ខេត្តកំពង់ឆ្នាំង ៖ នៅសាលប្រជុំនៃស្នងការដ្ឋាននគរបាលខេត្ត កាលពីព្រឹកថ្ងៃទី២៥ កញ្ញា មានរៀបចំពិធីប្រជុំបូកសរុបលទ្ធផល
រយៈពេល៦ខែ នៃការចាត់តាំងអនុវត្តគោលនយោបាយភូមិឃុំំមានសុវត្ថិភាពក្រុងកំពង់ឆ្នាំង ក្រោមអធិបតីភាពលោកឧត្តមសេនីយ៍ត្រី អាត់ ខែម ស្នងការនគរបាលខេត្ត លោក ហៃ មនោរម្យ អភិបាលក្រុងកំពង់ឆ្នាំង លោកស្នងការរង និងមានការ
ខេត្តកំពង់ឆ្នាំង ៖ នៅសាលប្រជុំនៃស្នងការដ្ឋាននគរបាលខេត្ត កាលពីព្រឹកថ្ងៃទី២៥ កញ្ញា មានរៀបចំពិធីប្រជុំបូកសរុបលទ្ធផល
រយៈពេល៦ខែ នៃការចាត់តាំងអនុវត្តគោលនយោបាយភូមិឃុំមានសុវត្ថិភាពក្រុងកំពង់ឆ្នាំង ក្រោមអធិបតីភាពលោកឧត្តមសេនីយ៍ត្រី អាត់ ខែម ស្នងការនគរបាលខេត្ត លោក ហៃ មនោរម្យ អភិបាលក្រុងកំពង់ឆ្នាំង លោកស្នងការរង និងមានការអញ្ជើញចូលរួមពីប្រធាន អនុប្រធានមន្ទីរជុំវិញខេត្ត លោកចៅសង្កាត់ មេភូមិ និងប្រជាពលរដ្ឋជាច្រើននាក់ទៀត ។
លោក សំ សិទ្ធី អធិការក្រុងកំពង់ឆ្នាំង បានឡើងអានរបាយការណ៍ស្តីពីសកម្មភាពរយៈពេល៦ខែកន្លងមក ដែលបានអនុវត្តតាមការចាត់តាំងអនុវត្តគោលនយោបាយភូមិ ឃុំមានសុវត្ថិភាព ដោយទទួលបានស្នាដៃល្អ និងបានលើកឡើងពីផលលំបាក និងការងាយស្រួលពីការអនុវត្តគោលនយោបាយនេះ ។ លោក ហៃ មនោរម្យ អភិបាលក្រុងកំពង់ឆ្នាំង ក្រោយពីអានរបាយ កាណ៍ស្តីពីលទ្ធផលការងារអនុវត្តភូមិឃុំមានសុវត្ថិភាពរយៈពេលកន្លងមក លោកក៏បានលើកទិសដៅថ្មី ដោយខិតខំលុបបំបាត់អំពើចោរលួចចោរឆក់ប្លន់ គ្មានការផលិតការចែកចាយគ្រឿងញៀន គ្មានអំពើអនាចារ ជួញដូរស្ត្រីនិងកុមារ គ្មានក្មេងទំនើង គ្មានល្បែងស៊ីសងខុសច្បាប់ គ្មានការប្រើអាវុធខុសច្បាប់ គ្មានគ្រោះថ្នាក់ចរាចរណ៍ និងគ្មានអាវុធយុទ្ធភណ្ឌមិនទាន់ផ្ទុះ ។
ក្រោយពីលោកចៅសង្កាត់ លោកមេភូមិ ឡើងរាយការណ៍ពីសកម្មភាពរយៈពេលកន្លងមក លោកឧត្តមសេនីយ៍ត្រីអាត់ ខែម ស្នងការនគរបាលខេត្តបានមានប្រសាសន៍ថា តាមអង្គភាពមន្ទីរនានាក្នុងខេត្ត គួរមានអ្នកយាមកាមការពារចៀសវាងចោរចូលលួចកាច់.កម៉ូតូក្នុងមន្ទីរ ។ ខាងមន្ទីរសាធារណៈការគួរបន្ថែមស្លាកសញ្ញាចរា ចរណ៍ឱ្យបានច្រើន ដើម្បីកាត់បន្ថយគ្រោះថ្នាក់ចរា ចរណ៍ ។ លោកស្នងការក៏បានលើកទិសដៅ៧ចំណុច គឺ ១.ត្រូវគ្រប់គ្រងមុខសញ្ញាចេញពីពន្ធនាគារ មុខសញ្ញាមានដីកាចាប់ខ្លួន មុខសញ្ញាដែលពុំទាន់ត្រូវបានចាប់ខ្លួន ។
២.ត្រូវអប់រំប្រជាពលរដ្ឋឱ្យចេះប្រុងប្រយ័ត្នទ្រព្យសម្បត្តិផ្ទាល់ខ្លួនឱ្យបានល្អ
៣.បន្ថែម៤ចំណុចក្នុងគោលនយោបាយភូមិឃុំមាន គ្មានគ្រោះថ្នាក់ចរាចរណ៍ គ្មានអាវុធយុទ្ធភណ្ឌមិនទាន់ផ្ទុះ គ្រប់គ្រងទប់ស្កាត់គ្រោះមហន្តរាយ គ្មានការត្រួតពិនិត្យខុសច្បាប់ ។
៤.ជំរុញធ្វើប្រជាការពារឱ្យបានល្អបន្ថែម
៥.ជំរុញឱ្យអ្នកគ្រប់អាយុធ្វើអត្តសញ្ញាណប័ណ្ណថ្មី
៦.ត្រូវធ្វើវេទិកាសេរីឱ្យបានទៀងទាត់ និង
៧.អនុញ្ញាតឱ្យភូមិ និងប្រជាការពារប្រើប្រាស់វិទ្យុទាក់ទងឱ្យបានត្រឹមត្រូវ កុំរំខានដល់ការងារប៉ូលិស ។
ចុងបញ្ចប់លោកស្នងការបានប្រគល់វិទ្យុទាក់ទងដល់សង្កាត់ ចំនួន៤ក្នុង១សង្កាត់ចំនួន៤គ្រឿងផងដែរ ៕
ចែករំលែកព័តមាននេះ