Mark Cavendishបានធ្វើឱ្យប្រិយមិត្តអ្នកគាំទ្រក្នុងស្រុកមានក្តីសប្បាយរីករាយជាខ្លាំងបន្ទាប់ពីរូបគេបានយកឈ្នះដំណាក់ទី៣ប្រណាំងកង់ Tour of Britainឆ្នាំ២០១២កាលពីថ្ងៃអង្គារទី១១កញ្ញាម្សិលមិញ ។ ការប្រណាំងដំណាក់ដែលមានចម្ងាយផ្លូវ ១៥២,៦គីឡូម៉ែត្រនេះត្រូវបានបញ្ចប់នៅទីក្រុង Dumfriesចក្រភពអង់គ្លេស ។
Mark Cavendishបានធ្វើឱ្យប្រិយមិត្តអ្នកគាំទ្រក្នុងស្រុកមានក្តីសប្បាយរីករាយជាខ្លាំងបន្ទាប់ពីរូបគេបានយកឈ្នះដំណាក់ទី៣ប្រណាំងកង់ Tour of Britainឆ្នាំ២០១២កាលពីថ្ងៃអង្គារទី១១កញ្ញាម្សិលមិញ ។ ការប្រណាំងដំណាក់ដែលមានចម្ងាយផ្លូវ ១៥២,៦គីឡូម៉ែត្រនេះត្រូវបានបញ្ចប់នៅទីក្រុង Dumfriesចក្រភពអង់គ្លេស ។
Cavendishដែលជាអ្នកជិះកង់ឱ្យក្រុម Sky Procycling បានឆ្លងកាត់គំនូសព្រ័ត្រនៃដំណាក់ដែលចេញដំណើរពីទីក្រុង Jedburghឆ្ពោះទៅកាន់ទីក្រុង Dumfriesដោយប្រើអស់ថិរវេលា ៣ម៉ោង ៥៤នាទីនិង ៣០វិនាទី យកឈ្នះកីឡាករអូស្ត្រាលី Leigh Howardដែលបាននាំមុខកាលពីដំណាក់ទី២ ។ Howardជិះឱ្យក្រុម Orica – GreenEdge Cycling Teamបានប្រើថិរវេលាច្រើនជាងស្មើជាមួយកីឡាករលីទុយអានី Aidis Kruopisរបស់ក្រុម Orica- GreenEdge Cycling Team ។
ថ្លែងបន្ទាប់ពីទទួលបានជ័យជម្នះ Cavendishបានបញ្ជាក់ថា៖«ខ្ញុំសប្បាយចិត្តខ្លាំងណាស់ ។ ខ្ញុំដឹងថា ការបញ្ចប់នៃផ្លូវប្រណាំងគឺចុះទួល ប៉ុន្តែខ្ញុំនៅតែអាចធ្វើបានយ៉ាងល្អបំផុត ។ កាលពីម្សិលមិញ យើងបានធ្វើរឿងរ៉ាវប្លែក២-៣ ប៉ុន្តែ វាមិនដំណើរការទេ ។ ដូច្នេះ ការប្រណាំងក្នុងថ្ងៃនេះ ប្រធានក្រុមយើងបានប្រាប់ឱ្យប្រើបច្ចេកទេសធម្មតា »។
នៅលើតារាងថិរវេលាសរុបវិញ បើទោះណា Cavendishបានយកឈ្នះដំណាក់នេះក៏ដោយចុះ ប៉ុន្តែរូបគេនៅមិនទាន់អាចមានលទ្ធភាពនាំមុខគេនៅឡើយទេដ្បិត កីឡាករ Leigh Howardដែលបញ្ចប់ដំណាក់ក្នុងលំដាប់ទី២សន្សំពេលវេលាបានល្អជាងនិងស្ថិតនៅជាអ្នកនាំមុខ ។
បន្ទាប់ពីបញ្ចប់ការប្រណាំងអស់៣ដំណាក់មកនេះ Howardប្រើអស់ថិរវេលាសរុប ១៣ម៉ោង ១៦នាទីនិង ២៨វិនាទី ។ ចំណែក Cavendishស្ថិតនៅលំដាប់ទី២ខណៈកីឡាករVan Poppelស្ថិតនៅលំដាប់ទី៣បន្ទាប់ពីប្រើថិរវេលាច្រើនជាង Howard ៤វិនាទី ។សូមបញ្ជាក់ថា ព្រឹត្តិការណ៍ប្រណាំងកង់ Tour of Britainឆ្នាំ២០១២នេះមាន៨ដំណាក់លើចម្ងាយផ្លូវសរុប ១៣៤៩,៦គីឡូម៉ែត្រ ។ ដោយឡែក ការប្រណាំងដំណាក់ទី៤ដែលមានចម្ងាយផ្លូវ ១៥៦គីឡូម៉ែត្រនឹងចេញដំណើរពីទីក្រុងCarlisleឆ្ពោះទៅកាន់ទីក្រុង Blackpoolចក្រភពអង់គ្លេស ៕
ចែករំលែកព័តមាននេះ