កីឡាការិនីអាមេរិកស៊េរីណា វីលៀមបានក្លាយជាអ្នកគ្រប់គ្រងពានជើងឯកក្របខណ្ឌធំដំណាច់រដូវកាល U.S. Openបន្ទាប់ពីបានយកឈ្នះកីឡាការិនីលំដាប់ទី១ពិភពលោកវិចតូរីយ៉ា អាហ្សារេនកាក្នុងវគ្គផ្តាច់ព្រ័ត្រកាលពីថ្ងៃអាទិត្យទី៩កញ្ញាកន្លងមកនេះ។ ការប្រកួតនេះត្រូវបានរៀបចំធ្វើនៅទីលានប្រកួតក្រុងញូវយ៉កសហរដ្ឋអាមេរិក ។
កីឡាការិនីអាមេរិកស៊េរីណា វីលៀមបានក្លាយជាអ្នកគ្រប់គ្រងពានជើងឯកក្របខណ្ឌធំដំណាច់រដូវកាល U.S. Openបន្ទាប់ពីបានយកឈ្នះកីឡាការិនីលំដាប់ទី១ពិភពលោកវិចតូរីយ៉ា អាហ្សារេនកាក្នុងវគ្គផ្តាច់ព្រ័ត្រកាលពីថ្ងៃអាទិត្យទី៩កញ្ញាកន្លងមកនេះ។ ការប្រកួតនេះត្រូវបានរៀបចំធ្វើនៅទីលានប្រកួតក្រុងញូវយ៉កសហរដ្ឋអាមេរិក ។
នៅក្រោមក្រសែភ្នែកទស្សនិកជនដែលជាជនជាតិអាមេរិករាប់ម៉ឺននាក់ នាងស៊េរីណាវាយសម្រុកលើនាងអាហ្សារេនកាជាតិបេឡារុសដោយឥតបង្អង់និងស្ទាក់ស្ទើរដៃឡើយ រហូតទទួលបានជ័យជម្នះបន្ទាប់ពីបញ្ចប់ការប្រកួតដែលចំណាយអស់ពេល២ម៉ោងនិង១៨នាទី។ ជាមួយនឹងពិន្ទុ៦-៣, ២-៦និង៧-៥ធ្វើឲ្យនាងក្លាយជាម្ចាស់ពានក្របខណ្ឌមួយនេះជាលើកទី៤នៅក្នុងអាជីពរបស់ខ្លួន ។ បើគិតពីឆ្នាំ១៩៧៣មក នាងគឺជាកីឡាការិនីអាមេរិកដំបូងគេហើយដែលបានយកឈ្នះពានជើងឯកក្របខណ្ឌធំនៅទីក្រុងញូវយ៉កក្នុងវ័យ៣១ឆ្នាំ ហើយនេះក៏ជាពានលើកទី៤៥នៅក្នុងអាជីពរបស់នាង ផងដែរ ។
កាលពីឆ្នាំ២០១១ ស៊េរីណាដណ្តើមបានត្រឹមចំណាត់ថ្នាក់លេខ២ប៉ុណ្ណោះបន្ទាប់ពីបរាជ័យក្រោមថ្វីដៃកីឡាការិនីអូស្ត្រាលីសាម៉ាន់ថា ស្តូសួ២សិតផ្ទួនៗ ។ ជ័យជម្នះ៣លើកក្នុងក្របខណ្ឌ U.S. Openនេះរបស់នាងគឺនៅឆ្នាំ ១៩៩៩, ២០០២ និង២០០៨ ។
ថ្លែងបន្ទាប់ពីទទួលបានជ័យជម្នះស៊េរីណាបញ្ជាក់ថា៖«នេះជាថ្ងៃដ៏ល្អបំផុតរបស់ខ្ញុំ។ និយាយដោយស្មោះត្រង់ទៅ ខ្ញុំមិនជឿថាខ្លួនឯងឈ្នះនោះទេ ។ នៅមុននេះ ខ្ញុំបានព្រៀងសន្ទរកថាចំណាត់ថ្នាក់លេខ២រួចជាស្រេចហើយ ។ ខ្ញុំពិតជារន្ធត់ខ្លាំងណាស់ ។ វាពិតជាអស្ចារ្យខ្លាំងណាស់ »។
អំឡុងការប្រកួតកាលពីឆ្នាំទៅមិញ គេសង្កេតឃើញនាងស៊េរីណាបានដំឡើងសរសៃ.កដាក់អាជ្ញាកណ្តាលបន្ទាប់ពីទទួលការពិន័យដែលធ្វើឲ្យនាងខាតបង់ពិន្ទុ ។ តែយ៉ាងណាជ័យជម្នះនៅពេលនេះបានធ្វើឱ្យនាងធូរស្រាលក្នុងចិត្តយ៉ាងច្រើន ។ ចំណែកនាងអាហ្សារេនកាដែលទើបតែបានយកឈ្នះពានជើងឯកក្របខណ្ឌ Australian Openកាលពីដើមឆ្នាំបានថ្លែងថា ៖«នាងស៊េរីណាសមនឹងឈ្នះពានជើងឯកនេះ ។ នាងបានបង្ហាញឱ្យឃើញថានាងគឺជាជើងឯកពិតប្រាកដ ។
ខ្ញុំបានប្រឹងប្រែងអស់ពីសមត្ថភាពហើយក្នុងថ្ងៃនេះ ។ ដូច្នេះខ្ញុំគ្មានការសោកស្តាយឡើយ »។សូមមបញ្ជាក់ថា ជ័យជម្នះលើកនេះនាំឲ្យនាងស៊េរីណាទទួលបានទឹកប្រាក់រង្វាន់សុទ្ធចំនួន១លាននិង៩០ម៉ឺនដុល្លារផងដែរខណៈនាងអាហ្សារេនកាទទួលបាន៩៥ម៉ឺនដុល្លារ ៕
ចែករំលែកព័តមាននេះ