ខេត្តកំពត ៖ រថយន្តប៉ែនដឹកខ្សាច់មួយគ្រឿងបានផ្ទុះកង់ក្រឡាប់ផ្ងារជើងតែមិនបណ្តាលឱ្យមនុស្សណាម្នាក់រងរបួសទេ កាលពីវេលាម៉ោង៨ព្រឹកថ្ងៃទី១១ កញ្ញា ២០១២នៅលើដងផ្លូវជាតិលេខ៣ កំពតត្រពាំងរពៅ ត្រង់ចំណុចភូមិរលួស ឃុំបឹងទូក ស្រុកទឹកឈូ ។
ប៉ូលិសឃុំបឹងទូកបាននិយាយថា សំឡេងផ្ទុះកង់ឡាននោះគេស្មានតែផ្ទុះគ្រាប់បែកដៃធ្វើឱ្យមនុស្សម្នាចេញអើតមើលព្រាត ប៉ុន្តែមួយសន្ទុះក្រោយមកទើបគេដឹងថា
ខេត្តកំពត ៖ រថយន្តប៉ែនដឹកខ្សាច់មួយគ្រឿងបានផ្ទុះកង់ក្រឡាប់ផ្ងារជើងតែមិនបណ្តាលឱ្យមនុស្សណាម្នាក់រងរបួសទេ កាលពីវេលាម៉ោង៨ព្រឹកថ្ងៃទី១១ កញ្ញា ២០១២នៅលើដងផ្លូវជាតិលេខ៣ កំពតត្រពាំងរពៅ ត្រង់ចំណុចភូមិរលួស ឃុំបឹងទូក ស្រុកទឹកឈូ ។
ប៉ូលិសឃុំបឹងទូកបាននិយាយថា សំឡេងផ្ទុះកង់ឡាននោះគេស្មានតែផ្ទុះគ្រាប់បែកដៃធ្វើឱ្យមនុស្សម្នាចេញអើតមើលព្រាត ប៉ុន្តែមួយសន្ទុះក្រោយមកទើបគេដឹងថា សំឡេងផ្ទុះទាំងព្រឹកនោះគឺជាសំឡេងផ្ទុះកង់ឡានប៉ែនដឹកខ្សាច់ ហើយពេលផ្ទុះភ្លាមរថយន្តត្រូវបានក្រឡាប់ទៅលើដងផ្លូវជាតិ តែមិនបង្កឱ្យអ្នកធ្វើដំណើរតាមដងផ្លូវរងគ្រោះថ្នាក់ទេ ។ ប្រភពដដែលបន្តថា អ្នកបើកបរឈ្មោះទូច វុទ្ធា អាយុ៤២ឆ្នាំ មានទីលំនៅភូមិកែបថ្មី ឃុំបឹងទូក និងព្រូឡានម្នាក់ដែលគេចផុតពីគ្រោះថ្នាក់នោះនិយាយថា គេមិនបានដឹងថា រថយន្តដឹកខ្សាច់នេះផ្ទុះកង់ក្រោយខាងស្តាំ បណ្តាលមកពីការដឹកលើសចំណុះ ឬក៏ បើកបរលឿនពេកក៏មិនដឹង តែអ្នកបើកបររថយន្តឈ្មោះទូច វុទ្ធា និយាយថា ខ្លួនកំពុងតែបើកបរពីកើតទៅលិចស្រាប់តែរថយន្តផ្ទុះកង់ជាន់ហ្វ្រាំងមិនជាប់ក៏ក្រឡាប់ផ្ងារជើងតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ