រាជធានីភ្នំពេញ ៖ រថយន្តនីស្សាន់ឌីស្សែលមួយគ្រឿងជាប្រភេទរថយន្តធុនធំ បានបើកចុះចំណោតផ្លូវចូលវត្តដំបូកខ្ពស់ ហើយជ្រុលលឿនទៅបុករថយន្តកាមរីឆ្លាមមួយគ្រឿងខណៈបត់កាត់មុខរថយន្តធុនធំខាងលើ ហើយរថយន្តធំនោះក៏ជ្រុលទៅ បុករថយន្តតាក់ស៊ីម៉ែត្រមួយគ្រឿងទៀតដែលបើកបញ្ច្រាសផ្លូវ ។ ក្នុងហេតុការណ៍នេះមិនបណ្តាលឱ្យមនុស្សគ្រោះថ្នាក់ទេ តែរថយន្ត
រាជធានីភ្នំពេញ ៖ រថយន្តនីស្សាន់ឌីស្សែលមួយគ្រឿងជាប្រភេទរថយន្តធុនធំ បានបើកចុះចំណោតផ្លូវចូលវត្តដំបូកខ្ពស់ ហើយជ្រុលលឿនទៅបុករថយន្តកាមរីឆ្លាមមួយគ្រឿងខណៈបត់កាត់មុខរថយន្តធុនធំខាងលើ ហើយរថយន្តធំនោះក៏ជ្រុលទៅ បុករថយន្តតាក់ស៊ីម៉ែត្រមួយគ្រឿងទៀតដែលបើកបញ្ច្រាសផ្លូវ ។ ក្នុងហេតុការណ៍នេះមិនបណ្តាលឱ្យមនុស្សគ្រោះថ្នាក់ទេ តែរថយន្តខូចខាតយ៉ាងដំណំរៀងខ្លួន ដំណោះស្រាយគឺរថយន្តធុនធំសងទៅកាមរីឆ្លាមឯតាក់ស៊ីម៉ែត្រសងមករថយន្តធំវិញ ព្រោះបើកក្នុងចំណែកផ្លូវគេ ។ ឧប្បត្តិហេតុបុករះនេះកើតឡើងកាលពីវេលាម៉ោង៧និង៣០នាទី ព្រឹកថ្ងៃទី១៤ កញ្ញា ក្នុងសង្កាត់បឹងទំពន់ ខណ្ឌមានជ័យ ។
តាមប្រភពព័ត៌មានទាក់ទិននឹងហេតុការណ៍គ្រោះថ្នាក់ចរាចរណ៍ខាងលើនេះបានឱ្យដឹងថា មុនពេលកើតហេតុរថយន្តនីស្សាន់ឌីស្សែលពណ៌េត្រអីមួយគ្រឿងបានបើកចុះពីចំណោតផ្លូវ២៧១តាមផ្លូវច្រកចូលវត្តដំបូកខ្ពស់ ក្នុងទិសដៅពីជើងទៅត្បូងបានបុករថយន្តកាមរីឆ្លាមដែលបើកបរបញ្ច្រាសទិសគ្នា ខណៈពេលបត់ឆ្វេងកាត់មុខរថយន្តម៉ាកនីស្សាន់ស្សែលនោះ បណ្តាលឱ្យក្រពឹតគូទអស់មួយជ្រុងខាងស្តាំ ។ ខណៈនោះរថយន្ត ម៉ាកនីស្សាន់ឌីស្សែលមិនទាន់អស់ល្បឿន ក៏ជ្រុលទៅបុកជាមួយរថយន្តតាក់ស៊ីម៉ែត្រមួយគ្រឿងទៀតចំពីមុខពេញទំហឹង បណ្តាលឱ្យរថយន្តតាក់ស៊ីម៉ែត្ររងការខូចខាតយ៉ាងដំណំ ។
ក្រោយហេតុការណ៍ សមត្ថកិច្ចនគរបាលបានចុះវាស់វែងកន្លែងកើតហេតុ ហើយបានទុកឱកាសឱ្យភាគីម្ចាស់រថយន្តពាក់ព័ន្ធខាងលើចរចា គ្នាសងថ្លៃខូចខាតទៅវិញទៅមក ។ ពេលនោះតំណាងរថយន្តនីស្សាន់ឌីស្សែល បានចេញសងថ្លៃខូចខាតទៅរថយន្តកាមរីឆ្លាម២០០ដុល្លារ ។ ដោយឡែករថយន្តតាក់ស៊ីម៉ែត្របានចេញប្រាក់សងថ្លៃខូចខាតមករថយន្តធុនធំចំនួន១០០ដុល្លារ ដោយសារតែ មូលហេតុរថយន្តតាក់ស៊ីម៉ែត្រនោះបើកបរមិនប្រកាន់ស្តាំចូលចំណែកផ្លូវរថ យន្តធុនធំ ។
ក្នុងហេតុការណ៍ខាងលើនេះ ក៏មានរថយន្តកូរ៉ូឡាពណ៌ក្រហមមួយគ្រឿងទៀត ដែលបើក បញ្ច្រាសគ្នាជាមួយរថយន្តនីស្សាន់ឌីស្សែល ប៉ះបណ្តាលឱ្យរងការខូចខាតតិចតួចតែម្ចាស់រថយន្តកូរ៉ូឡាខ្ចិលវែងឆ្ងាយ ក៏បើកបរបង្ហួសទៅបាត់ ។ពេលកំពុងដោះស្រាយគ្នាស្រាប់តែមានម៉ូតូសេ១២៥ស៊េរី២០០៧មួយគ្រឿងបានបើកបោះពួយយ៉ាងប្រញាប់ក៏ជ្រុលទៅប៉ះជាមួយរថយន្តដឹកខ្សាច់មួយគ្រឿងទៀតបណ្តាលឱ្យដួលនៅ ខាងក្រោយរថយន្តតាក់ស៊ីម៉ែត្រនោះប៉ុន្តែម្ចាស់ឡានដឹកខ្សាច់ខ្ចិលវែងឆ្ងាយក៏យល់ព្រមសងទៅអ្នកបើកម៉ូតូចំនួន១៥០ដុល្លារ រួចក៏ចែកផ្លូវគ្នារៀងខ្លួន ៕
ចែករំលែកព័តមាននេះ