ខេត្តតាកែវ ៖ ជនជាតិវៀតណាមចំនួន២នាក់ត្រូវបានប៉ូលិសស្រុកកោះអណ្តែត ស្រាវជ្រាវចាប់ខ្លួនបានជាបន្តបន្ទាប់រួចបញ្ជូនទៅកាន់ស្នងការដ្ឋាននគរបាលខេត្តចាត់ការទៅតាមផ្លូវច្បាប់ ខណៈពេលដែលពួកគេបានធ្វើសកម្មភាពលួចយកទូករបស់ប្រជាពលរដ្ឋជាញឹកញាប់ លុះលួចលើកក្រោយត្រូវម្ចាស់គេទាន់ស្រែកឆោឡោឡើងធ្វើឱ្យមានការភ្ញាក់ផ្អើលដល់សមត្ថកិច្ចប៉ូលិសស្រាវជ្រាវចាប់ខ្លួនបាន២នាក់តែម្តង ។ ហេតុការណ៍នេះបានកើតឡើងកាលពីថ្ងៃទី២៣ កញ្ញា ២០១២ វេលាម៉ោង៧និង៥០នាទីព្រឹកនៅភូមិបន្ទាយធ្លាយ ឃុំព្រៃខ្លា ស្រុកកោះអណ្តែត ។
លោកយុត ភិន អធិការស្តីទីនគរបាលស្រុកកោះអណ្តែត បានឱ្យដឹងថា ជនជាតិវៀតណាម ទាំង២នាក់ ម្នាក់ឈ្មោះយ៉ យ៉ឹងលឹក ភេទប្រុស អាយុ២៧ឆ្នាំ រស់នៅភូមិយឹនកូវ ឃុំយឹងយ៉ា ស្រុកស្វាយទង ខេត្តអាងយ៉ាង ប្រទេសវៀតណាម និងម្នាក់ទៀតឈ្មោះញឹម សិត ហៅក្រឹង ញឹក ភេទប្រុស អាយុ២៥ឆ្នាំ រស់នៅភូមិបី ឃុំភូហួយ ស្រុកអាងភូ ខេត្តអាងយ៉ាង ប្រទេសវៀតណាម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ