ខេត្តកំពង់ចាម ៖ ក្រោមការយកចិត្តទុកដាក់ពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត បានកសាងសំណង់អគារបេតុង១ខ្នង មានទំហំ៨ម៉ែត្រគុណ២៥ម៉ែត្រ ប្រក់ក្បឿង សម្រាប់ឱ្យកងអន្តរាគមន៍ស្នាក់នៅ និងទប់ស្កាត់សភាពការណ៍ផ្សេងៗជូនដល់ប្រជាពលរដ្ឋ និងសង្គមជាតិ ។ កាលពីចុងខែសីហា កន្លងមក លោកស្នងការនគរបាលខេត្ត អមដំណើរដោយលោក
ខេត្តកំពង់ចាម ៖ ក្រោមការយកចិត្តទុកដាក់ពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត បានកសាងសំណង់អគារបេតុង១ខ្នង មានទំហំ៨ម៉ែត្រគុណ២៥ម៉ែត្រ ប្រក់ក្បឿង សម្រាប់ឱ្យកងអន្តរាគមន៍ស្នាក់នៅ និងទប់ស្កាត់សភាពការណ៍ផ្សេងៗជូនដល់ប្រជាពលរដ្ឋ និងសង្គមជាតិ ។ កាលពីចុងខែសីហា កន្លងមក លោកស្នងការនគរបាលខេត្ត អមដំណើរដោយលោកវរសេនីយ៍ឯក ជឹម សេងហុង ស្នងការរងនគរបាលខេត្តទទួលផែនយុត្តិធម៌ លោកវរសេនីយ៍ឯក ហេង សម្បត្តិ ស្នងការរងទទួលផែនសេនាធិការ ព្រមទាំងកងកម្លាំងក្រោមឱវាទជាច្រើននាក់ទៀត បានអញ្ជើញទៅពិនិត្យមើលដំណើរការសាងសង់ដែលមកដល់បច្ចុប្បន្នសម្រេចបាន៣០ភាគរយហើយ ។
តាមលោកវរសេនីយ៍ត្រី ណា ចេ ប្រធានកងអន្តរាគមន៍ខេត្ត ឱ្យដឹងថា ដើម្បីធានាសុវត្ថិភាព និងសណ្តាប់ធ្នាប់សង្គមនោះ លោកស្នងការនគរបាលខេត្តតែងតែឱ្យកម្លាំងអន្តរាគមន៍ខេត្តចេញល្បាតដោយប្រើរថយន្តស៊ីរ៉ែន មានបំពាក់ទៅដោយអាវុធគ្រប់ដៃនៅក្នុងក្រុងកំពង់ចាម តាមគោលដៅសំខាន់ៗនានា២៤ម៉ោងលើ២៤ម៉ោង ។ ថ្វីដ្បិតតែកម្លាំងរាល់ថ្ងៃនេះមិនទាន់ច្រើនក៏ពិតមែន តែរូបលោកមានទឹកចិត្តដ៏មោះមុតក្នុងការបំពេញភារកិច្ច ដោយសារតែលោកឧត្តមសេនីយ៍ត្រី ស្នងការនគរបាលខេត្ត យកចិត្តទុកដាក់ជួយទំនុកបម្រុងគ្រប់បែបយ៉ាងទាំងសម្ភារ និងស្មារតី ។ រៀងរាល់ថ្ងៃនេះ ដោយសារតែអគារកងអន្តរាគមន៍ខេត្តមានលក្ខណៈតូចផងនោះលោកស្នងការក៏បានកសាងសំណង់អគារថ្មីមួយខ្នងទៀតមានទំហំ៨ម៉ែត្រគុណ២៥ម៉ែត្រ រួមនឹងអគារសម្រាប់ដាក់រថយន្តទំហំ៨ម៉ែត្រគុណ១៥ម៉ែត្រផងដែរ ។
លោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត មានប្រសាសន៍ថា ក្រោយពីរូបលោកត្រូវបានដំឡើងពីស្នងការរងនគរបាលខេត្តទទួលផែនសន្តិសុខមកជាស្នងការនគរបាលខេត្ត បានតែក្នុងរយៈពេលប៉ុន្មានខែប៉ុណ្ណោះ ដោយពិនិត្យឃើញមានការខ្វះខាតនូវសំណង់អគាររដ្ឋបាលផងនោះ ក៏បានចលនាសប្បុរសជនទាំងក្នុង និងក្រៅប្រទេស មានទាំងនគរបាល និងកងទ័ពវៀតណាមផងដែរបរិច្ចាគធនធានរហូតដល់កសាងបានសំណង់អគារថ្មី១ខ្នងមានទំហំ១២ម៉ែត្រគុណ២៣ម៉ែត្រ កម្ពស់១ជាន់ ដោយចំណាយប្រាក់សាងសង់អស់ប្រមាណ២០ម៉ឺនដុល្លារ ។
លោកឧត្តមសេនីយ៍ត្រី ស្នងការ មានប្រសាសន៍ទៀតថា ដើម្បីពង្រឹងគោលនយោបាយភូមិ-ឃុំមានសុវត្ថិភាព ឱ្យកាន់តែល្អប្រសើរផងនោះ រូបលោកបានចលនាសប្បុរសជន និងមិត្តភក្តិជិតឆ្ងាយជួយកសាងអគារសម្រាប់ស្នាក់នៅរបស់កម្លាំងអន្តរាគមន៍ខេត្តស្ថិតនៅខាងក្រោយអគាររបស់លោកតែម្តង ដោយចាប់ផ្តើមសាងសង់នៅដើមខែសីហា និងនៅដំណាច់ឆ្នាំ២០១២ ទើបរួចរាល់ជាស្ថាពរដោយចំណាយប្រាក់អស់ប្រហែលជាង៣ម៉ឺនដុល្លារ សុទ្ធសឹងជាប្រាក់របស់សប្បុរសជនទាំងអស់ ៕
ចែករំលែកព័តមាននេះ