រាជធានីភ្នំពេញ ៖ ម៉ូតូសេ១១០ ស៊េរី ២០១២ ពណ៌ខ្មៅជិះគ្នា២នាក់បានបើកបុកម៉ូតូគុបមូលតឿ ពណ៌ទឹកប្រាក់ ដែលជិះគ្នា២នាក់ដែរ បណ្តាលឲ្យដួលរងរបួសទាំងសងខាង តែ ភាគីទាំងពីរមិនបានទាមទារសំណងពីគ្នាទេ គឺលើកម៉ូតូជិះចេញរៀងៗខ្លួន ។ គ្រោះថ្នាក់នេះកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៧ កញ្ញា នៅមហាវិថីព្រះមុនីវង្សកែងមហាវិថី
រាជធានីភ្នំពេញ ៖ ម៉ូតូសេ១១០ ស៊េរី ២០១២ ពណ៌ខ្មៅជិះគ្នា២នាក់បានបើកបុកម៉ូតូគុបមូលតឿ ពណ៌ទឹកប្រាក់ ដែលជិះគ្នា២នាក់ដែរ បណ្តាលឲ្យដួលរងរបួសទាំងសងខាង តែ ភាគីទាំងពីរមិនបានទាមទារសំណងពីគ្នាទេ គឺលើកម៉ូតូជិះចេញរៀងៗខ្លួន ។ គ្រោះថ្នាក់នេះកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៧ កញ្ញា នៅមហាវិថីព្រះមុនីវង្សកែងមហាវិថីកម្ពុជាក្រោម ត្រង់ចំណុចស្តុបអគារពាណិជ្ជកម្មBS ក្នុងសង្កាត់មិត្តភាព ខណ្ឌ៧មករា ។
តាមប្រភពព័ត៌មានឲ្យដឹងថា ម៉ូតូសេ១១០ ជិះគ្នា២នាក់ តាមមហាវិថីព្រះមុនីវង្ស ពីជើងទៅត្បូង ចំណែកម៉ូតូគុបមូលតឿ ជិះគ្នា២នាក់ ស្រីម្នាក់ ប្រុសម្នាក់ តាមមហាវិថីកម្ពុជាក្រោម ពីលិចទៅកើត ខណៈមកដល់ស្តុប ម៉ូតូគុបមូលតឿជិះឆ្លងផ្លូវ ស្រាប់តែម៉ូតូសេ១១០ជិះទៅបុកនៅកណ្តាលស្តុបតែម្តង ធ្វើឲ្យអ្នកបើកម៉ូតូគុបមូលដួលសន្លប់ ឯនារីជិះពីក្រោយរបួសស្រាល ចំណែកអ្នកជិះម៉ូតូសេ១១០ បែកក្បាលហូរឈាមកក្លាក់ទាំងពីរនាក់ ។
ក្រោយពេលកើតហេតុមានរថយន្តសង្គ្រោះចំនួន២គ្រឿងបានទៅដល់ តែជនរងគ្រោះដែលសន្លប់បានដឹងខ្លួនវិញក៏ប្រកែកមិនព្រមទៅមន្ទីរពេទ្យទេ ចំណែកយុវជន២នាក់ដែលបែកក្បាលហូរឈាមកក្លាក់នោះក៏មិនព្រមឡើងរថយន្តទៅព្យាបាលដែរហើយរថយន្តសង្រ្គោះបើកត្រឡប់ទៅវិញបាត់ ។ចំពោះភាគីទាំងពីរបន្ទាប់ពីរថយន្តសង្គ្រោះបើកត្រឡប់ទៅវិញ ក៏មិនទាមទារសំណងអ្វីពីគ្នាដែរ ដោយលើកម៉ូតូជិះចេញទៅរៀងខ្លួនមិនបង្កការរំខានដល់ប៉ូលិសឡើយ ៕
ចែករំលែកព័តមាននេះ