កីឡាកររុស្ស៊ី Denis Menchov បានសម្តែងនូវទឹកចិត្តសប្បាយរីករាយជាខ្លាំងបន្ទាប់ពីរូបគេយកឈ្នះការប្រណាំងក្នុងដំណាក់ទី២០កម្មវិធី Tour of Spain នៅប្រទេសអេស្ប៉ាញកាលពីថ្ងៃសៅរ៍ទី៨ខែកញ្ញាកន្លងមកនេះ។ ការប្រណាំងក្នុងដំណាក់ខាងលើត្រូវបានបញ្ចប់នៅទីក្រុង Bola del Mundo ។
កីឡាកររុស្ស៊ី Denis Menchov បានសម្តែងនូវទឹកចិត្តសប្បាយរីករាយជាខ្លាំងបន្ទាប់ពីរូបគេយកឈ្នះការប្រណាំងក្នុងដំណាក់ទី២០កម្មវិធី Tour of Spain នៅប្រទេសអេស្ប៉ាញកាលពីថ្ងៃសៅរ៍ទី៨ខែកញ្ញាកន្លងមកនេះ។ ការប្រណាំងក្នុងដំណាក់ខាងលើត្រូវបានបញ្ចប់នៅទីក្រុង Bola del Mundo ។
Menchovដែលជាអ្នកជិះកង់ឱ្យក្រុម Katusha Teamបានយកឈ្នះដំណាក់ដែលមានចម្ងាយផ្លូវ១៧០.៧គីឡូម៉ែត្រចេញដំណើរពីទីក្រុងLa Faisaneraឆ្ពោះទៅកាន់ទីក្រុងBola del Mundoប្រទេសអេស្ប៉ាញដោយប្រើអស់ថិរវេលា៤ម៉ោង៤៨នាទីនិង៤៨វិនាទីយកឈ្នះកីឡាករអូស្ត្រាលី Richie Porteជិះឱ្យក្រុម Sky Procyclingដែលបានប្រើថិរវេលាច្រើនជាង១៧វិនាទី និងឈ្នះកីឡាករបែលហ្ស៊ិក Kevin De Weertជិះឱ្យក្រុម Omega Pharmaដែលបានប្រើថិរវេលាច្រើនជាង ៤២វិនាទី ។
ថ្លែងបន្ទាប់ពីទទួលបានជ័យជម្នះ Menchovបានបញ្ជាក់ដោយក្តីរីករាយថា៖«នេះគឺជាជ័យជម្នះមុនដំណាក់ផ្តាច់ព្រ័ត្រ។ នៅក្នុងដំណាក់នេះមានការជិះឡើងទីទួលជាច្រើនកន្លែង។ ប៉ុន្តែការខិតខំយ៉ាងអស់ពីសមត្ថភាពរបស់ខ្ញុំបាននាំមកនូវជ័យជម្នះក្នុងពេលនេះ»។ បើទោះជាយ៉ាងណាជ័យជម្នះរបស់គេក្នុងដំណាក់នេះពិតជាមិនទាន់អាចជួយឱ្យរូបគេយកឈ្នះការនាំមុខនៅលើតារាងថិរវេលាសរុបនៅឡើយទេដ្បិតកីឡាករម្ចាស់ផ្ទះអាល់បឺតូ កុងតាឌ័រដែលបានបញ្ចប់ដំណាក់ក្នុងលំដាប់ទី១២នោះនៅតែរក្សាបានការនាំមុខគេនៅលើតារាងនេះជាបន្តទៀត ។
ឆ្លងកាត់ការប្រណាំងចំនួន២០ដំណាក់មកនេះកុងតាឌ័របានប្រើអស់ថិរវេលាតិចជាងគេបំផុតគឺ៨២ម៉ោង១៤នាទីនិង៥២វិនាទីនាំមុខកីឡាករមិត្តរួមជាតិ Alejandro Valverdeដែលបានប្រើថិរវេលាច្រើនជាង១នាទីនិង១៦វិនាទី។ ឯកីឡាករអេស្ប៉ាញម្នាក់ទៀត គឺ Joaquim Rodriguezស្ថិតនៅលំដាប់ទី៣បន្ទាប់ពីបានប្រើថិរវេលាច្រើនជាង១នាទីនិង ៣៧វិនាទីី ។
សូមបញ្ជាក់ថាការប្រណាំងកម្មវិធី Tour of Spainឆ្នាំនេះចែកចេញជា២១ដំណាក់និងមានចម្ងាយផ្លូវសរុប៣៣៦០គីឡូម៉ែត្រ។ ដោយឡែកដំណាក់ទី២១ដែលជាដំណាក់ផ្តាច់ព្រ័ត្រមានចម្ងាយផ្លូវ១១៥គីឡូម៉ែត្រចេញដំណើរពីទីក្រុង Cercedillaឆ្ពោះទៅកាន់ទីក្រុងម៉ាឌ្រីដប្រទេសអេស្ប៉ាញ ៕
ចែករំលែកព័តមាននេះ