ខេត្តកំពត ៖ ស្ពានចាស់មួយដែលកសាងតាំងពីសម័យអាណានិគមនិយមបារាំងឆ្លងព្រែកកំពង់បាយប្រវែងជាង៣០០ម៉ែត្រមានឈ្មោះថា ស្ពានឥន្ទធនូ ដែលស្ពាននេះនៅតែអាចធ្វើចរាចរបានទាំងយប់ទាំងថ្ងៃដូចគ្នានឹងស្ពានព្រែកកំពង់បាយថ្មីនាពេលបច្ចុប្បន្ននេះដែរ ។
ខេត្តកំពត ៖ ស្ពានចាស់មួយដែលកសាងតាំងពីសម័យអាណានិគមនិយមបារាំងឆ្លងព្រែកកំពង់បាយប្រវែងជាង៣០០ម៉ែត្រមានឈ្មោះថា ស្ពានឥន្ទធនូ ដែលស្ពាននេះនៅតែអាចធ្វើចរាចរបានទាំងយប់ទាំងថ្ងៃដូចគ្នានឹងស្ពានព្រែកកំពង់បាយថ្មីនាពេលបច្ចុប្បន្ននេះដែរ ។
ស្ពានឥន្ទធនូនេះកន្លងមកតាំងពីសម័យសង្គមរាស្ត្រនិយមអាជ្ញាធរក្រុងខេត្តគ្រប់ជំនាន់តែងតែយកចិត្តទុកដាក់ថែរក្សាការពារបំពាក់ភ្លើងអគ្គិសនីបំភ្លឺជាប់ពុំដែលដាច់ទេ ។ ប៉ុន្តែស្ពាននេះត្រូវបានបំផ្លាញដោយពួកខ្មែរក្រហមជំនាន់សង្គ្រាមលន់ណល់នៅក្នុងអំឡុងឆ្នាំ១៩៧៣ ដោយខ្មែរក្រហមដាក់មីនបំផ្ទុះនៅពេលយប់បណ្តាលឱ្យខូចខាតអស់មួយចំនួន ។ ប៉ុន្តែក្រោយថ្ងៃរំដោះ៧មករា ១៩៧៩ ស្ពានឥន្ទធនូត្រូវបានរដ្ឋាភិបាលជួសជុលកសាងឡើងវិញ ដើម្បីបម្រើប្រជាពលរដ្ឋទូទាំងខេត្តធ្វើចរាចររហូតដល់សព្វថ្ងៃ ។
គួរបញ្ជាក់ថា កាលពីសម័យរដ្ឋកម្ពុជាមានភ្លើងអគ្គិសនីឆ្លងព្រែកកំពតនេះ ហើយស្ពាននេះពុំដែលងងឹតមួយយប់ណាទេ តែក្រោយពីខេត្តកំពតមានភ្លើងអគ្គិសនីប្រើប្រាស់គ្រប់គ្រាន់ បែរជាស្ពានដែលមានអាយុកាលដ៏យូរមកហើយនេះគ្មានភ្លើងអគ្គិសនីបំភ្លឺទៅវិញ។សំណូមពរប្រជាពលរដ្ឋក៏ដូចជាមន្ត្រីរាជការគ្រប់មជ្ឈដ្ឋានទូទាំងក្រុងសូមឱ្យអាជ្ញាធរបំពាក់ភ្លើងតាមបណ្តោយស្ពានឥន្ទធនូនេះឡើងវិញផង ដើម្បីការពារសន្តិសុខ សណ្តាប់ធ្នាប់ក៏ដូចជាការបំភ្លឺពេលធ្វើចរាចរណ៍នៅពេលយប់របស់ប្រជាពលរដ្ឋ ការពារកុំឱ្យជនទុច្ចរិតមួយចំនួនបង្កអសន្តិសុខដល់អ្នកធ្វើដំណើរ ម្យ៉ាងទៀតក៏ដើម្បីជាសោភ័ណភាពស្ពានដ៏ចំណាស់នេះផងដែរ។
លោកនាក់ សុវណ្ណរី អភិបាលក្រុងកំពត កាលពីព្រឹកថ្ងៃទី២០ កញ្ញា មិនអាចសុំការបំភ្លឺបានទេ ពីករណីខាងលើនេះដោយលោកប្រាប់ថា ជាប់រវល់ ៕
ចែករំលែកព័តមាននេះ