ខេត្តក្រចេះ ៖ បុរសអគតិជាកម្មករចំការកៅស៊ូម្នាក់ត្រូវបានកម្លាំងនគរបាលនៃអធិការដ្ឋានស្រុកចាប់ឃាត់ខ្លួនពីបទរំលោភសេពសន្ថវៈលើក្មេងស្រីវ័យ៣ឆ្នាំ ។ ប៉ូលិសស្រុកសំបូរ បាននិយាយថា ការចាប់ឃាត់ខ្លួនបុរសនេះបានធ្វើឡើងភ្លាមៗកាលពីថ្ងៃទី១៩ កញ្ញា នៅក្នុងក្រុមហ៊ុនចំការកៅស៊ូមួយ ស្ថិតក្នុងភូមិអូរព្រះ ឃុំអូរគ្រៀង ស្រុកសំបូរ បន្ទាប់ពីទទួលបានពាក្យបណ្តឹងរបស់ម្តាយក្មេងស្រីរងគ្រោះរួចមក ។
លោកអនុសេនីយ៍ទោ នួន សារិន នាយផ្នែកព្រហ្មទណ្ឌនៃអធិការដ្ឋានស្រុកសំបូរបានឱ្យដឹងថា ជនសង្ស័យឈ្មោះសុង សុផាន់នី អាយុ៤៣ឆ្នាំ មានស្រុកកំណើតនៅខេត្តព្រៃវែង និងបានមកធ្វើជាកម្មករចំការកៅស៊ូ ក្នុងក្រុមហ៊ុនមួយដែលស្ថិតនៅក្នុងភូមិ-ឃុំខាងលើ ។
តាមពាក្យបណ្តឹងរបស់ស្ត្រី អាយុ៤០ឆ្នាំ ជាម្តាយរបស់ក្មេងស្រីរងគ្រោះប្រាប់ឱ្យដឹងថា នៅថ្ងៃកើតហេតុរូបគាត់បានទៅធ្វើការទុកកូនស្រី២នាក់នៅចាំផ្ទះ ដោយកូនស្រីបងអាយុ៨ឆ្នាំ និងកូនស្រីជាក្មេងរងគ្រោះប្អូនអាយុ៣ឆ្នាំ ។ ដោយសារបុរសជាប់ចោទជាមនុស្សស្គាល់គ្នាក៏បានយកកូនស្រីរបស់គាត់អាយុ៣ឆ្នាំទៅលេងផ្ទះក្នុងក្រុមហ៊ុនដែលនៅក្បែរនោះ ហើយក្រោយពីបុរសនោះ នាំកូនស្រីគាត់ទៅបាត់យូរពេកកូនស្រីបងអាយុ៨ឆ្នាំក៏ទៅតាម និងបានឃើញបុរសជាប់ចោទកំពុងតែចាប់ពកូនស្រីគាត់អាយុ៣ឆ្នាំនៅពីមុខ រួចយកប្រដាប់ភេទរបស់ខ្លួនមកញល់ជាមួយប្រដាប់ភេទរបស់ក្មេងស្រីរងគ្រោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ