តាមគេហទំព័រព័ត៌មាន (http://globalnation.inquirer.net) បានចេញផ្សាយព័ត៌មានមួយនៅថ្ងៃទី១៩ ខែកញ្ញា ឆ្នាំ២០១២ មានចំណងជើងថា«លោកទ្រីលែន គឺជាច្រកក្រោយរបស់អាគីណូ សម្រាប់ទាក់ទងប្រទេសចិន»“Aquino’s back channel to China is Trillanes” ។
តាមគេហទំព័រព័ត៌មាន (http://globalnation.inquirer.net) បានចេញផ្សាយព័ត៌មានមួយនៅថ្ងៃទី១៩ ខែកញ្ញា ឆ្នាំ២០១២ មានចំណងជើងថា«លោកទ្រីលែន គឺជាច្រកក្រោយរបស់អាគីណូ សម្រាប់ទាក់ទងប្រទេសចិន»“Aquino’s back channel to China is Trillanes” ។
តាមគេហទំព័រព័ត៌មាននេះ លោកអេនតូនីញូ៉ ទ្រីលែន (Antonio Trillanes) សមាជិកព្រឹទ្ធសភាហ្វ៊ីលីពីនបានលើកឡើងថា លោករដ្ឋមន្ត្រីការបរទេសហ្វ៊ីលីពីន ដែល រ៉ូសារីយ៉ូ (Del Rosario) មិនស័ក្តិសមតំណាងប្រទេសហ្វ៊ីលីពីន ទៅអង្គុយចរចាជាមួយប្រទេសចិនទេ ដោយសារតែភាពប្រឆាំងរឹងរូសរបស់គាត់មិនចង់ឱ្យមានដំណោះស្រាយដោយសន្តិវិធី ហើយគាត់មានបំណងចង់យកប្រទេសអាមេរិកចូលមកប្រឈមមុខដាក់គ្នាទៀត ។ លោកសមាជិកព្រឹទ្ធសភាបានបន្តថា សកម្មភាពជាច្រើនរបស់លោករដ្ឋមន្ត្រីការបរទេសរូបនេះ បានបង្ហាញពីការបង្កើនជម្លោះរវាងប្រទេសទាំង២(ចិន និងហ្វ៊ីលីពីន) ។
លោកសមាជិកព្រឹទ្ធសភាទ្រីលែន ថ្លែងថា «គាត់(រដ្ឋមន្ត្រីការបរទេស ដែល រ៉ូសារីយ៉ូ) ហៀបតែនឹងនាំយើងចូលក្នុងជម្លោះប្រដាប់អាវុធជាមួយនឹងប្រទេសមហាអំណាចជិតខាង នៅក្នុងខែមេសា ហើយឥឡូវនេះថា កិច្ចចរចាច្រកក្រោយអាចឱ្យយើងមានទំនាក់ទំនងជាធម្មតាឡើងវិញជាមួយប្រទេសចិន» ។
ក្នុងបទសម្ភាសន៍មួយកាលពីថ្ងៃទី២០ ខែកក្កដា លោកសមាជិកព្រឹទ្ធសភា ទ្រីលែន បានចាត់ទុករដ្ឋមន្ត្រីការបរទេស ដែល រ៉ូសារីយ៉ូ ជាមនុស្សចូលចិត្តបង្កសង្គ្រាម ។ ជាងនេះទៀត លោកទ្រីលែន បានស្តីបន្ទោសលោករដ្ឋមន្ត្រីការបរទេស ដែល សារីយ៉ូ ដែលបានរំខានមិនឱ្យចេញសេចក្តីថ្លែងការណ៍រួមរបស់អាស៊ានក្នុងអំឡុងពេលកិច្ចប្រជុំរដ្ឋមន្ត្រីការបរទេសអាស៊ានក្នុងខែកក្កដា នៅរាជធានីភ្នំពេញ កន្លងទៅនេះ ទាក់ទងនឹងជម្លោះសមុទ្រហ្វ៊ីលីពីនខាងលិច ដោយសារតែភាពចចេសរបស់គាត់ក្នុងការលើកយកបញ្ហាកោះស្កាបូរ៉ូសហ្សូល (Scarborough Shoal) ។
ដូច្នេះ ទំនាស់ផ្ទៃក្នុងរដ្ឋាភិបាលហ្វ៊ីលីពីនដែលផ្សាយតាមគេហទំព័រនេះ បានធ្វើឱ្យសាធារណមតិដឹងកាន់តែច្បាស់ថា ការខកខានមិនអាចចេញសេចក្តីថ្លែងការណ៍រួមនៃកិច្ចប្រជុំរដ្ឋមន្ត្រីការបរទេសអាស៊ានលើកទី៤៥ក្នុងខែកក្កដា កន្លងទៅនេះ គឺបណ្តាលមកពីភាពប្រឆាំងដ៏រឹងរូសមិនអាចចរចាបានរបស់លោករដ្ឋមន្ត្រីការបរទេសហ្វ៊ីលីពីនឈ្មោះដែល រ៉ូសារីយ៉ូ នេះឯង ៕
ចែករំលែកព័តមាននេះ