ខេត្តស្វាយរៀង ៖ មានការភ្ញាក់ផ្អើលយ៉ាងខ្លាំងមួយនៅកណ្តាលក្រុងស្វាយរៀងដែលបង្កដោយបុរសសរសៃប្រសាទម្នាក់បានយកដាវសាមូរ៉ៃដេញកា.ប់ប្រពន្ធ ប៉ូលិស និងអ្នកហាត់ប្រាណធ្វើឱ្យភ័យព្រលឹងចុងសក់គ្រប់ៗគ្នា កាលពីវេលាម៉ោង៤ និង៣០នាទីទៀបភ្លឺថ្ងៃទី២០ កញ្ញា នៅភូមិវាលយន្ត សង្កាត់ស្វាយរៀង ក្រុងស្វាយរៀង ។
ខេត្តស្វាយរៀង ៖ មានការភ្ញាក់ផ្អើលយ៉ាងខ្លាំងមួយនៅកណ្តាលក្រុងស្វាយរៀងដែលបង្កដោយបុរសសរសៃប្រសាទម្នាក់បានយកដាវសាមូរ៉ៃដេញកាប់ប្រពន្ធ ប៉ូលិស និងអ្នកហាត់ប្រាណធ្វើឱ្យភ័យព្រលឹងចុងសក់គ្រប់ៗគ្នា កាលពីវេលាម៉ោង៤ និង៣០នាទីទៀបភ្លឺថ្ងៃទី២០ កញ្ញា នៅភូមិវាលយន្ត សង្កាត់ស្វាយរៀង ក្រុងស្វាយរៀង ។
បើតាមលោកអនុសេនីយ៍ឯក ប្រាក់ ជុត អធិការរងនគរបាលក្រុងស្វាយរៀងបានប្រាប់ឱ្យដឹងថា បុរសសរសៃប្រសាទនេះឈ្មោះព្រំ សំណាង អាយុ៤៥ឆ្នាំ នៅភូមិកើតហេតុខាងលើ ។ លោកបន្តទៀតថា បើតាមស្ត្រីឈ្មោះភិន ដាវី អាយុ៤៨ឆ្នាំ ជាប្រពន្ធបានប្រាប់សមត្ថកិច្ចថា ប្តីរបស់គាត់ធ្លាប់មានជំងឺសរសៃប្រសាទអស់រយៈពេល៤ឆ្នាំមកហើយ និងបានទទួលការព្យាបាលពីលោកវេជ្ជបណ្ឌិត សូរ បូរាណ គ្រូពេទ្យឯកទេសជំងឺសរសៃប្រសាទនៅមន្ទីរពេទ្យខេត្តស្វាយរៀង ក្រោយមកក៏បានធូរស្រាល និងលេបថ្នាំបន្តបានជាសះស្បើយ១ឆ្នាំមកហើយ ស្រាប់តែ៤ថ្ងៃមុននេះគឺថ្ងៃទី១៦ កញ្ញា ឆ្នាំ២០១២ ស្រាប់តែប្តីរបស់គាត់មានអាការប្លែកដែលពេលថ្ងៃអង្គុយសំកុកពេលយប់អត់ដេកពួន ហើយអង្គុយនិយាយម្នាក់ឯងរអ៊ូទល់ភ្លឺ តែមិនដឹងនិយាយអ្វីទេ ។ លុះនៅថ្ងៃទី១៩ កញ្ញា វេលាម៉ោង១២ និង៣០នាទីអាធ្រាត្រឈានចូលថ្ងៃទៅ២០ កញ្ញា ស្រាប់តែដាស់គាត់ជាប្រពន្ធសួរនាំដោយចោតប្រកាន់គាត់ថា ផិតក្បត់ជាមួយបងថ្លៃ គាត់ក៏បានប្រកែក និងប្រាប់ប្តីថាគាត់មិនបានផិតក្បត់ទេ ។ ពេលនោះប្តីគាត់បានគំរាមថា បើមិនសារភាពនូវអំពើផិតក្បត់នោះទេ គាត់នឹងវាយទាល់តែស្លាប់ ។ ពេលប្តីអង្គុយភ្លេចខ្លួនគាត់ភ័យក៏លូនរត់ចេញពីផ្ទះគេចទៅដេកនៅផ្ទះម្តាយនៅភូមិស្រះវង្ស ។ ពេលបាត់ប្រពន្ធ បុរសជាប្តីដើររកទាំងយប់ លុះមិនឃើញក៏សង្ស័យថា គាត់ចូលពួនផ្ទះបងថ្លៃក៏យកដាវសាមូរ៉ៃទៅកាប់ទ្វារផ្ទះបងថ្លៃឈ្មោះប៉ែន សុណា ដែលជាប្រធានមន្ទីរសុខាភិបាល ។
រហូតដល់ម៉ោង៤ និង៣០នាទីទៀបភ្លឺថ្ងៃទី២០ កញ្ញា ឈ្មោះព្រំ សាបុណ្យ បានទូរស័ព្ទទាក់ទងលោកអធិការរងប្រាក់ ជុត ដោយប្រាប់ថា មានមនុស្សដេញកាប់ និងគាស់ទា្វរផ្ទះរបស់លោកប៉ែន សុណា ប្រធានមន្ទីរសុខាភិបាល ខេត្ត។ បន្ទាប់ពីទទួលបានព័ត៌មាននេះលោកអធិការរងបានដឹកនាំកម្លាំងនគរបាលក្រុងស្វាយរៀងសហការជាមួយប៉ូលិសប៉ុស្តិ៍រដ្ឋបាលសង្កាត់ស្វាយរៀងចុះទៅដល់កន្លែងកើតហេតុ ឃើញជនសង្ស័យអង្គុយកាន់ដាវសាមូរ៉ៃ នៅមុខផ្ទះ ។ លោកប្រាក់ ជុត បានចូលទៅប្រាប់ថា ខ្ញុំជាប៉ូលិស ។ ពេលនោះបុរសខាងលើតបថា ប៉ូលិសក៏ដោយថយចេញភ្លាមបើចង់សុខខ្លួន ។
ក្នុងនាមជាសមត្ថកិច្ច លោកប្រាក់ ជុត បានទាមទារឱ្យទម្លាក់ដាវ ហើយទៅជាមួយប៉ូលិសស្រាប់តែបុរសរូបនេះដេញកាប់លោកតែម្តង លោកក៏រត់គេចទៅក្នុងចំណតរថយន្តផ្អើលអ្នកហាត់ប្រាណរត់ចែកផ្លូវគ្នាប្រសាច ។ ក្រោយមកជនសង្ស័យបានទៅអង្គុយយាមនៅមុខផ្ទះលោកប្រធានមន្ទីរសុខាភិបាលជា បងថ្លៃដដែល ។ ពេលនោះឈ្មោះព្រំ សាបុណ្យ ជាឪពុកមាក៏ទៅនិយាយលួងលោមយកបានដាវសាមូរ៉ៃ ទើបសមត្ថកិច្ចចូលទៅឃាត់ខ្លួន តែក៏ត្រូវជនសរសៃប្រសាទវាយជាំដៃឆ្វេងទម្រាំចាប់បាន ។ ក្រោយពីធ្វើការសាកសួរទើបដឹងថា បុរសរូបនេះលាប់ជំងឺសរសៃប្រសាទឡើងវិញ ដូច្នេះកំពុងកសាងសំណុំរឿងរួចប្រគល់ឱ្យក្រុមគ្រួសារបញ្ជូនទៅមន្ទីរពេទ្យខេត្តដើម្បីព្យាបាល។
លោកប្រាក់ ជុត អធិការរងដែលចូលទៅចាប់ត្រូវជនសង្ស័យដេញកាប់ពីក្រោយកាប់ខុសៗ លុះដល់ទាល់ច្រកក៏បាញ់១គ្រាប់ឡើងលើជាការគំរាមទើបបុរសសរសៃប្រសាទឈប់ដេញ និងធ្វើឱ្យផ្អើលអ្នកហាត់ប្រាណ ។ លោកប៉ែន សុណា ប្រធានមន្ទីរសុខាភិបាលខេត្តដែលជាបងថ្លៃ មិននៅផ្ទះទេ គឺទៅព្យាបាលជំងឺនៅប្រទេសវៀតណាមឯណោះ ៕
ចែករំលែកព័តមាននេះ