រាជធានីភ្នំពេញ ៖ លោកបណ្ឌិតសភាចារ្យសុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីមានប្រសាសន៍ថា កម្ពុជា និងចិនធ្លាប់មានទំនាក់ទំនងនឹងគ្នាយ៉ាងជ្រាលជ្រៅតាំងពីសម័យបុរាណមក គឺមិនតិចជាង២.០០០ឆ្នាំនោះទេ បើគិតចាប់តាំងពីពេលដែលបេសកជនចិន គឺលោកជូ យីង និងលោកកាំង ថៃ ធ្វើដំណើរទស្សនកិច្ចមកកាន់កម្ពុជានៅសម័យហ្វូណន
រាជធានីភ្នំពេញ ៖ លោកបណ្ឌិតសភាចារ្យសុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីមានប្រសាសន៍ថា កម្ពុជា និងចិនធ្លាប់មានទំនាក់ទំនងនឹងគ្នាយ៉ាងជ្រាលជ្រៅតាំងពីសម័យបុរាណមក គឺមិនតិចជាង២.០០០ឆ្នាំនោះទេ បើគិតចាប់តាំងពីពេលដែលបេសកជនចិន គឺលោកជូ យីង និងលោកកាំង ថៃ ធ្វើដំណើរទស្សនកិច្ចមកកាន់កម្ពុជានៅសម័យហ្វូណន ហើយក្នុងសម័យអង្គរ យើងទាំងអស់គ្នាសុទ្ធតែបានស្គាល់អ្នកការទូតចិន ជីវតាក្វាន់ ដែលបានកត់ត្រាពីស្ថានភាពទូទៅរបស់កម្ពុជា នាសម័យកាលនោះ ។
កំណត់ត្រាទាំងនោះ ត្រូវបានគេប្រើប្រាស់ជាមូលដ្ឋានដ៏សំខាន់ក្នុងការសិក្សាស្រាវជ្រាវប្រវត្តិសាស្ត្រកម្ពុជាក្នុងសម័យបុរាណ ។
លោកបណ្ឌិតសភាចារ្យសុខ អាន បានមានប្រសាសន៍បែបនេះ នារសៀលថ្ងៃទី១៩ កញ្ញា ២០១២ ក្នុងឱកាសអញ្ជើញជាអធិបតីក្នុងពិធីបិទសន្និសីទអន្តរជាតិលើកទី២ស្តីពី «ខួប៥៤ឆ្នាំនៃទំនាក់ទំនងការទូតកម្ពុជា-ចិន» ដែលបានប្រារព្ធពិធីនៅរាជបណ្ឌិតសភាកម្ពុជា ។ នេះគឺជាព្រឹត្តិការណ៍លើកទី២ បន្តពីសន្និសីទអន្តរជាតិលើកទី១ ក្រោមប្រធានបទ «ទំនាក់ទំនងកម្ពុជា-ចិន ៖ សម័យចេនឡា និងអង្គរ» ដែលបានរៀបចំឡើងដោយវិទ្យាស្ថានខុងជឺ នៃរាជបណ្ឌិតសភាកម្ពុជា កាលពីខែសីហា ២០១២ កន្លងមក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ