រាជធានីភ្នំពេញ ៖ និស្សិតប្រុសម្នាក់បានស្លា.ប់យ៉ាងអាណោចអាធ័ម ដោយសាររថយន្តកុងតឺន័របើកចុះចំណោតស្ពានព្រះមុនីវង្សថ្មីត្រើយខាងកើត ដាច់ហ្វ្រាំងជ្រុលទៅបុករះម៉ូតូកិនមនុស្សម្នាក់ស្លា.ប់ និង៣នាក់ទៀតរងរបួស ដែលហេតុការណ៍ដ៏រន្ធត់នេះកើតឡើង កាលពីវេលាម៉ោង៧និង១០នាទីយប់ថ្ងៃទី១៨ កញ្ញា ២០១២ ។
រាជធានីភ្នំពេញ ៖ និស្សិតប្រុសម្នាក់បានស្លាប់យ៉ាងអាណោចអាធ័ម ដោយសាររថយន្តកុងតឺន័របើកចុះចំណោតស្ពានព្រះមុនីវង្សថ្មីត្រើយខាងកើត ដាច់ហ្វ្រាំងជ្រុលទៅបុករះម៉ូតូកិនមនុស្សម្នាក់ស្លាប់ និង៣នាក់ទៀតរងរបួស ដែលហេតុការណ៍ដ៏រន្ធត់នេះកើតឡើង កាលពីវេលាម៉ោង៧និង១០នាទីយប់ថ្ងៃទី១៨ កញ្ញា ២០១២ ។
តាមប្រភពព័ត៌មានបានឱ្យដឹងថា មុនពេលកើតហេតុរថយន្តកុងតឺន័ររបស់ក្រុមហ៊ុនអូលែរ បើកឆ្លងស្ពានព្រះមុនីវង្សថ្មី ក្នុងទិសដៅពីលិចទៅកើត លុះពេលចុះចំណោតស្ពានរថយន្តបានដាច់ហ្វ្រាំងជាន់មិនស៊ីក៏ជ្រុលល្បឿនបុករះម៉ូតូ៣គ្រឿងរងការខូចខាត និងកិនអ្នកជិះម៉ូតូម្នាក់ស្លាប់នៅក្រោមរថយន្តយ៉ាងអាណោចអាធ័មបំផុត ចំណែក៣នាក់ទៀតរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យ ។ បុរសដែលស្លាប់បាត់បង់ជីវិតឈ្មោះសុខ សំណាង ជានិស្សិតស្នាក់នៅសង្កាត់និរោធ ខណ្ឌមានជ័យ ។
ដោយឡែករថយន្តបង្កបើកដោយឈ្មោះលឹម នឿន ភេទប្រុស អាយុ៤២ឆ្នាំ ស្នាក់នៅសង្កាត់ជម្ពូវ័ន ខណ្ឌពោធិ៍សែនជ័យ ត្រូវបានសមត្ថកិច្ចបញ្ជូនទៅកាន់ការិយាល័យនគរបាលចរាចររាជធានីភ្នំពេញ ទាំងរថយន្ត រួមជាមួយម៉ូតូ៣គ្រឿងផងដែរ ។
សូមរំលឹកថា គិតចាប់ពីថ្ងៃទី១ ដល់ថ្ងៃទី១៨ កញ្ញា នៅចំណុចត្រើយខាងកើតស្ពានព្រះមុនីវង្សករណីគ្រោះថ្នាក់ចរាចរណ៍ធំៗចំនួន៣លើក បានកើតឡើង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ