មួយ​នឹង​ព័ត៌​មានដូចជា​ចម្ងាយ​ផ្លូវដែល​នឹង​ត្រូវ​
អស់​សាំង ការ​ប្រើ​សាំង​ជា​មធ្យម ចំណុះ​សាំង​កំពុង​ប្រើ ​ល្បឿន​មធ្យម និងសីតុណ្ហភាពខាង​ក្រៅរថយន្ដ ។

លោក Papadomanolakis បាន​លើក​ឡើង​ថា៖«អតិថិជនដែលធ្លាប់​តែទទួល​បាន​បទ​ពិសោធ​ន៍​​ដ៏​មាន​ផាសុកភាពនេះ​ពីរ​ថ​យន្ដ​ដឹក​អ្នកដំណើរ នឹងពេញចិត្ដនូវ​ការ​ផ្ដល់ជូនពី Ranger ដូចគ្នា»។ លោកបានបន្ថែមថា៖«ឆ្ពោះទៅ​កាន់​វិសាល​​ភាព​ជាមួយ​បច្ចេក​វិទ្យា​ទំនើប និងផា​សុកភាព​ដែលធ្លាប់​តែជួបប្រទះក្នុង​រថ​យន្ដដឹក​អ្នក​ដំណើរ​ប្រណីតៗប៉ុណ្ណោះ Ranger ស៊េរីថ្មីទាំងអស់ បានផ្ដល់​ជម្រើស​ដ៏ល្អ​សម្រាប់​លោក​អ្នក​ដែល​ជា​រថ​យន្ដលក្ខណៈ​គ្រួសារ​ផង និងការងារផង» ៕