សារព័ត៌មានបរទេសកាលពីពេលថ្មីៗកន្លងមកផ្សាយឱ្យដឹងថា ស្ត្រីកងទ័ពជនជាតិអង់គ្លេស សុំមិនបង្ហាញឈ្មោះក្នុងអង្គភាពទ័ពកាំភ្លើងធំ ប្រចាំសមរភូមិក្នុងប្រទេសអាហ្វហ្គានីស្ថាន បានសម្រាលកូនក្នុងអំឡុងពេលបំពេញតួនាទី ។ នាងមិនបានដឹងថា ខ្លួនកំពុងមានគភ៌ទេនៅពេលរដ្ឋាភិបាលបញ្ជូនទៅបំពេញតួនាទីនៅមូលដ្ឋានទ័ព។
សារព័ត៌មានបរទេសកាលពីពេលថ្មីៗកន្លងមកផ្សាយឱ្យដឹងថា ស្ត្រីកងទ័ពជនជាតិអង់គ្លេស សុំមិនបង្ហាញឈ្មោះក្នុងអង្គភាពទ័ពកាំភ្លើងធំ ប្រចាំសមរភូមិក្នុងប្រទេសអាហ្វហ្គានីស្ថាន បានសម្រាលកូនក្នុងអំឡុងពេលបំពេញតួនាទី ។ នាងមិនបានដឹងថា ខ្លួនកំពុងមានគភ៌ទេនៅពេលរដ្ឋាភិបាលបញ្ជូនទៅបំពេញតួនាទីនៅមូលដ្ឋានទ័ព។
ក្រសួងការពារជាតិអង់គ្លេស បានថ្លែងថា ស្ត្រីកងទ័ពរូបនោះសម្រាលកូនប្រុសកាលពីថ្ងៃទី១៨ កញ្ញា នៅមន្ទីរពេទ្យយោធាក្នុងមូលដ្ឋានទ័ពខេមប៊ែលសិន ខេត្តហេលម៉ាន ជាកន្លែងតែមួយដែលព្រះអង្គម្ចាស់ហែរី រាជទាយាទទី៣ស្នាក់នៅ និងបំពេញតួនាទីក្នុងនាមជាអ្នកបើកឧទ្ធម្ភាគចក្រ ។ ក្រោយពេលសម្រាល ម្តាយនិងកូននោះមានសុខភាពល្អ ។
នោះជាស្ត្រីកងទ័ពដំបូងពីអង់គ្លេស ដែលសម្រាលកូននៅអាហ្វហ្គានីស្ថាន ។ នាងត្រូវបានបញ្ជូនទៅប្រចាំការតាំងពីខែមីនា ខណៈពេលក្រសួងការពារជាតិ និងរូបនាងផ្ទាល់មិនបានដឹងថា នាងមានគភ៌រយៈពេល៥សប្តាហ៍ ។
បច្ចុប្បន្ន ស្ត្រីរូបនោះត្រូវបានបញ្ជូនត្រឡប់ទៅប្រទេសអង់គ្លេសវិញហើយ ៕
ចែករំលែកព័តមាននេះ