ខេត្តក្រចេះ ៖ រថយន្តសាំយ៉ុង មួយគ្រឿងត្រូវបានកម្លាំងកងរាជអាវុធហត្ថស្រុកស្នួល ស្ទាក់ចាប់បាន ខណៈពេលរថយន្តមួយគ្រឿងនេះត្រូវចោរមានគ្នាពីរនាក់ប្លន់ពីម្ចាស់នៅស្រុកមេមត់ ខេត្តកំពង់ចាម និងព្យាយាមបើករត់ ។
ទោះបីជាយ៉ាងណា ក្នុងសកម្មភាពដេញស្ទាក់ចាប់ដែលធ្វើឡើងពីសំណាក់សមត្ថកិច្ចប៉េអឹមស្រុកស្នួលនេះ គឺពុំចាប់ខ្លួនក្រុមចោរទាំងពីរ
ខេត្តក្រចេះ ៖ រថយន្តសាំយ៉ុង មួយគ្រឿងត្រូវបានកម្លាំងកងរាជអាវុធហត្ថស្រុកស្នួល ស្ទាក់ចាប់បាន ខណៈពេលរថយន្តមួយគ្រឿងនេះត្រូវចោរមានគ្នាពីរនាក់ប្លន់ពីម្ចាស់នៅស្រុកមេមត់ ខេត្តកំពង់ចាម និងព្យាយាមបើករត់ ។
ទោះបីជាយ៉ាងណា ក្នុងសកម្មភាពដេញស្ទាក់ចាប់ដែលធ្វើឡើងពីសំណាក់សមត្ថកិច្ចប៉េអឹមស្រុកស្នួលនេះ គឺពុំចាប់ខ្លួនក្រុមចោរទាំងពីរនាក់នោះបានទេ ខណៈពេលពួកគេបានព្យាយាមបើករថយន្តចូលផ្លូវលំក្នុងព្រៃ និងប្លុងរថយន្តចោល ហើយរត់ចូលព្រៃគេចខ្លួនបាត់ ។
តាមការរៀបរាប់របស់បុរសឈ្មោះសិន ណារ៉េន អាយុ២០ឆ្នាំ ជាម្ចាស់រថយន្តមានមុខរបរជាអ្នករត់តាក់ស៊ី រស់នៅស្រុកមេមត់ ខេត្តកំពង់ចាម បានឱ្យសមត្ថកិច្ចដឹងថា រថយន្តរបស់ខ្លួនដែលចោរពីរនាក់ធ្វើសកម្មភាពប្លន់យកនេះម៉ាកសាំយ៉ុង ពណ៌ស ពាក់ស្លាកលេខភ្នំពេញ 2K 7240 ។ ម្ចាស់រថយន្តបានរៀបរាប់ទៀតថា កាលពីវេលាម៉ោង៧យប់ថ្ងៃទី១៨ កញ្ញា មានជនពីរនាក់បានទូរស័ព្ទហៅជួលរថយន្តជិះទៅផ្សារមេមត់ ។ ពេលមកដល់ក៏បានបបួលខ្លួនផឹកស៊ីនៅភូមិខ្នងក្រពើ ក្នុងឃុំមេមត់ ។ បន្ទាប់ពីផឹកស៊ីមានរយៈពេលជាង២ម៉ោងរួចមក ពួកគេទាំងពីរនាក់ក៏បង្គាប់ឱ្យខ្លួនជាម្ចាស់រថយន្តបើករថយន្តទៅផ្ទះស្រីស្នេហ៍ដោយប្រាប់ថា យកនាងទៅជាមួយ ។ លុះពេលទៅដល់ផ្ទះស្រីនោះរង់ចាំអស់ជាច្រើនម៉ោងរួចមក ដោយយប់ស្ងាត់ពេក បុរសជាម្ចាស់រថយន្តបានសុំទៅផ្ទះវិញជាច្រើនលើកច្រើនសា តែជនទាំងពីរនាក់នេះមិនព្រមឱ្យទៅដោយរកលេសថា ឱ្យរង់ចាំបន្តិចសិន ។ មួយសន្ទុះក្រោយមករូបគេក៏សុំទៅផ្ទះម្តងទៀត ហើយជនទាំងពីរបានព្រមឱ្យទៅ ហើយពួកគេក៏បានឡើងរថយន្តអង្គុយនៅបាំងខាងក្រោយ ។ពេលរូបគេឡើងលើរថយន្តកាច់សោបញ្ឆេះរថយន្ត ក៏ស្រាប់តែជនទាំងពីរនេះដកខ្សែក្រវាត់ពីចង្កេះមករឹត.កពីក្រោយ តែខ្លួនជាម្ចាស់រថយន្តប្រឹងរើបម្រះរហូតរបូតខ្សែក្រវាត់ រួចក៏រត់សំដៅទៅផ្ទះអ្នកស្រុកដែលនៅក្បែរនោះឱ្យគេជួយ ។
ម្ចាស់រថយន្តបានឱ្យដឹងទៀតថា ក្រោយពីខ្លួនបានរត់គេចនោះជនទាំងពីរនាក់នេះបានបញ្ឆេះរថយន្តបើកសំដៅមកផ្លូវជាតិរត់គេច និងបានដោះស្លាកលេខរថយន្តចេញ និងហែកស្លាកឡូហ្គោ ដែលបិទនៅលើរថយន្តដើម្បីកុំឱ្យសម្គាល់ ឬចំណាំបាននៅតាមផ្លូវ ។
លោកអនុសេនីយ៍ទោ ម៉ៅ សុផុន មេបញ្ជាការរងប៉េអឹមស្រុកស្នួល បានឱ្យដឹងថា បន្ទាប់ពីទទួលបានបណ្តឹងពីជនរងគ្រោះ និងមុខសញ្ញាខ្លះៗពីសមត្ថកិច្ចស្រុកមេមត់រួចមក កម្លាំងរបស់លោកបានចេញល្បាត និងបានប្រទះឃើញរថយន្តមួយគ្រឿងនេះដែលកំពុងបើកយ៉ាងលឿនចេញពីស្រុកស្នួលឆ្ពោះទៅទីរួមខេត្តក្រចេះ ហើយកម្លាំងសមត្ថកិច្ចក៏តាមដេញស្ទាក់ និងចាប់បាននៅវេលាម៉ោង១២រំលងអធ្រាត្រឈានចូលថ្ងៃទី១៩ កញ្ញា ខណៈពេលចោរបានព្យាយាមបើករត់គេចពីសមត្ថកិច្ចទៅតាមផ្លូវលំនៅក្នុងភូមិមិល ឃុំឃ្សឹម ស្រុកស្នួល ហើយប្លុងរថយន្តចោលរត់គេចចូលព្រៃបាត់ ។
លោកមេបញ្ជាការរងបានបញ្ជាក់ថា រថយន្តមួយគ្រឿងនេះនាំយកទៅរក្សាទុកនៅទីបញ្ជាការ និងកសាងឯកសារបញ្ជូនទៅស្រុកមេមត់ ដើម្បីប្រគល់ឱ្យម្ចាស់ដើមវិញ ។ រីឯជនសង្ស័យទាំងពីរនាក់កម្លាំងជំនាញកំពុងតាមស្រាវជ្រាវព្រោះសមត្ថកិច្ចបានកំណត់មុខសញ្ញាអស់ហើយ ៕
ចែករំលែកព័តមាននេះ