រាជធានីភ្នំពេញ ៖ បុរសម្នាក់ស្លា.ប់បាត់បង់ជីវិតនៅកន្លែងកើតហេតុ និងម្នាក់ទៀតរបួសធ្ងន់ ខណៈជិះម៉ូតូចេញពីខារា៉អូខេទៅបុកថ្មសួន ចែកផ្លូវដែលកំពុងសាងសង់មិនទាន់រួចរាល់ នៅតាមផ្លូវជាតិលេខ៦ ខាងជើងបុរីសុភមង្គលប្រមាណ២០ម៉ែត្រ ស្ថិតក្នុងភូមិជ្រោយចង្វា សង្កាត់ជ្រោយចង្វា ខណ្ឌឫស្សីកែវ កាលពីវេលាម៉ោង១និង៥នាទី រំលងអធ្រាត្រឈានចូលថ្ងៃទី១៧ កញ្ញា ។
រាជធានីភ្នំពេញ ៖ បុរសម្នាក់ស្លាប់បាត់បង់ជីវិតនៅកន្លែងកើតហេតុ និងម្នាក់ទៀតរបួសធ្ងន់ ខណៈជិះម៉ូតូចេញពីខារា៉អូខេទៅបុកថ្មសួន ចែកផ្លូវដែលកំពុងសាងសង់មិនទាន់រួចរាល់ នៅតាមផ្លូវជាតិលេខ៦ ខាងជើងបុរីសុភមង្គលប្រមាណ២០ម៉ែត្រ ស្ថិតក្នុងភូមិជ្រោយចង្វា សង្កាត់ជ្រោយចង្វា ខណ្ឌឫស្សីកែវ កាលពីវេលាម៉ោង១និង៥នាទី រំលងអធ្រាត្រឈានចូលថ្ងៃទី១៧ កញ្ញា ។
សាក្សីនៅកន្លែងកើតហេតុបានឱ្យដឹងថា ម៉ូតូសេ១២៥ ពណ៌ខ្មៅ ជិះគ្នា២នាក់ តាមផ្លូវជាតិលេខ៦ ពីជើងទៅត្បូង ខណៈមកដល់ចំណុចកើតហេតុ ស្រាប់ចាំងភ្លើងហ្វារថយន្តមើលអ្វីមិនឃើញក៏ជ្រុលទៅបុកដុំថ្មដែលគេរៀបធ្វើខឿនសួនពេញទំហឹងបណ្តាលឱ្យផ្លោងម៉ូតូប្រមាណ២០ម៉ែត្រ ទៅកប់ក្នុងគំនរខ្សាច់ ចំណែកមនុស្សខ្ទាតជាង១០មែ៉ត្រ បោកក្បាលនឹងថ្មសួនចែកផ្លូវស្លាប់បាត់បង់ជីវិតម្នាក់ និងម្នាក់ទៀតរងរបួសធ្ងន់ ។ ក្រោយពេលកើតហេតុមានម៉ូតូ៣គ្រឿង ទៀតជិះមកឈប់មើលបាននិយាយថាជនរងគ្រោះទាំងពីរនាក់ទើបចេញពីខារា៉អូខេ។
សូមបញ្ជាក់ថា ផ្លូវជាតិលេខ៦កំពុងជួសជុលពង្រីកទំហំផ្លូវ និងមានធ្វើជាសួនច្បារចែកផ្លូវ សម្រាប់ដាំផ្កាលម្អនៅចន្លោះកណ្តាល ប៉ុន្តែត្រង់ចំណុចកើតហេតុនោះ ទើបតែដាំផ្កាបានបន្តិចទេ និងកំពុងធ្វើបន្តទៀត ។ប្រជាពលរដ្ឋដែលទៅចោមរោមមើលហេតុការណ៍បានរិះគន់ថា កាលពីយប់ថ្ងៃទី១៦ កញ្ញា មានរថយន្តមួយគ្រឿងបើកបុកថ្មខឿនសួននេះបណ្តាលឱ្យខ្ទាតរាយប៉ាយហើយសមត្ថកិច្ច បានស្ទួចរថយន្តបង្កនោះទៅរក្សាទុកនៅ សាលារាជធានីភ្នំេពញ ដើម្បីសងការខូចខាត ។ លុះយប់ថ្ងៃទី១៧ កញ្ញា ស្រាប់តែមានម៉ូតូមួយគ្រឿងទៅបុកទៀតបណ្តាលឱ្យដួលស្លាប់បាត់បង់ជីវិតម្នាក់ និងរបួសធ្ងន់ម្នាក់ ។
ប្រជាពលរដ្ឋបានសំណូមពរឱ្យមន្ត្រីពាក់ព័ន្ធ ជាពិសេសសាលារាជធានីភ្នំពេញ ដាក់ភ្លើងបំភ្លឺផ្លូវ និងស្លាកសញ្ញាត្រង់ចំណុចរៀបថ្មធ្វើខឿនសួនចែកផ្លូវដែលកំពុងសាងសង់នោះឱ្យអ្នកដំណើរបានដឹងផង ចៀសវាងគ្រោះថ្នាក់កើតឡើងបន្តបែបនេះទៀត ។
ជនរងគ្រោះរបួសធ្ងន់ត្រូវរថយន្តដឹកយកទៅព្យាបាលនៅមន្ទីរពេទ្យកាល់មែ៉ត ចំណែកសពជនរង់ចាំគ្រួសារមកដឹកយកទៅធ្វើបុណ្យតាមប្រពៃណី ៕
ចែករំលែកព័តមាននេះ