ខេត្តតាកែវ ៖ ក្រុមហ៊ុន RMA បានរៀបចំពិធីបង្ហាញសមត្ថភាពគុណភាពត្រាក់ទ័រម៉ាក JOHN DEERE ផលិតផលមកពីប្រទេសអាមេរិក នៅចំពោះមុខប្រជាកសិករចំនួនជាង២០០នាក់ ដែលចូលរួមស្វែងយល់អំពីគុណភាពក្នុងការប្រើប្រាស់ ។ ពិធីនោះបានប្រព្រឹត្តធ្វើឡើងកាលពីថ្ងៃទី១៤ កញ្ញា នៅភូមិរមិញ ឃុំរមិញ ស្រុកកោះអណ្តែត ខេត្តតាកែវ ។
ខេត្តតាកែវ ៖ ក្រុមហ៊ុន RMA បានរៀបចំពិធីបង្ហាញសមត្ថភាពគុណភាពត្រាក់ទ័រម៉ាក JOHN DEERE ផលិតផលមកពីប្រទេសអាមេរិក នៅចំពោះមុខប្រជាកសិករចំនួនជាង២០០នាក់ ដែលចូលរួមស្វែងយល់អំពីគុណភាពក្នុងការប្រើប្រាស់ ។ ពិធីនោះបានប្រព្រឹត្តធ្វើឡើងកាលពីថ្ងៃទី១៤ កញ្ញា នៅភូមិរមិញ ឃុំរមិញ ស្រុកកោះអណ្តែត ខេត្តតាកែវ ។
នៅក្នុងពិធីបង្ហាញនោះ អ្នកតំណាងខាងក្រុមហ៊ុនបាននិយាយឱ្យដឹងថា ជាទូទៅប្រជាកសិករខ្មែរនៅពេលដែលទិញត្រាក់ទ័រពីក្រុមហ៊ុនដទៃហើយ គឺតែងតែចប់កិច្ចទំនាក់ទំនងហើយបើមានក៏មិនជាយូរអង្វែងដែរ និងមិនមានសេវាកម្មតាមបម្រើជូនអតិជននោះទេ ។ ប៉ុន្តែបច្ចុប្បន្ន បើសិនជាកសិករខ្មែរទិញត្រាក់ទ័រពីក្រុមហ៊ុន RMA រួចហើយ កិច្ចទំនាក់ទំនងមិនទាន់ត្រូវបានបញ្ចប់ទេ ពីព្រោះក្រុមហ៊ុន RMA មានសេវាកម្មធានារយៈពេល១ឆ្នាំ និងសេវាកម្មថែទាំរយៈពេល២ឆ្នាំទៀត ។ ក្រៅពីនេះ ក្រុមហ៊ុនមានសេវាកម្មធានារ៉ាប់រង១ឆ្នាំ និង២ឆ្នាំ ផ្តល់ជូនអតិថិជនផងដែរ ដែលធានាលើការក្រឡាប់ ដើមឈើរលំលើ ឆេះ ភ្លើងឆេះព្រៃ និងការបាត់បង់ជាដើម ។
អ្នកតំណាងក្រុមហ៊ុនបានបញ្ជាក់ថា ពេលកសិករទិញត្រាក់ទ័រ JOHN DEERE ពីក្រុមហ៊ុន RMA រួចហើយ បើមានបញ្ហាត្រង់ណាមិនយល់ ឬមិនទាន់ចេះបើក ក្រុមហ៊ុនមានអ្នកជួយបង្រៀនឱ្យចេះបើក និងអាចសាកសួរតាមទូរស័ព្ទ២៤ម៉ោង ហើយបើខូចខាតក្រុមហ៊ុនមានសេវាកម្មជួសជុលបម្រើជូនអតិថិជនរយៈពេល២ឆ្នាំ ដោយមិនគិតកម្រៃ ។ លើសពីនេះ ក្រុមហ៊ុនមានសេវាកម្មបង់រំលស់បើសិនជាកសិករណាដែលមិនមានលុយគ្រប់គ្រាន់សម្រាប់ទិញត្រាក់ទ័រមួយដែលមានតម្លៃ២២.០០០ដុល្លារ ។ ការបង់រំលស់នោះ គឺបង់តែពាក់កណ្តាលប៉ុណ្ណោះក្នុងដំណាក់កាលដំបូង គឺបង់១១.០០០ដុល្លារ នៅសល់ពាក់កណ្តាលទៀតអាចបង់ប្រចាំខែ គឺបង់១.០៤០ដុល្លារ សម្រាប់រយៈពេល១២ខែ និង៥៩០ដុល្លារ សម្រាប់រយៈពេល២៤ខែ ។ ផ្សេងពីនោះបើកសិករចង់បង់តាមរដូវកាលក៏បានដែរមានន័យថា បើខែណាកសិកររកប្រាក់ចំណូលបានច្រើនបង់រំលស់ច្រើន បើខែណារកបានតិចបង់តិច និងខែខ្លះរកមិនបានមិនបាច់បង់ក៏បានដែរ ។
ពិធីបង្ហាញនេះ មានការបើកត្រាក់ទ័រភ្ជួរស្រែឱ្យកសិករបានមើលឃើញដោយផ្ទាល់ភ្នែក ដើម្បីបង្ហាញអំពីសមត្ថភាពគុណភាពរបស់ត្រាក់ទ័រដែលមានកម្លាំង៤៥សេះ ឱ្យកសិករមើលថា តើកម្លាំងរបស់វាខ្លាំងប៉ុនណា ហើយនិងមានផ្តល់ជាបាយកញ្ចប់សម្រាប់អាហារថ្ងៃត្រង់ចំពោះអ្នកដែលបានចូលរួមនៅក្នុងឱកាសនោះដែរ ។ត្រាក់ទ័រ JOHN DEERE គឺជាត្រាក់ទ័រល្បីល្បាញមួយរបស់ប្រទេសអាមេរិក ដោយមានអាយុកាលតាំងពី១៧៥ឆ្នាំកន្លងមកហើយ ៕
ចែករំលែកព័តមាននេះ