Ezecom ដែលជាក្រុមហ៊ុនផ្តល់សេវាអីុនធើរណេត ឈានមុខគេនៅកម្ពុជា បានចុះកិច្ចព្រមព្រៀងជាមួយក្រសួងអប់រំ យុវជន និងកីឡា ដើម្បីផ្ដល់សេវាអ៊ីនធើរណេត និងបរិក្ខារកុំព្យូទ័រដល់សាលារៀនមធ្យមសិក្សាចំណេះទូទៅ និងគ្រឹះស្ថានបណ្តុះបណ្តាលគ្រូចំនួន៥០នៅទូទាំងប្រទេស។
Ezecom ដែលជាក្រុមហ៊ុនផ្តល់សេវាអីុនធើរណេត ឈានមុខគេនៅកម្ពុជា បានចុះកិច្ចព្រមព្រៀងជាមួយក្រសួងអប់រំ យុវជន និងកីឡា ដើម្បីផ្ដល់សេវាអ៊ីនធើរណេត និងបរិក្ខារកុំព្យូទ័រដល់សាលារៀនមធ្យមសិក្សាចំណេះទូទៅ និងគ្រឹះស្ថានបណ្តុះបណ្តាលគ្រូចំនួន៥០នៅទូទាំងប្រទេស។
កិច្ចព្រមព្រៀងនេះ ធ្វើឡើងកាលពីខែសីហា ២០១២ កន្លងទៅ នឹងផ្ដល់ធនធានអប់រំកាន់តែទូលំទូលាយថែមទៀតដល់ថ្នាក់រៀននៅតាមបណ្ដាខេត្តនានានៅទូទាំងប្រទេស ។ នេះមានន័យថា ការសិក្សាពីចម្ងាយអាចក្លាយជាការពិតក្នុងពេលដ៏ឆាប់ខាងមុខនេះ សម្រាប់សិស្សានុសិស្សរាប់សែននាក់នៅទូទាំងប្រទេស។
យោងតាមសេចក្ដីថ្លែងការណ៍ដែលចេញដោយក្រុមហ៊ុន Ezecom រួមគ្នាជាមួយនឹងក្រសួងអប់រំ យុវជន និងកីឡានៃរាជរដ្ឋាភិបាលកម្ពុជាEzecomនឹងផ្ដល់សេវាអុីនធើណេតដោយឥតគិតថ្លៃដល់សាលារៀនគ្រឹះស្ថានបណ្តុះបណ្តាលគ្រូចំនួន៥០នៅទូទាំងប្រទេស។ ក្រសួងអប់រំត្រូវបានគេរំពឹងថា នឹងផ្ដល់វគ្គបណ្តុះបណ្តាលតាមរយៈអីុនធើរណេត និងឯកសារបង្រៀន-រៀន ដែលនឹងជួយដល់លោកគ្រូ អ្នកគ្រូនៅតាមខេត្តបំប៉នបន្ថែមនូវជំនាញរបស់ខ្លួន។
លោកអឹុម សិទ្ធី រដ្ឋមន្ត្រីក្រសួងអប់រំ យុវជន និងកីឡាមានប្រសាសន៍ថា៖«នេះគឺជាគំរូមួយទៀតនៃរបៀបដែលវិស័យសាធារណៈ និងវិស័យឯកជនអាចធ្វើការរួមគ្នាដើម្បីការអភិវឌ្ឍប្រទេសកម្ពុជា ។ ក្រុមហ៊ុន Ezecom នឹងផ្ដល់ការដំឡើងបណ្ដាញខ្សែកាបអុបទិកដោយឥតគិតថ្លៃ ព្រមទាំងការប្រើអុីនធើណេតដោយឥតគិតថ្លៃដល់សាលារៀន និងគ្រឹះស្ថានបណ្តុះបណ្តាលគ្រូចំនួន៥០នៅទូទាំងប្រទេស ។ យោងតាមក្រុមហ៊ុន Ezecom ការដំឡើងនេះត្រូវបានធ្វើរួចរាល់ហើយ ហើយសេវាអីុនធើរណេតក៏ត្រូវដាក់ឲ្យប្រើប្រាស់រួចរាល់ហើយដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ