ខេត្តបន្ទាយមានជ័យ ៖ អត្រាគ្រោះថ្នាក់ចរាចរណ៍នៅទូទាំងខេត្តរបស់ការិយាល័យនគរបាលចរាចរជើងគោកខេត្តក្នុងខែសីហា ឆ្នាំ២០១២ នេះ កើតមានចំនួន១៦ករណី ក្នុងនោះគ្រោះថ្នាក់ប្រភេទធ្ងន់ចំនួន១៥ករណី និងស្រាល១ករណី ។ បញ្ហាបង្កឲ្យគ្រោះថ្នាក់ បណ្តាលមកពីកត្តាមនុស្ស១៥លើក និងកត្តាយានយន្ត១លើក បណ្តាលឲ្យមនុស្សស្លា.ប់ចំនួន៨នាក់ របួសធ្ងន់ចំនួន១០នាក់ ស្រី
ខេត្តបន្ទាយមានជ័យ ៖ អត្រាគ្រោះថ្នាក់ចរាចរណ៍នៅទូទាំងខេត្តរបស់ការិយាល័យនគរបាលចរាចរជើងគោកខេត្តក្នុងខែសីហា ឆ្នាំ២០១២ នេះ កើតមានចំនួន១៦ករណី ក្នុងនោះគ្រោះថ្នាក់ប្រភេទធ្ងន់ចំនួន១៥ករណី និងស្រាល១ករណី ។ បញ្ហាបង្កឲ្យគ្រោះថ្នាក់ បណ្តាលមកពីកត្តាមនុស្ស១៥លើក និងកត្តាយានយន្ត១លើក បណ្តាលឲ្យមនុស្សស្លាប់ចំនួន៨នាក់ របួសធ្ងន់ចំនួន១០នាក់ ស្រី៥នាក់ របួសស្រាលចំនួន១០នាក់ ស្រី៣នាក់ ម៉ូតូខូចធ្ងន់ចំនួន៥គ្រឿង និងស្រាល៥គ្រឿង,រថយន្តតូចខូចធ្ងន់ចំនួន២គ្រឿង និងស្រាល៧គ្រឿង, រថយន្តធំខូចធ្ងន់១គ្រឿង និងស្រាល១គ្រឿងនិងយានយន្តផ្សេងៗខូចធ្ងន់១គ្រឿងនិងស្រាល១គ្រឿង ។
របាយការណ៍បានបញ្ជាក់ថា បញ្ហាគ្រោះថ្នាក់ដែលកើតឡើងនៅស្រុកភ្នំស្រុក១លើក, ស្រុកព្រះនេត្រព្រះ១លើក,ស្រុកស្វាយចេក១លើក, ស្រុកម៉ាឡៃ១លើក,ស្រុកមង្គលបុរី១លើក,ក្រុងប៉ោយប៉ែត៤ លើកនិងក្នុងខេត្ត៧ លើក ។ ចំពោះបញ្ហាគ្រោះថ្នាក់ចរាចរណ៍នៅក្នុងខែសីហា ឆ្នាំ២០១២ កើតមានចំនួន១៦ករណី បើប្រៀបធៀបនឹងខែកក្កដា ឆ្នាំ២០១២ កើតមាន១៦ករណីដូចគ្នា ។
លោកវរសេនីយ៍ទោ ឈឿម សុផុន នាយការិយាល័យនគរបាលចរាចរជើងគោកខេត្ត បានឲ្យដឹងថា មន្ត្រីនគរបាលជំនាញនឹងបន្តអប់រំ ឬផាកពិន័យចំពោះករណីល្មើសមិនពាក់មួកសុវត្ថិភាព,មិនដាក់កញ្ចក់មើលក្រោយ, និយាយទូរស័ព្ទពេលបើកបរ, មិនគោរពសា្លកសញ្ញាចរាចរណ៍,មិនពាក់ខ្សែក្រវាតសុវត្ថិភាព, បើកបរលើសល្បឿនកំណត់, ប្រើប័ណ្ណបើកបរហួសសុពលភាព, ប្រើភ្លើងមិនត្រឹមត្រូវ, គ្មានលិខិតអនុញ្ញាតធ្វើអាជីវកម្មដឹកជញ្ជូន និងបទល្មើសចរាចរណ៍ផ្សេងៗទៀត ដែលរំលោភបំពានទាក់ទងនឹងច្បាប់ចរាចរណ៍ ៕
ចែករំលែកព័តមាននេះ