ខេត្តកំពត ៖ ម៉ូតូមួយគ្រឿងឌុបគ្នា៤នាក់ត្រូវរថយន្តបើកកៀរបណ្តាលឱ្យដួលម៉ូតូធ្លាក់ទៅចិញ្ចើមផ្លូវ ហើយអ្នកជិះទាំង៤នាក់បានរងរបួស កាលពីវេលាម៉ោង៤និង៣០នាទីរសៀលថ្ងៃទី១៥ កញ្ញា នៅលើដងផ្លូវជាតិលេខ៣១ ត្រង់ចំណុចភូមិឈើទាល ឃុំស្តេចគង់ខាងលិច ស្រុកបន្ទាយមាស ។
ខេត្តកំពត ៖ ម៉ូតូមួយគ្រឿងឌុបគ្នា៤នាក់ត្រូវរថយន្តបើកកៀរបណ្តាលឱ្យដួលម៉ូតូធ្លាក់ទៅចិញ្ចើមផ្លូវ ហើយអ្នកជិះទាំង៤នាក់បានរងរបួស កាលពីវេលាម៉ោង៤និង៣០នាទីរសៀលថ្ងៃទី១៥ កញ្ញា នៅលើដងផ្លូវជាតិលេខ៣១ ត្រង់ចំណុចភូមិឈើទាល ឃុំស្តេចគង់ខាងលិច ស្រុកបន្ទាយមាស ។
សាក្សីបានប្រាប់នគរបាលចរាចរដែលចុះដល់ចំណុចកើតហេតុថា អ្នកជិះម៉ូតូសេ១២៥ សេ៊រីឆ្នាំ២០១១ ឌុបគ្នា៤នាក់ក្នុងទិសដៅពីត្បូងទៅជើងស្រាប់តែមកដល់ចំណុចខាងលើក៏មានរថយន្តកូរ៉េពណ៌សមួយគ្រឿងបើកបរស្របទិសគ្នាជាមួយម៉ូតូ បានកៀរម៉ូតូដួលខ្ទាតធ្លាក់ទៅចិញ្ចើមផ្លូវ និងអ្នកជិះម៉ូតូរបួសឈាមមុខឈាមមាត់ទាំង៤នាក់ ដោយឡែករថយន្តបង្កហេតុបានបន្ថែមល្បឿនគេចបាត់ស្រមោល ។
នគរបាលចរាចរស្រុកបានប្រាប់ឱ្យដឹងថា អ្នករងរបួសទាំង៤នាក់នេះឈ្មោះង៉ែត ជ្រន អាយុ៣០ឆ្នាំ ជាគ្រូបង្រៀន និងប្តីឈ្មោះ សូ ចំរើន អាយុ៣២ឆ្នាំ ជាអ្នកបើកម៉ូតូធ្វើការនៅរោងចក្រផលិតស៊ីម៉ង់ត៍នៅភ្នំទទុង និងស្ត្រីម្នាក់ឈ្មោះសូ នីតា អាយុ១៩ឆ្នាំ ជាគ្រូបង្រៀននៅស្រុកស្រែអំបិល ខេត្តកោះកុង និងក្មេងប្រុសម្នាក់ទៀតអត់ស្គាល់ឈ្មោះអាយុ២ឆ្នាំ ។ អ្នករងរបួសខាងលើរស់នៅភូមិត្រពាំងមន្ត្រី ឃុំសំរោងក្រោម ស្រុកបន្ទាយមាស ។ នគរបាលបាននិយាយថា ជនរងគ្រោះទាំង៤នាក់នេះបានជិះម៉ូតូឌុបគ្នាមកពីវះរបួសជើងនៅស្រុកកំពង់ត្រាច ហើយត្រឡប់មកផ្ទះវិញ ក៏ជួបគ្រោះអាក្រក់បែបនេះតែម្តង ។
លោកមិន ញេប មន្ត្រីនគរបាលស្រុកនិយាយថា បើតាមសាក្សីរាយការណ៍ពីកន្លែងកើតហេតុគេបានស្គាល់រថយន្តបង្កគ្រោះថ្នាក់នោះហើយជាប្រភេទរថយន្តកូរ៉េពណ៌ស ចំណុះមួយតោនកន្លះ។ នគរបាលកំពុងតាមដានរករថយន្តបង្កដែលកៀរមនុស្សរងរបួស៤នាក់នេះដើម្បីដោះស្រាយតាមច្បាប់ ៕
ចែករំលែកព័តមាននេះ