ខេត្តកំពង់ឆ្នាំង ៖ បុរសម្នាក់ត្រូវជនមិនស្គាល់មុខមួយក្រុមលបកា.ប់ប្រហារបណ្តាលឱ្យស្លា.ប់ក្នុងថ្លុកឈាម កាលពីវេលាម៉ោង១០និង៤៥នាទី យប់ថ្ងៃទី១៧ កញ្ញា នៅលើផ្លូវលំក្រាលក្រួសក្រហម ស្ថិតក្នុងភូមិស្តុកលិច ឃុំឈូកស ស្រុកកំពង់ត្រឡាច ខណៈជនរងគ្រោះត្រឡប់មកពីមើលគេរាំវង់វិញ ។
ខេត្តកំពង់ឆ្នាំង ៖ បុរសម្នាក់ត្រូវជនមិនស្គាល់មុខមួយក្រុមលបកាប់ប្រហារបណ្តាលឱ្យស្លាប់ក្នុងថ្លុកឈាម កាលពីវេលាម៉ោង១០និង៤៥នាទី យប់ថ្ងៃទី១៧ កញ្ញា នៅលើផ្លូវលំក្រាលក្រួសក្រហម ស្ថិតក្នុងភូមិស្តុកលិច ឃុំឈូកស ស្រុកកំពង់ត្រឡាច ខណៈជនរងគ្រោះត្រឡប់មកពីមើលគេរាំវង់វិញ ។
មន្ត្រីប៉ូលិសព្រហ្មទណ្ឌខេត្តដែលបានចុះទៅពិនិត្យដល់កន្លែងកើតហេតុឱ្យដឹងថា ជនរងគ្រោះឈ្មោះង៉ែត ស្រៀង អាយុ៤៥ឆ្នាំ មានទីលំនៅក្នុងភូមិ-ឃុំខាងលើ ។ ជនរងគ្រោះត្រូវគេកាប់ចំនួន៤កន្លែង គឺក្បាល២កន្លែង ក១កន្លែង និងចង្កេះមួយកន្លែង បណ្តាលឱ្យស្លាប់ក្នុងថ្លុកឈាមយ៉ាងអាណោចអាធ័ម ។ បើតាមប្រជាពលរដ្ឋបានប្រាប់ប៉ូលិសថា ជនរងគ្រោះមុនពេលប្រទះឃើញស្លាប់ គឺបានត្រឡប់មកពីមើលគេលេងរាំវង់វិញ លុះក្រោយមកក៏ស្រាប់តែប្រទះឃើញត្រូវជនដៃដល់កាប់ស្លាប់ក្នុងថ្លុកឈាមតែម្តង។
ប្រភពពីមន្ត្រីប៉ូលិសដែលស្រាវជ្រាវក្នុងរឿងនេះនិយាយថា បុរសម្នាក់នេះត្រូវបានពលរដ្ឋស្អប់ និងមិនរាប់រកស្ទើរគ្រប់គ្នា ដោយហេតុនេះហើយទើបមិនមាននរណាជួយធ្វើជាសាក្សីបំភ្លឺឱ្យប៉ូលិសឡើយ សូម្បីតែទៅតាមតាអាចារ្យក្នុងភូមិមកធ្វើបុណ្យក៏មិនព្រមមកដែរ ។ ទោះបីជាបែបណា ការសម្លាប់មនុស្ស គឺជាបទឧក្រិដ្ឋដោយហេតុនេះហើយប៉ូលិសកំពុងស្រាវជ្រាវយ៉ាងយកចិត្តទុកដាក់ ដើម្បីចាប់់ជនដៃដល់មកផ្តន្ទាទោសតាមច្បាប់ ៕
ចែករំលែកព័តមាននេះ