តាមសារព័ត៌មានបរទេសផ្សាយថា ស្ត្រីជនជាតិហូឡង់រស់នៅអាមេរិកឈ្មោះ គ្រីស វ៉លតុន ដែលរក្សាក្រចកដៃមិនដែលកាត់អស់រយៈពេល១៨ឆ្នាំទទួលបានពានរង្វាន់ជើងឯកពិភពលោកដែលក្រចកដៃវែងជាងគេ ។យោងតាមរបាយការណ៍របស់ជីនៀសវើលឱ្យដឹងថា អ្នកស្រី វ៉លតុន ជាជនជាតិហូឡង់ត្រូវគេឱ្យឈ្មោះថា ជាស្ត្រីមានក្រចកដៃវែងជាងគេបំផុត ។ ពិធីប្រគល់ពានរង្វាន់នេះ
តាមសារព័ត៌មានបរទេសផ្សាយថា ស្ត្រីជនជាតិហូឡង់រស់នៅអាមេរិកឈ្មោះ គ្រីស វ៉លតុន ដែលរក្សាក្រចកដៃមិនដែលកាត់អស់រយៈពេល១៨ឆ្នាំទទួលបានពានរង្វាន់ជើងឯកពិភពលោកដែលក្រចកដៃវែងជាងគេ ។យោងតាមរបាយការណ៍របស់ជីនៀសវើលឱ្យដឹងថា អ្នកស្រី វ៉លតុន ជាជនជាតិហូឡង់ត្រូវគេឱ្យឈ្មោះថា ជាស្ត្រីមានក្រចកដៃវែងជាងគេបំផុត ។ ពិធីប្រគល់ពានរង្វាន់នេះប្រារព្ធធ្វើឡើងនៅក្នុងទីក្រុងញូវយ៉កជាកន្លែងដែលស្តាតក្លាតុនជាអ្នកនាំពាក្យរបស់ជីនៀសបានទទួលស្គាល់នូវភាពវែងនៃក្រចកដៃរបស់អ្នកស្រីវ៉លតុន ។
អ្នកស្រីគ្រីស វ៉លតុន ដែលមានអាយុ៤៥ឆ្នាំឱ្យដឹងថា ក្រចកដៃឆ្វេងរបស់នាងគឺមានប្រវែង១០ហ្វ៊ីតនិង២អុីង រីឯក្រចកដៃស្តាំមានប្រវែង៩ហ្វ៊ីតនិង៧អុីង ។ នាងបញ្ជាក់ថា នាងតុបតែងនិងសម្អាតក្រចកដៃរបស់ខ្លួនជាញឹកញាប់ រួមទាំងការធ្វើការផ្ទះសម្បែងផងដែរ ។ ពេលខ្លះនាងពិបាកក្នុងការធ្វើការងារបូករួមទាំងការសម្អាតក្រចកដៃផងដែរ ដោយសារវាវែងពេក ។
អ្នកស្រីវ៉លតុន បញ្ជាក់ថា អ្នកស្រីជាអ្នកចម្រៀង ហើយពិតជាស្អប់ការសម្អាតក្រចកដៃរបស់ខ្លួន ក៏ប៉ុន្តែនាងត្រូវតែសម្អាតឱ្យស្អាតគ្រប់ពេល គឺបើទុកយូរវាតែងតែមានពពួកធូលីផ្សេងៗចូល ។ អ្នកស្រីតែងតែសម្អាតក្រចកម្តងក្នុងមួយថ្ងៃ ។អ្នកស្រីបន្តថា អ្នកស្រីប្រើគន្លាក់ម្រាមដៃរបស់អ្នកស្រីដើម្បីវាយអត្ថបទនៅលើទូរស័ព្ទដៃរបស់អ្នកស្រី ហើយពេលឥឡូវអ្នកស្រីទទួលបានការចុះបញ្ជីជាជើងឯកដែលមានក្រចកវែងជាងគេបំផុតនៅក្នុងពិភពលោក ។ដោយឡែកអ្នកស្រីរ៉េម៉ុន ដែលមានក្រចកដៃប្រវែង៨ហ្វ៊ីត បានខូចដោយសារគ្រោះថ្នាក់ចរាចរណ៍នៅក្នុងឆ្នាំ២០០៩ កន្លងទៅ ៕
ចែករំលែកព័តមាននេះ