ខេត្តបន្ទាយមានជ័យ ៖ លោកឧត្តមសេនីយ៍ត្រីខេង ស៊ុម ស្នងការនគរបាលខេត្តបានលើកឡើងថា សភាពការណ៍សន្តិសុខ សណ្តាប់ធ្នាប់សង្គម នៅខេត្តបន្ទាយមានជ័យ ក្នុងត្រីមាសទី៣ ឆ្នាំ២០១២ នេះ បទល្មើសមានការថយចុះគួរឱ្យកត់សម្គាល់ ក្នុងនោះបទល្មើសឧក្រិដ្ឋកើតមាន១០លើក លើ៦លើក បទល្មើសមជ្ឈឹមកើតមាន៧លើកលើ៣លើកប៉ុណ្ណោះ ដែលរាល់បទ
ខេត្តបន្ទាយមានជ័យ ៖ លោកឧត្តមសេនីយ៍ត្រីខេង ស៊ុម ស្នងការនគរបាលខេត្តបានលើកឡើងថា សភាពការណ៍សន្តិសុខ សណ្តាប់ធ្នាប់សង្គម នៅខេត្តបន្ទាយមានជ័យ ក្នុងត្រីមាសទី៣ ឆ្នាំ២០១២ នេះ បទល្មើសមានការថយចុះគួរឱ្យកត់សម្គាល់ ក្នុងនោះបទល្មើសឧក្រិដ្ឋកើតមាន១០លើក លើ៦លើក បទល្មើសមជ្ឈឹមកើតមាន៧លើកលើ៣លើកប៉ុណ្ណោះ ដែលរាល់បទល្មើសទាំងនេះ ចេញបង្ក្រាបទទួលបានលទ្ធផលល្អប្រសើរ ចាប់ជនសង្ស័យបញ្ជូនទៅសាលាដំបូងខេត្តបានជាច្រើននាក់ ។
លោកស្នងការលើកឡើងបែបនេះ ក្នុងឱកាសប្រជុំបូកសរុបរបាយការណ៍សន្តិសុខប្រចាំត្រីមាសទី៣ ឆ្នាំ២០១២ នៅសាលប្រជុំ ស្នងការដ្ឋាននគរបាលខេត្ត កាលពីព្រឹកថ្ងៃទី៥ កញ្ញា ២០១២ ដោយមានការចូលរួមពីសំណាក់ លោក លោកស្រី ជាស្នងការរង នាយការិយាល័យ លោកអធិការនគរបាលស្រុក ក្រុង និងលោកមេបញ្ជាការនគរបាលវរសេនាតូចទាំង៤ ។
ក្នុងទិសដៅបន្តត្រីមាសទី៤នេះ លោកស្នងការបានមានប្រសាសន៍ណែនាំដល់គ្រប់បណ្តាអង្គភាព ការិយាល័យជំនាញនគរបាលកណ្តាលយុត្តិធម៌ និងគ្រប់អធិការដ្ឋាននគរបាលស្រុក ក្រុង ត្រូវខិតខំយកចិត្តទុកដាក់បន្ថែមទៀត ដោយធ្វើយ៉ាងណាទប់ស្កាត់រាល់បទល្មើសកើតឡើងនឹងត្រូវមានវិធានការបង្ការជានិច្ច ព្រោះកម្លាំងនគរបាលជាតិ មានតួនាទីការពារសន្តិសុខ សណ្តាប់ធ្នាប់ សុវត្ថិភាពជូនប្រជាពលរដ្ឋ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ