កាលពីថ្ងៃទី១៧ កញ្ញា AFP ផ្សាយថា តៃវ៉ាន់បានរៀបចំពិធីរៀបការ«ជន្លេនដែលមានសំណាងល្អចំនួន៧០ក្បាល»នៅឧទ្យានសាធារណៈក្រុងថៃណានភាគខាងលិចឆៀងខាងត្បូងកោះតៃវ៉ាន់ កាលពីថ្ងៃទី១៦ កញ្ញា ។អ្នករៀបចំពិធីថ្លែងថា ពិធីនោះគឺចង់រំលឹកជាសាធារណៈទាក់ទងនឹងបរិស្ថាន និងការសឹករេចរឹលនៃផែនដី ដែលជាផ្នែកមួយក្នុងបញ្ហាដ៏ធំបំផុតកំពុងគំរាមកំហែងតៃ
កាលពីថ្ងៃទី១៧ កញ្ញា AFP ផ្សាយថា តៃវ៉ាន់បានរៀបចំពិធីរៀបការ«ជន្លេនដែលមានសំណាងល្អចំនួន៧០ក្បាល»នៅឧទ្យានសាធារណៈក្រុងថៃណានភាគខាងលិចឆៀងខាងត្បូងកោះតៃវ៉ាន់ កាលពីថ្ងៃទី១៦ កញ្ញា ។អ្នករៀបចំពិធីថ្លែងថា ពិធីនោះគឺចង់រំលឹកជាសាធារណៈទាក់ទងនឹងបរិស្ថាន និងការសឹករេចរឹលនៃផែនដី ដែលជាផ្នែកមួយក្នុងបញ្ហាដ៏ធំបំផុតកំពុងគំរាមកំហែងតៃវ៉ាន់។
ពិធីរៀបការនោះចាប់ផ្តើមដោយយកជន្លេនចំនួន៧០ក្បាលដាក់លើគ្រែស្នែង រុំព័ទ្ធដោយក្រណាត់ពណ៌ក្រហម ហើយដង្ហែលតាមផ្លូវដោយមានលក្ខណៈស្រដៀងនឹងការហែកូនក្រមុំតាមទំនៀមទម្លាប់នៃការរៀបអាពាហ៍ពិពាហ៍របស់ចិនតាំងពីសម័យមុនចូលទៅក្នុងឧទ្យានសាធារណៈតាខាំ នៅទីក្រុងថៃណាននៅមុុនពេលប្រារព្ធពិធីរៀបការជន្លេនទាំងនោះជាមួយដីនៅក្នុងឧទ្យាន ។
លោកវ៉ាង សើនណាន ប្រធានសមាគមអភិវឌ្ឍទីប្រជុំជនតាខាំង និងជាអ្នករៀបចំពិធីរៀបការដ៏ចម្លែកនោះថ្លែងថា ពិធីនោះរៀបចំទៅតាមទំនៀមទម្លាប់រៀបការរបស់ជនជាតិតៃវ៉ាន់ ក្នុងគោលដៅដើម្បីជំរុញឱ្យជនជាតិតៃវ៉ាន់យល់ច្បាស់ពីសារសំខាន់នៃការគ្រប់គ្រងផ្ទៃដី ដែលរស់នៅ ព្រោះការរេចរឹលរបស់ដីជាមូលហេតុធ្វើឱ្យល្បាប់ភក់វាយលុុកក្នុងរដូវព្យុះភ្លៀងចាត់ទុកថាជាបញ្ហាដ៏ធំផ្នែកបរិស្ថានរបស់តៃវ៉ាន់ ។ ជន្លេន នឹងជួយដោះស្រាយបញ្ហានេះបានដោយការកែសម្រួលគម្រោងដីធ្លី និងការបង្ហូរទឹក ៕
ចែករំលែកព័តមាននេះ