ខេត្តតាកែវ ៖ នៅរសៀលថ្ងៃទី២២ កញ្ញា លោកស៊ឹម ធី ទីប្រឹក្សាក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយស្រុកបាទី តំណាងលោកបណ្ឌិត សូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ រួមដំណើរដោយលោកសេង សែមសុគន្ធ អគ្គនាយករងក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយស្រុកបាទី បានអញ្ជើញ
ខេត្តតាកែវ ៖ នៅរសៀលថ្ងៃទី២២ កញ្ញា លោកស៊ឹម ធី ទីប្រឹក្សាក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយស្រុកបាទី តំណាងលោកបណ្ឌិត សូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ រួមដំណើរដោយលោកសេង សែមសុគន្ធ អគ្គនាយករងក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយស្រុកបាទី បានអញ្ជើញសំណេះសំណាលជាមួយសមាជិក សមាជិកាគណបក្សប្រជាជនកម្ពុជាចំនួន៤ភូមិ ស្ថិតក្នុងឃុំពារាម ស្រុកបាទី ។
តាមរបាយការណ៍របស់លោកអ៊ូ សុខជា ប្រធានក្រុមប្រឹក្សាស្រុក និងជាអនុប្រធានគណៈកម្មាធិការគណបក្សប្រជាជនកម្ពុជាស្រុកបាទីឱ្យដឹងថា ឃុំពារាម មាន៨ភូមិ និងមានប្រជាពលរដ្ឋសរុបចំនួន៨.៣០៥នាក់ ស្មើនឹង១.៦៤៧គ្រួសារ និងមានអាយុចាប់ពី១៨ឆ្នាំឡើងចំនួន៥.៧៧១នាក់ មានឈ្មោះក្នុងបញ្ជីបោះឆ្នោតឆ្នាំ២០១១ ចំនួន ៥.៧៥២នាក់ ។ ដោយឡែកការចុះឈ្មោះក្នុងបញ្ជីបោះឆ្នោតចាប់ពីថ្ងៃទី១ ដល់ថ្ងៃទី២១ កញ្ញា ឆ្នាំ២០១២ នេះ បានចំនួន១៨៥នាក់ក្នុងនោះស្រី៨៧នាក់ ។
លោកមានប្រសាសន៍បន្តថា ចំពោះការងារសន្តិសុខ សុវត្ថិភាព សណ្តាប់ធ្នាប់សង្គម គឺបទល្មើសនានាត្រូវបានកាត់បន្ថយដោយមានការយកចិត្តទុកដាក់ពីអាជ្ញាធរគ្រប់លំដាប់ថ្នាក់ ជាពិសេសក្រុមក្មេងទំនើង ។ ទន្ទឹមនឹងនេះ ទាក់ទងនឹងការងារផលិតកម្ម កសិកម្ម គឺអនុវត្តបានលើសផែនការ ដោយយើងមានប្រឡាយខ្វាត់ខ្វែងក្នុងឃុំ និងទទួលទឹកពីប្រឡាយមេហនុមានផង អាចឱ្យប្រជាពលរដ្ឋធ្វើស្រែបង្កើនរដូវ និងដាំដំណាំរួមផ្សំផ្សេងៗ ។
ក្នុងឱកាសនោះ លោកស៊ឹម ធី និងលោកសេង សែមសុគន្ធ បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដល់បងប្អូនសមាជិកសមាជិកាគណបក្សប្រជាជនកម្ពុជា ដែលសម្តេចតែងតែគិតគូរយកចិត្តទុកដាក់ខ្ពស់អំពីសុខទុក្ខ និងការលំបាករបស់បង ប្អូន ។
លោកស៊ឹម ធី មានប្រសាសន៍ទៀតថា ទាក់ទងទៅនឹងការចុះឈ្មោះបោះឆ្នោតសមាជិក សមាជិកាគណបក្សប្រជាជនកម្ពុជាទាំងអស់ត្រូវធ្វើការផ្សព្វផ្សាយ និងណែនាំដល់ប្រជាពលរដ្ឋទាំងអស់ឱ្យចុះឈ្មោះបោះឆ្នោត និងត្រូវជំរុញកូនចៅដែលគ្រប់អាយុបោះឆ្នោតឱ្យទៅចុះឈ្មោះបោះឆ្នោត នៅតាមមូលដ្ឋានរបស់ខ្លួនឱ្យបានគ្រប់ៗគ្នា ។
លោកក៏បានមានប្រសាសន៍ណែនាំដល់សមាជិក សមាជិកាទាំងអស់ ត្រូវចេះណែនាំ និងផ្តល់សេវាសាធារណៈដល់ប្រជាពលរដ្ឋឱ្យបានល្អ ជាពិសេសត្រូវចូលរួមអនុវត្តគោលនយោបាយភូមិ-ឃុំ មានសុវត្ថិភាពឱ្យរឹតតែប្រសើរឡើងថែមទៀត ដើម្បីឱ្យប្រជាពលរដ្ឋរស់នៅដោយភាពសុខដុមរមនា ។ គណៈអធិបតី ក៏បានផ្តល់ថវិកាដល់សមាជិក សមាជិកា ដោយម្នាក់ៗទទួលបាន១ម៉ឺនរៀលផងដែរ ៕
ចែករំលែកព័តមាននេះ