រាជធានីភ្នំពេញ ៖ រថយន្តម៉ាកទីកូ ពណ៌ស្លែលាយទឹកប្រាក់ ១គ្រឿង ដែលម្ចាស់ស្រវឹងជោកបានបើករេពេញផ្លូវឡើងសូនច្បារផ្លូវភ្លោះបុកដើមឈើមួយដើររលើងឫសហើយរថយន្ត បន្តទៅមុខទាំងត្រដាបត្រដួសដល់ចំណុចផ្លូវកែងក៏ជ្រុលទៅបុកបង្គោលភ្លើងពេញទំហឹងរួញជាប់ទៅមុខលែងរួចតែម្តង ។
រាជធានីភ្នំពេញ ៖ រថយន្តម៉ាកទីកូ ពណ៌ស្លែលាយទឹកប្រាក់ ១គ្រឿង ដែលម្ចាស់ស្រវឹងជោកបានបើករេពេញផ្លូវឡើងសូនច្បារផ្លូវភ្លោះបុកដើមឈើមួយដើររលើងឫសហើយរថយន្ត បន្តទៅមុខទាំងត្រដាបត្រដួសដល់ចំណុចផ្លូវកែងក៏ជ្រុលទៅបុកបង្គោលភ្លើងពេញទំហឹងរួញជាប់ទៅមុខលែងរួចតែម្តង ។
ឯអ្នកបើកបរដេកក្នុងរថយន្តធ្វើដូចមិនដឹងរឿង ត្រូវអ្នកភូមិបាននាំគ្នាអូសចេញពីក្នុងរថយន្ត កាលពីវេលាម៉ោង៦និង៣០នាទីលា្ងច ថ្ងៃទី១៧ កញ្ញា នៅតាមវិថីអង្គរ ស្ថិតនៅក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ ។ អ្នកបើកបររថយន្តត្រូវគេស្គាល់ឈ្មោះ ស សុភា ភេទប្រុស អាយុ៤១ឆ្នាំ មានលំនៅឋានក្បែរកន្លែងកើតហេតុ ។
តាមសាក្សីបានឱ្យដឹងថា នៅមុនពេលកើតហេតុ គេឃើញរថយន្តម៉ាកទីកូខាងលើធ្វើដំណើរតាមវិថីអង្គរ ពីរង្វង់មូលកាំកូស៊ីធីទៅទិសខាងជើងដោយអ្នកបើកបរស្រវឹងជោកបើករេពេញផ្លូវ បានបើកឡើងសួនច្បារផ្លូវភ្លោះបុករះដើមឈើមួយដើម រលើងទាំងឫសដូលរាបដល់ដី ហើយរថយន្តបានបើកទៅមុខប្រមាណជិតមួយគីឡូម៉ែត្រជិតដល់ផ្ទះ លុះដល់ផ្លូវកែងបត់ស្តាំក៏ជ្រុលទៅបុកបង្គោលភ្លើងពេញទំហឹងបណ្តាលរថយន្តរួញជាប់នឹងបង្គោលភ្លើង ។ បន្ទាប់ពីកើតហេតុអ្នកបើកបរពុំរងរបួសឡើយ តែស្រវឹងជោកជាំហើយបានដេកនៅក្នុងរថយន្តធ្វើព្រងើយត្រូវបានប្រជាពលរដ្ឋនាំគ្នាចោមរោមមើលជុំជិត និងជួយទាញចេញមកក្រៅ ។ តាមសាក្សីខ្លះអះអាងថា ពេលរថយន្តបើកឡើងសួនច្បារបានបែកកង់ហើយអ្នកបើករថយន្តខំប្រឹងបើកទាំងបែកកង់ដល់ចំណុចផ្លូវកែងក៏ជ្រុលបុកបង្គោលភ្លើងតែម្តង ។
តាមប្រជាពលរដ្ឋឱ្យដឹងថា ត្រង់ចំណុះនេះ ជាទូទៅអ្នកបើកបររថយន្តតែងតែផឹកស្រវឹងជោកហើយស្ទើរបាត់បង់ស្មារតីដែលកន្លងមកមានរថយន្តមួយគ្រឿងបើកចុះស្រះទឹក និងវាយកម្ទេចរថយន្តដែលទើបតែជួសជុលរួច កាលពី៣ថ្ងៃមុន ហើយពេលនេះស្រាប់តែរថយន្តខាងលើបានបើកបុកបង្គោលភ្លើងមួយដើមទៀត ។ រថយន្តត្រូវប៉ូលិសការិយាល័យចរាចរណ៍ផ្លូវគោកចុះទៅស្ទូចយកទៅកាន់ការិយាល័យជំនាញដើម្បីដោះស្រាយ ៕
ចែករំលែកព័តមាននេះ