ខេត្តបន្ទាយមានជ័យ ៖ នៅវេលាមោ៉ង៩ព្រឹកថ្ងៃទី៩ កញ្ញា ប្រជាពលរដ្ឋរស់នៅក្បែរខ្លោងទ្វារសាលាបឋមសិក្សាប្រហ៊ូត ស្ថិតនៅភូមិអូរអំបិល សង្កាត់អូរអំបិល ក្រុងសិរីសោភ័ណ មានការភ្ញាក់ផ្អើលទាំងព្រលឹងចុងសក់ដោយសារបានឃើញរថយន្តកាម៉ាសសណ្តោងរ៉ឺម៉កដឹកចំណីសត្វទម្ងន់រាប់សិបតោន បានបើកចេញពីផ្លូវលំ ដើម្បីឆ្លងឡើងទៅលើផ្លូវជាតិលេខ៥ ហើយបានដាច់កាឡេ
ខេត្តបន្ទាយមានជ័យ ៖ នៅវេលាមោ៉ង៩ព្រឹកថ្ងៃទី៩ កញ្ញា ប្រជាពលរដ្ឋរស់នៅក្បែរខ្លោងទ្វារសាលាបឋមសិក្សាប្រហ៊ូត ស្ថិតនៅភូមិអូរអំបិល សង្កាត់អូរអំបិល ក្រុងសិរីសោភ័ណ មានការភ្ញាក់ផ្អើលទាំងព្រលឹងចុងសក់ដោយសារបានឃើញរថយន្តកាម៉ាសសណ្តោងរ៉ឺម៉កដឹកចំណីសត្វទម្ងន់រាប់សិបតោន បានបើកចេញពីផ្លូវលំ ដើម្បីឆ្លងឡើងទៅលើផ្លូវជាតិលេខ៥ ហើយបានដាច់កាឡេថយក្រោយវិញទៅបុកខ្លោងទ្វារសាលារៀនបណ្តាលឱ្យបាក់ខូចខាតខ្លោងទ្វារមួយចំហៀង ។ គ្រាដែលរថយន្តមានបញ្ហាដូច្នោះគេសង្កេតឃើញប្រជាពលរដ្ឋរស់នៅក្បែរនោះនាំគ្នារត់ទាំងព្រលឹងចុងសក់ ព្រោះខ្លាចរថយន្តកិន តែសំណាងល្អមិនបណ្តាលឱ្យនរណាម្នាក់ទទួលរងគ្រោះថ្នាក់នោះទេ ។
ទាក់ទិននឹងករណីគ្រោះថ្នាក់ចរាចរណ៍ខាងលើនេះ កោះសន្តិភាពមិនអាចទាក់ទងសុំការបំភ្លឺពីលោកនាយការិយាល័យនគរបាលចរាចរណ៍បានទេ តែចៅសង្កាត់អូរអំបិល លោកឈ ពេជ្រ ឱ្យដឹងថា រថយន្តបង្កជារថយន្តរបស់ក្រុមហ៊ុនដឹកចំណីសត្វ ប៉ុន្តែលោកមិនស្គាល់ឈ្មោះអ្នកបើកបរទេ ។ លោកបញ្ជាក់ថា ករណីនេះខាងក្រុមហ៊ុនបានចេញមុខធានាកសាងខ្លោងទ្វារសាលានោះឡើងវិញ ។
លោកថា គ្រោះថ្នាក់ចារាចរណ៍នៅចំណុចខាងលើ មិនែមនជាលើកទី១ទេ គឺកើតឡើងច្រើនលើកហើយ ប៉ុន្តែលោកនឹងធ្វើការកែសម្រួលផ្លូវនោះឡើងវិញ ដើម្បីបញ្ចៀសកុំឱ្យមានគ្រោះហេតុការគ្រោះថ្នាក់បែបនេះតទៅទៀត ។
គួរបញ្ជាក់ថា នគរបាលការិយាល័យចរាចរណ៍ផ្លូវគោកខេត្ត មានការលាក់លៀមមិនផ្តល់ព័ត៌មានពីករណីគ្រោះថ្នាក់ចរាចរណ៍នេះទេ ៕
ចែករំលែកព័តមាននេះ