AFP ផ្សាយថា ស៊ូស ជាឆ្កែយក្សពូជហ្គ្រេតដេនមានកម្ពស់ប្រហែល១,១២ម៉ែត្រ និងអាចឡើងដល់២,២ម៉ែត្រនៅពេលឈរជើងទាំង២ខាងក្រោយបានជាប់ឈ្មោះក្នុងសៀវភៅគីនណេសប៊ុក អហ្វវើល រីខត ប្រចាំឆ្នាំ២០១៣ ថា ជាឆ្កែខ្ពស់បំផុតនៅក្នុងប្រវត្តិសាស្ត្រ ។នៅក្នុងកំណត់ហេតុឯតទគ្គកម្មពិភពលោកច្បាប់ទី៥៧បញ្ជាក់ថា ឆ្កែស៊ូសពូជយក្សនៅរដ្ឋមីស៊ីហ្គេន អាយុ៣ឆ្នាំ នោះ
AFP ផ្សាយថា ស៊ូស ជាឆ្កែយក្សពូជហ្គ្រេតដេនមានកម្ពស់ប្រហែល១,១២ម៉ែត្រ និងអាចឡើងដល់២,២ម៉ែត្រនៅពេលឈរជើងទាំង២ខាងក្រោយបានជាប់ឈ្មោះក្នុងសៀវភៅគីនណេសប៊ុក អហ្វវើល រីខត ប្រចាំឆ្នាំ២០១៣ ថា ជាឆ្កែខ្ពស់បំផុតនៅក្នុងប្រវត្តិសាស្ត្រ ។នៅក្នុងកំណត់ហេតុឯតទគ្គកម្មពិភពលោកច្បាប់ទី៥៧បញ្ជាក់ថា ឆ្កែស៊ូសពូជយក្សនៅរដ្ឋមីស៊ីហ្គេន អាយុ៣ឆ្នាំ នោះ មានទម្ងន់៧០,៣គីឡូក្រាម ។
សៀវភៅគីណេសប៊ុកអហ្វវើល រីខត ២០១៣ បញ្ជាក់ថា កម្ពស់១,១២ម៉ែត្ររបស់ស៊ូស បានបំបែកឯតទគ្គកម្មចាស់របស់ឆ្កែចៃអេន ចច ពូជហ្គ្រេតដេន ដូចគ្នាដោយទាបជាង១អុិញ ។អ្នកស្រី ដេនីស ឌ័រឡេក ម្ចាស់ឆ្កែយក្សនោះរៀបរាប់ថា នៅពេលមនុស្សជាច្រើននាក់បានឃើញឆ្កែរបស់គាត់តែងតែសួរថា តើនេះជាឆ្កែ ឬ សេះ?
គីនណេសប៊ុក អហ្វវើល រីខត បានបោះពុម្ព ជាលើកដំបូងក្នុងឆ្នាំ១៩៥៥ និងលក់បានច្រើនជាង១២០លានក្បាលដោយមានប្រហែល២២ភាសា ក្នុងចំណោមជាង១០០ប្រទេស នៅលើពិភពលោក ។ សម្រាប់សៀវភៅចុងក្រោយនេះបានផ្សាយឱ្យដឹងពីឯតទគ្គកម្មលើពិភពលោកជាច្រើនប្រភេទរួមមាន សត្វលាខ្ពស់បំផុតនៅលើលោកស្រ្តីទាបបំផុតនៅលើលោក និងទោចក្រយានមានទម្ងន់ធ្ងន់បំផុតនៅលើលោកជាដើម ៕
ចែករំលែកព័តមាននេះ