ខេត្តបាត់ដំបង ៖ បន្ទាប់ពីបើកធ្វើការប្រកួតកាលពីថ្ងៃទី៦ កញ្ញា មក ការប្រកួតបាល់ទាត់តាមដងផ្លូវស្មាត២០១២ ដែលរៀបចំឡើងដោយអង្គការសលត៍ (SALT) និងឧបត្ថម្ភដោយក្រុមហ៊ុន Smart Mobile បានប្រារព្ធពិធីបិទកាលពីល្ងាចថ្ងៃទី៩ កញ្ញា កន្លងទៅនៅទីលានផ្លូវសាធារណៈរង្វង់មូលនាគបា.ញ់ទឹកក្រុងបាត់ដំបង ។ ក្រុមកីឡាបាល់ទាត់ដែលចូលរួមមានចំនួន៩២ក្រុមមកពីតាម
ខេត្តបាត់ដំបង ៖ បន្ទាប់ពីបើកធ្វើការប្រកួតកាលពីថ្ងៃទី៦ កញ្ញា មក ការប្រកួតបាល់ទាត់តាមដងផ្លូវស្មាត២០១២ ដែលរៀបចំឡើងដោយអង្គការសលត៍ (SALT) និងឧបត្ថម្ភដោយក្រុមហ៊ុន Smart Mobile បានប្រារព្ធពិធីបិទកាលពីល្ងាចថ្ងៃទី៩ កញ្ញា កន្លងទៅនៅទីលានផ្លូវសាធារណៈរង្វង់មូលនាគបាញ់ទឹកក្រុងបាត់ដំបង ។ ក្រុមកីឡាបាល់ទាត់ដែលចូលរួមមានចំនួន៩២ក្រុមមកពីតាមអង្គការ និងមហាជនសរុបមានកីឡាករជាង១ពាន់នាក់ដែលមកពីខេត្តសៀមរាប បន្ទាយមានជ័យ ប៉ៃលិន បាត់ដំបង និងរាជធានីភ្នំពេញ និងមានអាយុចាប់ពី១១ឆ្នាំដល់១៦ឆ្នាំ ។
ចូលរួមក្នុងពិធីបិទការប្រកួតនោះមានលោក ថុក ប៊ុនធឿន អនុប្រធានមន្ទីរអប់រំ យុវជន និងកីឡាខេត្ត លោកវរសេនីយ៍ទោ អ៊ុក សារិន តំណាងកងរាជអាវុធហត្ថខេត្ត លោកវរសេនីយ៍ទោ ខៀវ ភីរុណ មេបញ្ជាការរងកងទ័ពអាកាសទិសបាត់ដំបង លោកកាយ វុទ្ធី អធិការរងនគរបាលក្រុងបាត់ដំបង និងលោកឃឹម ចន្ទ្រា តំណាងក្រុមហ៊ុន Smart Mobile ។ លោក Samuel schweingruber នាយកអង្គការសលត៍បញ្ជាក់ថា កម្មវិធីបាល់ទាត់នេះត្រូវបានរៀបចំបង្កើតឡើងមានរយៈពេល៦ឆ្នាំមកហើយ ក្នុងគោលបំណងឱ្យយុវជន កុមារា កុមារី គ្មានទីពឹងក្រីក្រដើរគ្មានទិសដៅ គ្មានការងារធ្វើ និងគេចចេញពីការប្រើប្រាស់គ្រឿងញៀន ឱ្យមកទទួលការហ្វឹកហាត់កីឡារួមគ្នាយ៉ាងច្រើនកុះករ ។
លោកក៏សូមថ្លែងអំណរគុណដល់អាជ្ញាធរខេត្តគ្រប់លំដាប់ថ្នាក់ ដែលបានជួយសម្របសម្រួលបង្កលក្ខណៈឱ្យកម្មវិធីនេះដំណើរការបានល្អប្រសើរ និងសំខាន់ក្រុមហ៊ុន Smart Mobile ដែលជួយឧបត្ថម្ភទាំងស្រុងក្នុងការចំណាយផ្សេងៗ ទើបមានដំណើរការល្អមកទល់ពេលនេះ ។ លោកថុក ប៊ុនធឿន មានមតិថា ក្នុងនាមតំណាងឱ្យអាជ្ញាធរទាំងមូលសូមធ្វើការកោតសរសើរអង្គការសលត៍ដែលមានគំនិតផ្តួចផ្តើមឱ្យមានកីឡាតាមដងផ្លូវសាធារណៈនេះឡើងក្នុងគោលបំណងផ្សព្វផ្សាយពីអត្ថប្រយោជន៍នៃកីឡាបាល់ទាត់ខ្នាតតូចរួមជាមួយនឹងការអប់រំពីបញ្ហាគ្រឿងញៀន និងអំពើហិង្សាដែលកើតមានឡើងក្នុងសង្គមទៅលើយុវជន ហើយរួមគ្នាជួបទប់ស្កាត់ ។ ម្យ៉ាងទៀតកីឡានេះវាអាចនាំមកនូវទំនាក់ទំនងល្អ មិត្តភាព សាមគ្គីភាព និងទាក់ទាញវិស័យទេសចរណ៍ទៅវិញទៅមកផងដែរ ។
លោកក៏បានផ្តាំផ្ញើដល់យុវវ័យទាំងអស់ឱ្យយកចិត្តទុកដាក់បន្ថែមទៀតលើវិស័យកីឡានេះ ព្រោះមិនត្រឹមតែអាចបញ្ចៀសបញ្ហាចេញពីយើងប៉ុណ្ណោះទេ គឺថែមទាំងនាំយើងទាំងអស់គ្នាឱ្យទៅជួបគ្នាស្គាល់គ្នានៅលើឆាកអន្តរជាតិទៀត ។ ចំពោះលទ្ធផលនៃការប្រកួតមានផ្នែកកុមារា អាយុ១១ឆ្នាំ លេខ១បានទៅលើក្រុមអេដែន, អាយុ១៤ឆ្នាំបានទៅលើក្រុម DCC, អាយុ១៦ឆ្នាំ បានទៅលើក្រុមយេរូសាឡឹម ។ លេខ២ អាយុ១១បានទៅលើក្រុមយេរូសាឡឹម, អាយុ១៤ឆ្នាំ បានទៅលើក្រុម Hope និងអាយុ១៦ឆ្នាំ បានទៅលើក្រុម CFI ។ លេខ៣ អាយុ១១ឆ្នាំ បានទៅលើក្រុម CFI, អាយុ១៦ឆ្នាំ បានទៅលើក្រុម H2E ។ ផ្នែកកុមារី លេខ១ អាយុ១១ឆ្នាំ បានទៅលើក្រុមសាលាខ្សាច់ពោយ, អាយុ១៤ឆ្នាំបានទៅលើក្រុម CFI និងអាយុ១៦ឆ្នាំ បានទៅលើក្រុម សាលាឈើទាល ។
រីឯលេខ២ អាយុ១១ឆ្នាំ បានទៅលើក្រុម Rapha house,អាយុ១៤ឆ្នាំ បានទៅលើក្រុមជ្រៃ និងអាយុ១៦ឆ្នាំ បានទៅក្រុមជ្រៃ ។ លេខ៣ អាយុ១១ឆ្នាំ បានទៅលើក្រុម CFI, អាយុ១៤ឆ្នាំ បានទៅលើក្រុម CFI និងអាយុ១៦ឆ្នាំ បានទៅលើក្រុម H2E ។ ចំពោះកីឡាមហាជនលេខ១ បានទៅលើក្រុម Crown FC, លេខ២ បានទៅលើក្រុម DANA FC និងលេខ៣ បានទៅលើក្រុម Egg King FC ។រាល់ពានរង្វាន់ និងថវិកាទាំងអស់ក្រុមហ៊ុន Smart Mobile ជាអ្នកចំណាយ ព្រមទាំងកម្មវិធីទាំងមូលផងដែរ ៕
ចែករំលែកព័តមាននេះ