ខេត្តឧត្តរមានជ័យ ៖ នៅទីស្នាក់ការសន្តិសុខកងរាជអាវុធហត្ថប្រចាំច្រកទ្វារអន្តរជាតិអូរស្មាច់ បាននិងកំពុងយកចិត្តទុកដាក់អនុវត្តទៅតាមបទបញ្ជារបស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា និងយោងតាមការចង្អុលបង្ហាញពីលោកនាយឧត្តមសេនីយ៍សៅ សុខា មេបញ្ជាការកងរាជអាវុធហត្ថលើផ្ទៃប្រទេស ឱ្យកងកម្លាំងអាវុធហត្ថ
ខេត្តឧត្តរមានជ័យ ៖ នៅទីស្នាក់ការសន្តិសុខកងរាជអាវុធហត្ថប្រចាំច្រកទ្វារអន្តរជាតិអូរស្មាច់ បាននិងកំពុងយកចិត្តទុកដាក់អនុវត្តទៅតាមបទបញ្ជារបស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា និងយោងតាមការចង្អុលបង្ហាញពីលោកនាយឧត្តមសេនីយ៍សៅ សុខា មេបញ្ជាការកងរាជអាវុធហត្ថលើផ្ទៃប្រទេស ឱ្យកងកម្លាំងអាវុធហត្ថធ្វើការទប់ស្កាត់រាល់សកម្មភាពពលរដ្ឋលួចឆ្លងដែន ខុសច្បាប់ លួចចូលទៅក្នុងទឹកដីថៃកាប់ឈើគ្រញូងនិងធ្វើការបង្ក្រាបនូវក្រុមឈ្មួញដឹកជញ្ជូនឈើយ៉ាងអនាធិបតេយ្យនោះ ប៉ុន្តែបែរជាក្រុមឈ្មួញឈើប្តឹងសមត្ថកិច្ចប៉េអឹមចូលទៅដល់ព្រះរាជអាជ្ញាអមសាលាដំបូងខេត្តទៅវិញ ។
ហេតុការណ៍នេះបានកើតឡើងក្នុងភូមិដើមជ្រេស សង្កាត់អូរស្មាច់ ក្រុងសំរោង កាលពីវេលាម៉ោង៦ព្រឹកថ្ងៃទី៣ កញ្ញា ២០១២ ។
យោងតាមពាក្យបណ្តឹងរបស់ឈ្មោះសុខ សាម៉ុល ភេទស្រី អាយុ៣៤ឆ្នាំ រស់នៅភូមិ-ឃុំខាងលើ បានប្តឹងចោទប្រកាន់កម្លាំងប៉េអឹមធ្វើការបង្ក្រាបនោះបានចូលទៅដល់ក្នុងផ្ទះ ដោយរំលោភទៅលើសិទ្ធិលំនៅឋានរបស់ខ្លួន ហើយបានបាត់លុយអស់ចំនួន១ម៉ឺនដុល្លារអាមេរិក ទើបដាក់ពាក្យបណ្តឹងចូលដល់ព្រះរាជអាជ្ញាអមសាលាដំបូងខេត្ត កាលពីថ្ងៃទី៥ កញ្ញា ២០១២ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ