រាជធានីភ្នំពេញ ៖ រថយន្តស៊ីណា (Cina) ពណ៌ទឹកប្រាក់ អ្នកបើកស្រវឹងជោកជ្រែចូលចន្លោះកណ្តាលរថយន្ត២គ្រឿងទៀត បណ្តាលឱ្យបុកបែកកង់រថយន្តមួយគ្រឿង រួចព្យាយាមបើករត់គេចត្រូវលោកអធិការរងខណ្ឌ៧មករា ដេញតាមស្ទាក់ជាប់ បែរជាអ្នកជិះនាំគ្នាបើកទ្វារចុះចាក់សោរថយន្តចូលទៅច្រៀងខារ៉ាអូខេ ហើយគំរាមមិនឱ្យស្ទូចរថយន្តរបស់គេទៀត ។
រាជធានីភ្នំពេញ ៖ រថយន្តស៊ីណា (Cina) ពណ៌ទឹកប្រាក់ អ្នកបើកស្រវឹងជោកជ្រែចូលចន្លោះកណ្តាលរថយន្ត២គ្រឿងទៀត បណ្តាលឱ្យបុកបែកកង់រថយន្តមួយគ្រឿង រួចព្យាយាមបើករត់គេចត្រូវលោកអធិការរងខណ្ឌ៧មករា ដេញតាមស្ទាក់ជាប់ បែរជាអ្នកជិះនាំគ្នាបើកទ្វារចុះចាក់សោរថយន្តចូលទៅច្រៀងខារ៉ាអូខេ ហើយគំរាមមិនឱ្យស្ទូចរថយន្តរបស់គេទៀត ។
ហេតុការណ៍នេះកើតឡើងកាលពីវេលាម៉ោង១០និង៤០នាទីយប់ថ្ងៃទី១៣ កញ្ញា ២០១២ ត្រង់ចំណុចស្តុបផ្សារដេប៉ូ តាមផ្លូវលេខ១៨២ កែងវិថីនេហ៍រុ ក្នុងសង្កាត់វាលវង់ ខណ្ឌ៧មករា ។
រថយន្តស៊ីណា ពណ៌ទឹកប្រាក់ ជិះគ្នា៤នាក់ សុទ្ធតែស្រវឹងជោកជាំបើកតាមផ្លូវលេខ១៨២ ក្នុងទិសដៅពីលិចទៅកើត ចំណែករថយន្តកាមរីគូទស្វិត ពណ៌កណ្តុរប្រមេះ ជិះគ្នា៥នាក់ ឪពុក និងកូនបើកពីកើតទៅលិចក្នុងទិសដៅបញ្ច្រាសទិសគ្នា ស្របពេលនោះមានរថយន្តកូរ៉ូឡា មួយគ្រឿងទៀតបើកទន្ទឹមនឹងរថយន្តកាមរីគូទស្វិតដែរ ខណៈមកដល់ចំណុចខាងលើស្រាប់តែរថយន្តស៊ីណាបើកជ្រែចូលចន្លោះកណ្តាលរថយន្តទាំង២គ្រឿងក៏ជ្រុលទៅបុកបែកកង់រថយន្តកាមរីស្វិត រួចព្យាយាមបើករត់ ។
ក្នុងហេតុការណ៍បុកគ្នានោះលោកអធិការរងខណ្ឌ៧មករាបើក រថយន្តមកដល់ឃើញក៏បានដេញតាមរថយន្តបង្ក និងស្រែកតាមវិទ្យុទាក់ទងឱ្យប៉ូលិសតាមគោលដៅជួយស្ទាក់បន្ថែមទៀត ។ ពេលដេញតាមដល់ប៉ុស្តិ៍២៤ម៉ោងនៅរង្វង់មូលនាងគង្ហីង លោកអធិការរងបានកាក់រថយន្តនោះជាប់ ស្រាប់តែអ្នកជិះនាំគ្នាចុះពីលើរថយន្តចាក់សោរថយន្តជាប់រួចនិយាយថា «លោកឯងមិនចេះមើលស្លាកលេខរថយន្តរបស់គេទេ បានជាហ៊ានកាក់រថយន្តរបស់គេបែបនេះ» ហើយបានឈ្លោះប្រកែកជាមួយសមត្ថកិច្ច រួចនាំគ្នាដើរចូលទៅច្រៀងខារ៉ាអូខេ នៅខាងក្រោយវិទ្យាល័យបាក់ទូក និងបានគំរាមថា មិនត្រូវស្ទូចរថយន្តរបស់គេយកទៅទេ ប៉ុន្តែសមត្ថកិច្ចនៅតែស្ទូច។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ