រាជធានីភ្នំពេញ ៖ ស្ត្រីម្នាក់បានជិះម៉ូតូឌុបមកឈប់គល់ស្ពានជ្រោយចង្វាខាងកើត ហើយដើរចុះទឹកទន្លេប៉ងសម្លាប់ខ្លួនតែពុំបានដូចបំណងត្រូវប្រជាពលរដ្ឋនាំគ្នាឃាត់ និងទាក់ទងហៅបងប្អូនមកយកត្រឡប់ទៅវិញ ។ ការប៉ុនប៉ងសម្លាប់ខ្លួននេះបានធ្វើឱ្យមានការភ្ញាក់ផ្អើលកាលពីវេលាម៉ោង៤និង២៥នាទីរសៀលថ្ងៃទី២១ កញ្ញា នៅគល់ស្ពានខាងកើត ស្ថិតនៅសង្កាត់ជ្រោយចង្វា ខណ្ឌឫស្សីកែវ ។
ស្ត្រីមានវិបត្តិរូបនោះពុំត្រូវគេស្គាល់ឈ្មោះឡើយមានអាយុប្រមាណ២៥ឆ្នាំ ពុំដឹងថា មានលំនៅឯណាឡើយ ។ ទាក់ទិននឹងការប៉ងលោតទឹកសម្លាប់ខ្លួននេះគេពុំដឹងមូលហេតុអ្វីនោះទេ ។ តាមសាក្សីបានឱ្យដឹងថានៅមុនពេលកើតហេតុគេឃើញស្រ្តីរួបនោះជិះម៉ូតូឌុបធ្វើដំណើរមកឈប់គល់ស្ពានជ្រោយចង្វាខាងកើត ហើយអង្គុយលេងនៅកំពែងគល់ស្ពានដោយទឹកមុខស្រងូតស្រងាត់។
លុះក្រោយមកស្រ្តីរូបនេះបានដើរចុះក្នុងទន្លេគោលបំណងសម្លាប់ខ្លួនតែពេលចុះបានត្រឹមជង្គង់ត្រូវប្រជាពលរដ្ឋនាំគ្នាជួយឃាត់នាំមកលើច្រាំងវិញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ