រាជធានីភ្នំពេញ ៖ បុរសម្នាក់ត្រូវសន្តិសុខយាមឃាត់ខ្លួនប្រគល់ឱ្យប៉ូលិសប៉ុស្តិ៍វត្តភ្នំ ខណៈពេលធ្វើសកម្មភាពវាយបំបែកកញ្ចក់ទ្វារប៉ុនប៉ងលួចយករ៉ឺម៉កម៉ូតូនៅខាងក្នុងហាង កាលពីវេលាម៉ោង១០យប់ថ្ងៃទី១១ កញ្ញា ចំណុចហាងដាក់តាំងលក់រ៉ឺម៉កម៉ូតូ អតីតភោជនីយដ្ឋានឆ្នេរទន្លេ តាមវិថីព្រះស៊ីសុវត្ថិ ក្នុងសង្កាត់វត្តភ្នំ ខណ្ឌដូនពេញ។
រាជធានីភ្នំពេញ ៖ បុរសម្នាក់ត្រូវសន្តិសុខយាមឃាត់ខ្លួនប្រគល់ឱ្យប៉ូលិសប៉ុស្តិ៍វត្តភ្នំ ខណៈពេលធ្វើសកម្មភាពវាយបំបែកកញ្ចក់ទ្វារប៉ុនប៉ងលួចយករ៉ឺម៉កម៉ូតូនៅខាងក្នុងហាង កាលពីវេលាម៉ោង១០យប់ថ្ងៃទី១១ កញ្ញា ចំណុចហាងដាក់តាំងលក់រ៉ឺម៉កម៉ូតូ អតីតភោជនីយដ្ឋានឆ្នេរទន្លេ តាមវិថីព្រះស៊ីសុវត្ថិ ក្នុងសង្កាត់វត្តភ្នំ ខណ្ឌដូនពេញ។
ប្រភពព័ត៌មានពីសន្តិសុខយាមឱ្យដឹងថា ពេលដែលរូបគេកំពុងយាមល្បាតការពារហាងដាក់តាំងលក់រ៉ឺម៉កម៉ូតូ ស្រាប់តែមានបុរសម្នាក់អាយុប្រមាណជាង៤០ឆ្នាំ បានមកលឹបលនៅខាងក្រោយហាងតាំងពីម៉ោង៧យប់ រហូតដល់ម៉ោង១០និង១០នាទីយប់ ក៏ធ្វើសកម្មភាពវាយបំបែកទ្វារកញ្ចក់តែម្តង ។ ពេលនោះរូបគេយាមនៅខាងមុខ ឮសំឡេងវាយកញ្ចក់បែបនេះមិនហ៊ានចូលទៅឃាត់ទេ បានរត់ទៅប្រាប់ប្រធានឱ្យមកជួយ ទើបធ្វើការឃាត់ខ្លួនបុរសម្នាក់នោះប្រគល់ទៅឱ្យប៉ូលិសប៉ុស្តិ៍វត្តភ្នំ។
បុរសដែលជាជនសង្ស័យនោះបានប្រាប់ថា ខ្លួនឈ្មោះរិទ្ធិ អាយុជាង៤០ឆ្នាំ បន្ទាប់ពីឃាត់ខ្លួនបាននិយាយធ្វើដូចជាមនុស្សមិនគ្រប់លក្ខណៈ ហើយថែមទាំងប្រាប់ថា មូលហេតុដែលគាត់មកវាយទ្វារកញ្ចក់នេះ បំណងលួចយករ៉ឺម៉កម៉ូតូទៅដោះស្រាយជីវភាពប្រចាំថ្ងៃ៕
ចែករំលែកព័តមាននេះ