រាជធានីភ្នំពេញ ៖ យោងតាមគេហទំព័រអគ្គស្នងការនគរបាលជាតិបានឲ្យដឹងថា សមត្ថកិច្ចនគរបាលកំពុងស្នើសុំគោលការណ៍ពីរដ្ឋមន្រ្តីក្រសួងមហាផ្ទៃក្នុងការបញ្ជូនជនជាតិជប៉ុនម្នាក់ទៅប្រទេសដើមវិញ ។ ប្រធាននាយកដ្ឋានប្រឆាំងភេវរកម្ម ឧត្តមសេនីយ៍ទោ នួន ញក់ បានឲ្យដឹងថា ជនជាតិជប៉ុនម្នាក់ដែលបានចាប់ឃាត់ខ្លួននោះឈ្មោះ នីស៊ីហ្សាវ៉ា គិនជី ភេទប្រុស អាយុ៤៤ឆ្នាំ កាន់
រាជធានីភ្នំពេញ ៖ យោងតាមគេហទំព័រអគ្គស្នងការនគរបាលជាតិបានឲ្យដឹងថា សមត្ថកិច្ចនគរបាលកំពុងស្នើសុំគោលការណ៍ពីរដ្ឋមន្រ្តីក្រសួង មហាផ្ទៃក្នុងការបញ្ជូនជនជាតិជប៉ុនម្នាក់ទៅប្រទេសដើមវិញ ។ ប្រធាននាយកដ្ឋានប្រឆាំងភេវរកម្ម ឧត្តមសេនីយ៍ទោ នួន ញក់ បានឲ្យដឹងថា ជនជាតិជប៉ុនម្នាក់ដែលបានចាប់ឃាត់ខ្លួននោះឈ្មោះ នីស៊ីហ្សាវ៉ា គិនជី ភេទប្រុស អាយុ៤៤ឆ្នាំ កាន់លិខិតឆ្លងដែនលេខ TK3489185 ត្រូវក្រសួងការបរទេសជប៉ុន លុបសុពលភាពចោលកាលពីថ្ងៃទី២៩ វិច្ឆិកា ឆ្នាំ២០១១ ។
ការឃាត់ខ្លួននេះធ្វើបន្ទាប់ពីមានការស្នើសុំពីស្ថានទូតជប៉ុនប្រចាំនៅរាជធានីភ្នំពេញឲ្យចាប់ខ្លួនជនសង្ស័យខាងលើនេះ បន្ទាប់ពីជននេះ បានប្រព្រឹត្តបទល្មើសលួចចូលលំនៅដ្ឋានខុសច្បាប់ ប្លន់ និងបង្ករបួសស្នាមកាលពីដើមឆ្នាំ២០១១ នៅក្នុងប្រទេសជប៉ុនកន្លងទៅនេះ ។ គួរបញ្ជាក់ថា លោក នីស៊ីហ្សាវ៉ា គិនជី បានចូលមកប្រទេសកម្ពុជាចុងក្រោយនៅថ្ងៃទី៣០ ខែកក្កដា ឆ្នាំ២០១២ តាមច្រកទ្វារអន្តរជាតិបាវិត ខេត្តស្វាយរៀង និងត្រូវសមត្ថកិច្ចកម្ពុជាចាប់ឃាត់ខ្លួននៅថ្ងៃទី១៤ ខែកញ្ញា ឆ្នាំ២០១២ នៅផ្ទះលេខ១៣០ ផ្លូវ៧មករា ក្រុមទី១០ ភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ ។
បើតាមអ្នកនំាពាក្យអគ្គស្នងការនគរបាលជាតិ លោកគៀត ច័ន្ទថារិទ្ធ បានឲ្យដឹងដែរថា ជនជាតិជប៉ុនរូបនេះ កំពុងឃុំខ្លួននៅនាយកដ្ឋានអន្តោរប្រវេសន៍ និងកំពុងរង់ចាំគោលការណ៍ពីរដ្ឋមន្រ្តីក្រសួងមហាផ្ទៃ ដើម្បីបញ្ជូនត្រឡប់ទៅប្រទេសជប៉ុនវិញ ៕
ចែករំលែកព័តមាននេះ