រាជធានីភ្នំពេញ ៖ ប្រជាពលរដ្ឋបានចាប់ឃាត់ខ្លួនជនសង្ស័យ២នាក់ ក្នុងចំណោមបក្សពួក៦នាក់ប្រគល់ឱ្យសមត្ថកិច្ចនគរបាលប៉ុស្តិ៍ស្ទឹងមានជ័យ បន្ទាប់ពីជនសង្ស័យទាំងនេះធ្វើសកម្មភាពចូលបន្លំលួចយកកាបូបលុយពីក្នុងផ្ទះអ្នកលក់ទូរស័ព្ទមួយកន្លែង ស្ថិតនៅផ្ទះលេខ១១៨ ក្រុម១ ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។ ការឃាត់ខ្លួននេះបានឆោឡោឡើងកាលពីវេលាម៉ោង១០និង២០នាទី
រាជធានីភ្នំពេញ ៖ ប្រជាពលរដ្ឋបានចាប់ឃាត់ខ្លួនជនសង្ស័យ២នាក់ ក្នុងចំណោមបក្សពួក៦នាក់ប្រគល់ឱ្យសមត្ថកិច្ចនគរបាលប៉ុស្តិ៍ស្ទឹងមានជ័យ បន្ទាប់ពីជនសង្ស័យទាំងនេះធ្វើសកម្មភាពចូលបន្លំលួចយកកាបូបលុយពីក្នុងផ្ទះអ្នកលក់ទូរស័ព្ទមួយកន្លែង ស្ថិតនៅផ្ទះលេខ១១៨ ក្រុម១ ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។ ការឃាត់ខ្លួននេះបានឆោឡោឡើងកាលពីវេលាម៉ោង១០និង២០នាទីព្រឹកថ្ងៃទី១៩ កញ្ញា ២០១២ ។
ជនសង្ស័យ២នាក់ដែលប្រជាពលរដ្ឋចាប់ឃាត់ខ្លួនប្រគល់ឱ្យសមត្ថកិច្ចនោះមានឈ្មោះដេត សុភា ភេទប្រុស អាយុ២២ឆ្នាំ មានទីលំនៅភូមិទួលដង្កោ ឃុំព្រះធាតុ ស្រុកអូររាំងឪ ខេត្តកំពង់ចាម និងម្នាក់ទៀតឈ្មោះគឹម លី ហើយទូច ហៅនី អាយុ៥២ឆ្នាំ ស្នាក់នៅផ្ទះត្រពាំងត្រកៀក ឃុំដំបូងខ្ពស់ ស្រុកឈូក ខេត្តកំពត ចំណែក៤នាក់ទៀតដែលរត់គេចខ្លួននោះនៅមិនទាន់ស្គាល់អត្តសញ្ញាណនៅឡើយទេ ។ ជនរងគ្រោះឈ្មោះភា ស្រីចម បាននិយាយរៀបរាប់ប្រាប់សមត្ថកិច្ចថា ខណៈជនសង្ស័យ២នាក់ឈ្មោះគឹម លី និងឈ្មោះដេត សុភា ចូលទៅក្នុងផ្ទះហើយបន្លំលួចយកកាបូបលុយនោះខ្លួនបានឃើញទាន់ក៏ស្រែកឆោឡោឡើង បណ្តាលឱ្យផ្អើលដល់បងប្អូនប្រជាពលរដ្ឋដែលរស់នៅជិតចំណុចកើតហេតុនេះនាំគ្នាមកជួយចាប់ឃាត់ខ្លួនជនសង្ស័យ២នាក់ខាងលើនេះប្រគល់ឱ្យសមត្ថកិច្ច ចំណែក៤នាក់ទៀតបានជិះម៉ូតូ២គ្រឿងរត់គេចខ្លួនបាត់ស្រមោលភ្លាមៗតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ