កីឡាករលុក ម៉េកខាលឡាស ខ្សែការពារយុវជនអាយុក្រោម២១ឆ្នាំ (U21)របស់ក្លិប Man Utd ត្រូវប៉ូលិសចាប់ខ្លួនបញ្ជូនទៅប៉ុស្តិ៍ពីបទព្យាយាមរួមរ័កជាមួយនារីសក់ទង់ដែងម្នាក់នៅបរិវេណមុខខ្លោងទ្វារចូលក្លិបកម្សាន្តមួយ ក្នុងទីក្រុងលីវើភូល ។រឿងអាស្រូវខាងលើបានកើតឡើងនៅឯក្លិបកម្សាន្តមួយក្នុងទីក្រុងលីវើភូល កាលពីសប្តាហ៍មុន ដោយមានកាមេរ៉ាសុវត្ថិភាពចាប់បានរូបភាពខ្សែការពារអាយុ១៨ឆ្នាំ ក្នុងក្លិបយុវជន Man Utd រដូវកាល២០១១-២០១២ កំពុងព្យាយាមធ្វើការបបោសអង្អែលនារីម្នាក់នៅបរិវេណទ្វារចូលក្លិបកម្សាន្តខាងលើ ដោយចាត់ទុកថាជាទង្វើមិនសមរម្យនៅទីសាធារណៈ ។
ប៉ូលិសម្នាក់បានបញ្ជាក់ថា ពួកគេទាំងពីរនាក់កំពុងដំណើរការបបោសអង្អែលគ្នាក្នុងស្ថានភាពរបូតសម្លៀកបំពាក់ផ្នែកខាងលើ និងនៅពេលឃើញប៉ូលិសធ្វើដំណើរទៅពួកគេក៏ប្រញាប់ប្រញាល់ចាកចេញពីទីនោះ ប៉ុន្តែក្រោយពីចាកចេញបានបន្តិច ពួកគេចាប់ផ្តើមមានសិចជាថ្មី ធ្វើឱ្យប៉ូលិសខឹងក៏ចូលទៅចាប់ខ្លួនទាំងពីរនាក់តែម្តង ។
កីឡាករមេកខាលឡាស ប្រធានក្រុមជម្រើសជាតិអៀរឡង់ ក្នុងក្រុមយុវជនអាយុក្រោម២១ឆ្នាំ ត្រូវបញ្ជូនខ្លួនទៅអប់រំនៅប៉ុស្តិ៍ប៉ូលិសអស់រយៈពេលជាច្រើនម៉ោង មុនពេលអនុញ្ញាតឱ្យត្រឡប់ទៅផ្ទះវិញ ចំណែកនារីខាងលើប៉ូលិសគ្រាន់តែធ្វើការដាស់តឿនឱ្យឈប់ធ្វើបែបនេះទៀត ។
គួរបញ្ជាក់ថា ព័ត៌មានខាងលើធ្វើឱ្យលោកអាឡិចហ្វើគូសុន មានការខឹងសម្បា ព្រោះកីឡាករមេកខាលឡាស ជាបេក្ខជនដែលលោកលើកតម្កើងដោយសារមានថ្វីជើងល្អដូចកីឡាករចននី អីុវ៉េន ខ្សែការពាររៀមច្បងជនជាតិអៀរឡង់ និងមានទិសដៅជំរុញឱ្យក្លាយជាកីឡាករចម្រុះរបស់ក្លិបក្នុងពេលអនាគត ប៉ុន្តែចុងក្រោយនេះបានបង្កើតរឿងអាស្រូវធ្វើឱ្យខូចកេរិ៍្តឈ្មោះខ្លួនឯងនៅទីសាធារណៈ៕
ចែករំលែកព័តមាននេះ