រាជធានីភ្នំពេញ ៖ រថយន្តម៉ាកឡិចស៊ីសRX ៣០០ពណ៌ខ្មៅមួយគ្រឿងជិះគ្នាពីរនាក់ប្ដីប្រពន្ធបានបើកបោះពួយបុករបាំងថ្មចែកផ្លូវពេញទំហឹងបណ្ដាលឱ្យបាក់ចំនួន៣កំណាត់ខ្ទាតចេញពីទ្រូងផ្លូវដោយសារតែអ្នកបើកបរច្រឡំស្មានមានថាគ្មានរបាំងថ្ម ។ ទោះបីយ៉ាងណាហេតុការណ៍នេះ ពុំបណ្ដាឱ្យមនុស្សរងរបួសឡើយគ្រាន់តែខូចខាតរថយន្តដោយផ្ទុះពោងទាំងពីរប៉ុណ្ណោះ ។ គ្រោះថ្នាក់
រាជធានីភ្នំពេញ ៖ រថយន្តម៉ាកឡិចស៊ីសRX ៣០០ពណ៌ខ្មៅមួយគ្រឿងជិះគ្នាពីរនាក់ប្ដីប្រពន្ធបានបើកបោះពួយបុករបាំងថ្មចែកផ្លូវពេញទំហឹងបណ្ដាលឱ្យបាក់ចំនួន៣កំណាត់ខ្ទាតចេញពីទ្រូងផ្លូវដោយសារតែអ្នកបើកបរច្រឡំស្មានមានថាគ្មានរបាំងថ្ម ។ ទោះបីយ៉ាងណាហេតុការណ៍នេះ ពុំបណ្ដាឱ្យមនុស្សរងរបួសឡើយគ្រាន់តែខូចខាតរថយន្តដោយផ្ទុះពោងទាំងពីរប៉ុណ្ណោះ ។ គ្រោះថ្នាក់នេះបានកើតឡើងកាលពីវេលាម៉ោង៩ និង១០នាទីយប់ថ្ងៃទី ១៨ កញ្ញា នៅតាមវិថីម៉ៅសេទុងកែងផ្លូវលេខ១២២ខាងមុខផ្សារសាមគ្គី សង្កាត់ផ្សារដេប៉ូ៣ ខណ្ឌទួលគោក។
តាមសាក្សីនៅកន្លែងកើតហេតុបានឱ្យដឹងថា នៅមុនពេលកើតហេតុ គេឃើញរថយន្តម៉ាកឡិចស៊ីសRX៣០០ពណ៌ខ្មៅ មួយគ្រឿងបានធ្វើដំណើរតាមផ្លូវលេខ១២២ក្នុងទិសដៅពីលិចទៅកើត ។ ពេលធ្វើដំណើរមកដល់កន្លែងកើតហេតុកែងវិថីម៉ៅសេទុង មិនដឹងមូលហេតុអ្វីទេស្រាប់តែរថយន្តបោះពួយត្រង់ទៅបុករបាំងខណ្ឌចែកផ្លូវពេញទំហឹងបណ្ដាលឱ្យបាក់របាំថ្មចំនួន៣កង់បើុងខ្ទាតចេញ និងកល់ជាប់កង់មុខរថយន្ត ។ បន្ទាប់ពីកើតមានគ្រោះថ្នាក់ អ្នកបើកបរវ័យក្មេងដែលមានអាយុប្រមាណ២០ឆ្នាំរួមជាមួយភរិយាវ័យចំណាស់ម្នាក់មិនចុះពីលើរថយន្តនោះទេគឺអង្គុយលើរថយន្តដោយមានមនុស្សឈរមើលជុំជិតហាក់ដូចជាហួសចិត្តខ្លួនឯង ។ លុះក្រោយមកប៉ូលិសមូលដ្ឋានបានទាក់ទងហៅប៉ូលិសការិយាល័យចរាចរណ៍ចុះធ្វើកំណត់ហេតុនាំរថយន្តទៅកាន់សាលារាជធានីភ្នំពេញទើបពីរនាក់ប្ដីប្រពន្ធចុះចេញពីរថយន្ត ។ ទាក់ទិនការកើតមានគ្រោះថ្នាក់នេះអ្នកបើកបរពុំបានបញ្ជាក់ប្រាប់ពីមូលហេតុឱ្យដឹងពិតប្រាកដឡើយ ។
តាមស្ត្រីម្នាក់ដែលមកជួយដោះស្រាយត្រូវជាម្ដាយអ្នកបើកបរបានឱ្យដឹងថា នៅមុនពេលកើតហេតុកូនរបស់គាត់២នាក់ប្ដីប្រពន្ធបាន ជិះរថយន្តមកពីពោធិ៍ចិនតុងក្នុងគោលបំណងមកផ្ទះរបស់គាត់នៅក្បែរនេះ ពេលធ្វើដំណើរមកដល់ចំណុចកើតហេតុស្មានថា គ្មានរបាំងថ្មក៏នាំយកត្រង់បុករបាំងថ្មតែម្ដង ។ រថយន្តត្រូវប៉ូលិសបើកទៅសាលារាជធានីភ្នំពេញ ។ ចំណែករបាំងថ្មប៉ូលិសនាំគ្នាទាញដាក់ទៅកៀនចិញ្ចើមផ្លូវ៕
ចែករំលែកព័តមាននេះ