ខេត្តកណ្តាល ៖ បុរសវ័យចំណាស់ម្នាក់បានរងរបួសធ្ងន់ត្រង់ជើង និងភ្លៅស្ទើរដាច់ ចំណែកចៅប្រុសរងរបួសស្រាល ខណៈដែលអ្នកទាំង២ជួយកាន់ធុងសាំង ដើម្បីឱ្យចៅរបស់ខ្លួនផ្សារកាត់ធ្វើជាចង្ក្រាន ប៉ុន្តែខុសលក្ខណៈបច្ចេកទេសដោយមិនបានដោះគម្របចេញ បណ្តាលឱ្យផ្ទុះឡើងលាន់ឮកក្រើកបង្កឱ្យមានការភ្ញាក់ផ្អើលពីសំណាក់ប្រជាពលរដ្ឋដែលនៅក្បែរកន្លែងកើតហេតុនោះនាំគ្នាមកចោមរោមមើល ។
ហេតុការណ៍នេះបានកើតឡើងកាលពីវេលាម៉ោង៨និង៥០នាទីព្រឹកថ្ងៃទី២៦ កញ្ញា ២០១២ នៅផ្ទះទិញ-លក់អេតចាយមួយកន្លែង ស្ថិតក្នុងភូមិពាមសាលា ឃុំស្អាងភ្នំ ស្រុកស្អាង ។
ប្រភពឱ្យដឹងថា ជនរងគ្រោះឈ្មោះយឹម ថន អាយុ៥៨ឆ្នាំ ជាសមាជិកគណៈកម្មការវត្តស្អាងភ្នំ បានមកជួយកាន់ធុងសាំងដើម្បីឱ្យចៅរបស់គាត់ជាជាងផ្សារឈ្មោះយ៉េង ឌា អាយុ១៧ឆ្នាំ ដែលត្រូវបានគេជួលឱ្យផ្សារកាត់ធុងសាំងនេះ យកទៅធ្វើចង្ក្រាន ។ ខណៈចៅរបស់គាត់កំពុងផ្សារដោយមិនបានមួលគម្របធុងសាំងចេញ ទើបបណ្តាលឱ្យផ្ទុះតែម្តងទៅ ។ ភ្លាមៗជនរងគ្រោះរងរបួសធ្ងន់ត្រូវបានបញ្ជូនទៅកាន់មន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ